விருதுநகரில் பிரமாண்டமான மதிமுக மாநாடு.. தொண்டர்கள் குவிந்தனர்
விருதுநகர்: விருதுநகரில் இன்று காலை பிரமாண்டமான மதிமுக மாநில மாநாடு தொடங்கியுள்ளதைத் தொடர்ந்து அங்கு தொண்டர்கள் குவிந்துள்ளனர்.
இன்று காலை 9 மணி தொடங்கி இரவு வரை மாநாடு நடைபெறுகிறது. பொதுச் செயலாளர் வைகோ சிறப்புரையாற்றுகிறார்.
மாநாட்டையொட்டி மாநிலத்தின் பல பகுதிகளிலிருந்தும் தொண்டர்கள் விருதுநகரில் குவிந்துள்ளதால் விருதுநகரே மதிமுக தொண்டர்கள் மயமாக காணப்படுகிறது.
நகர் முழுவதும் கொடிகள் - பிளக்ஸ் போர்டுகள்
மாநாட்டிற்காக பிரம்மாண்ட பந்தல் அமைக்கப்பட்டுள்ளது. நகரின் பிரதான சாலைகளில் ஆங்காங்கே ப்ளக்ஸ் போர்டுகள் வைக்கப்பட்டுள்ளன. மதிமுக கொடி மயமாக காணப்படுகிறது.
அண்ணா பிறந்த நாளன்று
இன்று அண்ணாவின் பிறந்த நாளை முன்னிட்டு இந்த மாநாட்டுக்கு மதிமுக ஏற்பாடு செய்துள்ளது.
சூலக்கரையில்
விருதுநகர்-சாத்தூர் நான்கு வழிச்சாலையில் உள்ள சூலக்கரையில் மாநாடு நடைபெறுகிறது.
பிரமாண்ட பந்தல்
பிரமாண்டமான அளவில் நவீன உள் அலங்காரத்துடன் சூலக்கரையில் பந்தல் அமைக்கப்பட்டுள்ளது. இதற்காக தமிழகம் முழுவதிலும் இருந்து மதிமுக தொண்டர்கள் வேன், பஸ்கள் உள்ளிட்டவைகளில் வந்து குவிந்துள்ளனர்.
சரித்திரம் படைக்கும்
மாநாடு குறித்து முன்னதாக வைகோ கூறுகையில், சரித்திரத்தில் இடம்பெறுகிற வகையில் இந்த மாநாட்டில் 2 லட்சம் பேர் வரையில் பங்கேற்கவுள்ளனர். எந்தவித ஆடம்பரமும் இல்லாமல் பொதுமக்களுக்கு இடையூறும் இல்லாமல், அவர்களை கவரும் வகையில் இம் மாநாடு நடைபெறும். இந்த மாநாட்டு வளாகத்தில் பெரியார் தொடர்பான படங்கள் கண்காட்சிக்கு வைக்கப்பட்டுள்ளன.
லோக்சபா தேர்தலையொட்டி தீர்மானங்கள்
இந்த மாநாட்டில் லோக்சபா தேர்தலை மையமாக வைத்து பல்வேறு தீர்மானங்கள் நிறைவேற்றப்படும் என்றார்.
கூட்டணி குறித்த அறிவிப்பு
மாநாட்டில் கூட்டணி குறித்த அறிவிப்பும் முக்கியமாக இடம் பெறும் என்று தெரிகிறது.
சாப்பாடு வசதி
மாநாட்டில் மருத்துவ அணி சார்பில் முதலுதவி சிகிச்சை மையம் மற்றும் குடிநீர் வசதி செய்யப்பட்டுள்ளது. மாநாட்டுக்கு வருகிற அனைவருக்கும் உணவு வழங்கவும் ஏற்பாடு செய்யப்பட்டுள்ளது.
எங்கெங்கும் மதிமுக மயம்
மாநாட்டையொட்டி விருதுநகர் மாவட்ட எல்லை தொடங்கி, மாநாடு நடைபெறவுள்ள இடம் வரையில் நான்கு வழிச் சாலையில் கொடிகள், பிளக்ஸ் பேனர்கள், அலங்கார விளக்குகள், குழல் விளக்குகள் அமைக்கப்பட்டு, அப்பகுதியே விழாக் கோலம் பூண்டுள்ளது.
Click it and Unblock the Notifications
Sign in with Google