For Quick Alerts
ALLOW NOTIFICATIONS  
For Daily Alerts
Just In
Oneindia App Download

இரண்டரை வயது குழந்தையை கடத்திய 14 வயது சிறுவன்... சென்னையில் 'ஷாக்' சம்பவம்!

சென்னை தண்டையார்பேட்டையில் கடத்தப்பட்ட இரண்டரை வயது சிறுவனை 14 வயது சிறுவன் கடத்திச் சென்ற சம்பவம் பரபரப்பை ஏற்படுத்தியுள்ளது.

By Gajalakshmi
Google Oneindia Tamil News

Recommended Video

    இரண்டரை வயது குழந்தையை கடத்திய 14 வயது சிறுவன்-வீடியோ

    சென்னை : தண்டையார்பேட்டை பகுதியில் நேற்று மாயமான இரண்டரை வயது ஆண்குழந்தையை 14 வயது சிறுவன் கடத்திச் சென்ற சம்பவம் அனைவர் மத்தியிலும் அதிர்ச்சியை ஏற்படுத்தியுள்ளது.

    சென்னை தண்டையார்பேட்டை நேதாஜி தெருவைச் சேர்ந்தவர் மகமது இலியாஸ். இவர் கீழ்ப்பாக்கம் அரசு மருத்துவமனை அருகே சாலையோரத்தில் துணி வியாபாரம் செய்து வருகிறார். இவரது இரண்டரை வயது மகன் முகமது சாது நேற்று முன்தினம் வீட்டு வாசலில் விளையாடிக் கொண்டிருந்த போது கடத்தப்பட்டான்.

     Chennai's shocking Kidnap 14 years boy kidnapped two and half years old child

    ஒரு நாள் கடந்த பின்னரும் குழந்தை முகமதுவைப் பற்றி எந்தத் தகவலும் தெரியாததால் பெற்றோர் மற்றும் உறவினர்கள் கவலையடைந்தனர். இதனையடுத்து அந்தப் பகுதியில் உள்ள சிசிடிவி கேமராவில் பதிவான காட்சிகளின் அடிப்படையில் சிறுவனை போலீசார் தேடி வந்தனர். அப்போது அந்த வழியாக சைக்கிளில் வந்த 14 வயது சிறுவன் ஒருவன் முகமதுவை சைக்கிளில் அமர வைத்து அழைத்து செல்வது கண்டுபிடிக்கப்பட்டது.

    இதன் அடிப்படையில் போலீசார் விசாரணை நடத்தியதில் கடத்தப்பட்ட பகுதியில் இருந்து 2 கிலோ மீட்டர் தொலைவில் உள்ள வீட்டில் முகமதுவை சிறுவன் வைத்திருந்தது தெரிய வந்தது. இதனையடுத்து போலீசார் அந்த வீட்டை கண்டுபிடித்து முகமதுவை மீட்டனர். ஆனால் முகமதுவுடன் விளையாடவே அழைத்து சென்றதாக சிறுவன் கூறுகிறான்.

    எனினும் இதில் போலீசாருக்கு சந்தேகம் வந்தது, ஏனெனில் அந்தச் சிறுவன் தனது சைக்கிளின் நிறத்தை நேற்று மாற்றியுள்ளான். எனவே போலீசார் கடத்திய சிறுவனை கைது செய்து விசாரணை நடத்தி வருகின்றனர். மேலும் இந்த கடத்தல் சம்பவத்தில் 14 வயது சிறுவனின் பெற்றோரும் உடந்தையாக இருந்திருக்கலாம் என்று போலீசார் சந்தேகிக்கின்றனர்.

    English summary
    In a shocking Kidnap at Chennai's Tondaiyarpet 14 years boy kidnapped 2 and half years old child who were playing in front of his house, police arrested the boy.
     
     
     
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X