ஓமிக்ரானிடமிருந்து யாரும் தப்ப முடியாது.. இனிவரும் நாட்களில் இதுதான் நடக்கும்- ஆய்வாளர்கள் கணிப்பு

Updated: Tuesday, December 21, 2021, 18:13 [IST]

Subscribe to Oneindia Tamil

நியூயார்க்: உலகம் முழுக்க பல நாடுகளில் ஓமிக்ரான் கொரோனா வைரஸ் பரவி வருகிறது. அமெரிக்காவில் தற்போது ஓமிக்ரான்தான் ஆதிக்கம் மிக்க வைரஸாக உருவெடுத்துள்ளது. அங்கு புதிய கேஸ்களில் 73 சதவிகித கேஸ்கள் ஓமிக்ரான் கேஸ்கள் ஆகும்.

Recommended Video

வேகமெடுக்கும் ஒமிக்ரான் பரவல்… 27.57 கோடியை தாண்டிய பாசிட்டிவ் கேஸ்கள்!

பிரிட்டன், ஆஸ்திரேலியா போன்ற நாடுகளிலும் ஓமிக்ரான் கொரோனா வைரஸ் வேகமாக பரவி வருகிறது. தற்போது உலகம் முழுக்க 85 நாடுகளில் ஓமிக்ரான் பரவி உள்ளது. இந்தியாவில் 200க்கும் அதிகமான நபர்களிடம் ஓமிக்ரான் கண்டறியப்பட்டுள்ளது.

கண்டிப்பாக அடுத்த பெரிய அலையை ஓமிக்ரான் ஏற்படுத்தும் என்பது கிட்டத்தட்ட உறுதியாகிவிட்டது. இந்த நிலையில் ஓமிக்ரான் பரவலை தொடர்ந்து அடுத்த சில நாட்களில் என்னென்ன நடக்கும் என்று மருத்துவர்கள், ஆய்வாளர்கள் கணித்து உள்ளனர். இனி ஓமிக்ரான் கொரோனாவிடம் இருந்து என்ன எதிர்பார்க்கலாம் என்று அவர்கள் குறிப்பிட்டுள்ளனர்.

ஓமிக்ரான் கேஸ்கள்

அமெரிக்காவை சேர்ந்த உட்டா பல்கலைக்கழக பேராசிரியர் மற்றும் மருத்துவர் ஸ்டிபன் கோல்டுஸ்டைன் அளித்துள்ள பேட்டியில், ஓமிக்ரான் மிக தீவிரமாக இனி பரவும். தென்னாபிரிக்கா, ஐரோப்பாவில் நாம் இதை நேரில் கண்டு இருக்கிறோம். இனி வரும் நாட்களில் ஓமிக்ரான் கேஸ்கள் மிக அதிக அளவில் பதிவாகும். வரும் நாட்களில் இதுதான் நடக்க போகிறது. கடந்த வருடம் குளிர்காலத்தில் ஏற்பட்ட உச்சபட்ச கேஸ்களை விட அதிகமாக இருக்க போகிறது.

மோனிகா காந்தி

மோனிகா காந்தி என்று கலிபோர்னியா சான் பிரான்சிஸ்கோ பல்கலைக்கழக பேராசிரியர், மருத்துவர், ஓமிக்ரான் மிக மிக வேகமாக பரவ கூடியது. இதன் மூலம் கண்டிப்பாக புதிய அலைகள் தோன்றும் வாய்ப்புகள் உள்ளன. அமெரிக்க மத்திய மருத்துவ கட்டுப்பாட்டு இயக்குனர் டாக்டர் ரோச்செல் வேலன்ஸ்கி அளித்த பேட்டியில், உலகம் முழுக்க பல நாடுகளில் ஓமிக்ரான் தீவிரம் அடைந்துள்ளது.

மிக மிக அதிகம்

இந்த எண்கள் மிக மிக அதிகமாக இருக்கிறது. ஆனாலும் இது நாங்கள் எதிர்பார்த்ததுதான், என்று குறிப்பிட்டுள்ளார். ஜான்ஹாப்கின்ஸ் மருத்துவ செயலாளர் மற்றும் ஆய்வாளர் அமேஷ் அடல்ஜா தெரிவித்த கருத்தில், அடுத்த சில நாட்கள் நாம் எல்லோரும் சில நாட்களுக்கு ஓமிக்ரானுடன்தான் டேட்டிங் செல்ல வேண்டும். தப்பிக்கவே முடியாது.

தப்பவே முடியாது

நீங்கள் சிறிய அளவிலான சமூக தொடர்பு கொண்டாலும் செல்லும். எப்படிப்பட்ட வாழ்க்கையை வாழ்ந்தாலும் சரி. நீங்கள் ஓமிக்ரானுடன் விரைவில் தொடர்பு கொள்ளும் வாய்ப்புகள் உள்ளன. ஓமிக்ரானை நீங்கள் எதிர்கொள்ளும் வாய்ப்புகள் அதிகம் உள்ளன. இதை தவிர்க்க ஒரே வழி வேக்சின் போடுவதுதான், என்று அவர் குறிப்பிட்டுள்ளார்.