இரு திராவிடக் கட்சிகள்! வாழ்நாள் எதிரிகள் ஒரே இரவில் ஒன்றானார்கள்! மாணிக்கம் தாகூர் விமர்சனம்

சென்னை: வாழ்நாள் எதிரிகள் ஒரே இரவில் ஒன்றானார்கள் என மாணிக்கம் தாகூர் ஒரு பதிவை போட்டிருக்கிறார். திமுகவும் அதிமுகவும் இணைந்து ஆட்சி அமைக்க பேச்சுவார்த்தை நடத்தப்பட்டதாக வந்த தகவல்களை அடுத்து மாணிக்கம் தாகூர் காட்டமாக விமர்சித்துள்ளார்.

இதுகுறித்து அவர் தனது சமூகவலைதள பக்கத்தில் கூறியிருப்பதாவது: இரண்டு திராவிட கட்சிகள். வாழ்நாள் எதிரிகள். ஒரே இரவில் ஒன்றானார்கள்.

தமிழகத்திற்காக இல்லை. மதச்சார்பின்மைக்காக இல்லை. ஒரே ஒரு மனிதனை நிறுத்த விஜய்யை. காங்கிரஸ் தெளிவாக பார்த்தது வெளியேறியது. RSS/BJP-யின் B-டீமுடன் படுத்துக்கொண்டு உங்களை மதச்சார்பற்றவர் என்று சொல்ல முடியாது. "நிலையான அரசு" என்பது இரண்டு பயந்த கட்சிகள் தங்கள் அதிகாரத்தை காக்கும் அரசியல் மொழி.

காங்கிரஸ் சரியாகவே வெளியேறியது. திமுக இன்று தன் முகமூடியை கழற்றுமா? Who is a betrayer? (நம்பிக்கை துரோகி யார்) இவ்வாறு மாணிக்கம் தாகூர் கேள்வி எழுப்பியுள்ளார்.

2026 தமிழ்நாடு சட்டமன்றத் தேர்தல் முடிவுகள் ஒரு இழுபறி நிலையை (Hung Assembly) உருவாக்கியுள்ள சூழலில், திமுகவின் உயர்நிலை செயல்திட்டக் குழு கூட்டம் இன்று நடைபெற்றது. இதில் கட்சித் தலைவரும், முதல்வருமான மு.க. ஸ்டாலினுக்கு மிக முக்கியமான அதிகாரங்களை வழங்கி தீர்மானம் நிறைவேற்றப்பட்டது.

முக்கிய அம்சங்கள்

அவசர முடிவுகள் எடுக்க அதிகாரம்: தமிழ்நாட்டில் ஒரு நிலையான அரசை (Stable Government) அமைப்பதற்கான அனைத்து முக்கிய முடிவுகளையும் எடுக்கும் முழு அதிகாரத்தையும் மு.க. ஸ்டாலினுக்கு இக்குழு வழங்கியுள்ளது.

கூட்டணி பேச்சுவார்த்தை: புதிய கட்சிகளுடன் கூட்டணி அமைப்பது அல்லது பிற கட்சிகளின் ஆதரவைப் பெறுவது குறித்த இறுதி முடிவை முதல்வர் எடுக்கலாம் எனத் தெரிவிக்கப்பட்டுள்ளது.

திமுக முன்னிலை: தற்போதைய சூழலில் திமுக கூட்டணி அதிக இடங்களைப் பெற்றிருந்தாலும், ஆட்சி அமைக்கத் தேவையான தனிப்பெரும்பான்மை (118 இடங்கள்) கிடைக்காத நிலையில், இந்த "அவசர அதிகாரம்" முக்கியத்துவம் பெறுகிறது.

விஜய்யின் TVK மற்றும் அதிமுக நிலைப்பாடு: நடிகர் விஜய்யின் தமிழக வெற்றிக் கழகம் மற்றும் அதிமுக ஆகிய கட்சிகளின் நகர்வுகளை உன்னிப்பாக கவனித்து, அதற்கு ஏற்ப காய் நகர்த்த திமுக திட்டமிட்டுள்ளது.

கூட்டத்தின் சாரம்சம்:
"மக்களின் தீர்ப்பை மதித்து, தமிழகத்தில் ஒரு வலுவான மற்றும் நிலையான ஆட்சி அமைய வேண்டும் என்பதே திமுகவின் நோக்கம். இதற்காக எந்தக் கட்சிகளுடன் பேச்சுவார்த்தை நடத்துவது அல்லது ஆதரவு கோருவது என்பதை ஸ்டாலின் சூழலுக்கு ஏற்ப முடிவெடுப்பார்" என்று கூட்டத்திற்குப் பின் செய்தியாளர்களிடம் தெரிவிக்கப்பட்டது.

இந்தத் தீர்மானத்தின் மூலம், தமிழகத்தில் ஆட்சி அமைப்பதற்கான அடுத்தகட்ட அதிரடி நடவடிக்கைகளில் திமுக இறங்கியுள்ளது உறுதியாகியுள்ளது. மேலும் நேற்றைய தினம் எடப்பாடி பழனிசாமியுடன் உதயநிதி பேசியதாகவும் தகவல்கள் வெளியாகியுள்ளது.

47 எம்.எல்.ஏ-க்களைக் கொண்டுள்ள அதிமுக, திமுக மற்றும் இதர சிறிய கட்சிகளின் வெளிஆதரவுடன் ஆட்சி அமைக்கும் என்று ஊகங்கள் கிளம்பியுள்ளன. ஆனால், அதிமுக, திமுக, பாமக, அமமுக, ஐயுஎம்எல் மற்றும் தேமுதிக ஆகிய அனைத்து கட்சிகளின் பலத்தையும் சேர்த்தால் கூட வெறும் 114 இடங்களே வருகிறது என்பதால், ஆட்சி அமைக்கத் தேவையான பெரும்பான்மைக்கு இந்த எண்கள் போதுமானதாக இல்லை என்றும் ஒரு தகவல் வெளியாகியுள்ளது. விஜய்யை ஆட்சி அமைக்க வைக்காமல் அதிமுகவும் திமுகவும் சேர்ந்து கொண்டு கூட்டணி ஆட்சி அமைக்க போவதாக வந்த தகவல்களுக்கு மாணிக்கம் தாகூர் பதிலடி கொடுத்துள்ளார்.