For Quick Alerts
ALLOW NOTIFICATIONS  
For Daily Alerts
Just In
Oneindia App Download

பிறந்த நாளில் என்னை வாழ்த்திய 14,48,683 பேர்!- கருணாநிதி

By Shankar
Google Oneindia Tamil News

சென்னை: என்னுடைய பிறந்த நாளில் குறுஞ்செய்தி - சமூக வலைதளம் - இணையதளம் மூலம் 14,48,683 பேர் வாழ்த்தியுள்ளனர். அவர்களுக்கு நன்றி, என கருணாநிதி தெரிவித்துள்ளார்.

இன்று திமுக தலைவர் கருணாநிதி தனது சமூக வலைத் தளப் பக்கத்தில் வெளியிட்டுள்ள செய்தி:

கடந்த ஜூன்-3 அன்று எனது 91ஆவது பிறந்தநாளினை முன்னிட்டு, உலகமெங்கிலும் உள்ள கழகத்தினர், உடன்பிறப்புகள், பொதுமக்கள் என 14,48,683 பேர், என்னிடம் கொண்டுள்ள பாசத்தின் - அன்பின் காரணமாக குறுஞ்செய்தி வாயிலாகவும், முகநூல், டிவிட்டர் மற்றும் இணைய தளத்தின் வாயிலாகவும் எனக்கு பிறந்த நாள் வாழ்த்துக்களைத் தெரிவித்துள்ளீர்கள்.

Karunanidhi thanks giving message to social media followers

ஏற்கனவே கடந்த 1-6-2014 அன்று "நான் வழங்கும் பிறந்தநாள் செய்தி" எனும் தலைப்பில் உடன்பிறப்புக்கான கடிதத்தில் "என்னைப் பொறுத்தவரையில், தந்தை பெரியார் அவர்களிடம் பெற்ற பயிற்சியைக் கருத்தில் தேக்கி, அறிஞர் அண்ணா அவர்கள் கற்றுத் தந்த வழிமுறை களிலிருந்து கிஞ்சிற்றும் பிறழாமல்; சுயமரியாதையும், பகுத்தறிவும் பெற்ற சாதிமதப் பேதமற்றதும், சோஷலிச அடிப்படையில் ஆனதுமான சமுதாயம் - சமத்துவம் - சமூக நீதி - தமிழ் மொழியின் முதன்மை - தமிழர் மேம்பாடு என; இவற்றுக்காக அயராது பாடுபட்டுக் கொண்டிருப்பவன்; தோல்வியாயினும், வெற்றியாயினும் துவளாமல் இலட்சியப் பயணத்தைத் தொடர்ந்து மேற்கொண்டு வருபவன் நான்.

"அடித்தாலும், அணைத்தாலும் நான் உந்தன் பிள்ளை" என்பதற் கொப்ப, எந்த நிலையிலும் நான் நாட்டிற்காகவும், மொழிக்காகவும் ஆற்ற வேண்டிய பணியை தள்ளி வைத்ததும் இல்லை; தமிழ் மக்களிடமிருந்து என்றைக்கும் விலகி நின்றதும் இல்லை." என்று குறிப்பிட்டுள்ளபடி; தங்கள் அனைவரின் வாழ்த்துக்கள் எனக்கு மக்கள் பணியை ஊக்குவிப்பதாகவும்; மென்மேலும் பணியாற்றிட தூண்டுகோலாகவும் உள்ளது என்பதை தெரிவித்து, வாழ்த்துக்களைத் தெரிவித்த அனைவருக்கும் எனது மனமார்ந்த நன்றியைத் தெரிவித்துக் கொள்கிறேன்.

-இவ்வாறு அதில் தெரிவித்துள்ளார் கருணாநிதி.

English summary
DMK President M Karunanidhi thanked 14,48,683 persons those wished him thro social media and SMS on his 91st birthday.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X