புயல் கரையை கடந்தும் வலுவிழக்காமல் அடம்பிடிக்கிறது வர்தா புயல் - வானிலை ஆய்வு மையம்
வட தமிழகத்தில் அடுத்த 2 நாட்களுக்கு மழை தொடரும் என வானிலை ஆய்வு மையம் தெரிவித்துள்ளது.
சென்னை: வர்தா புயல் கரையைக் கடந்தும் அது வலு குறைந்த புயலாக மாறி வருகிறது. வட தமிழகத்தில் அடுத்த 2 நாட்களுக்கு மழை தொடரும் என வானிலை ஆய்வு மையம் தெரிவித்துள்ளது.
வங்க கடலில் உருவாகியிருந்த வர்தா புயல் நேற்று மாலை 3 மணியில் இருந்து 5 மணிக்குள் சென்னை துறைமுகம் அருகே கரையைக் கடந்தது. புயல் கரையைக் கடந்தாலும் மழை நீடிக்கும் என வானிலை ஆய்வு மையம் கூறியுள்ளது.
இதுகுறித்து, சென்னை வானிலை ஆய்வு மைய இயக்குநர் பாலசந்திரன் நேற்று மாலை அளித்த பேட்டியில், வங்க கடலில் உருவான வர்தா புயல் நேற்று மதியம் 3 மணியிலிருந்து 5 மணி வரைக்குள் கரையை கடந்தது. கரையை கடக்கும் போது தரைக்காற்று மணிக்கு 100 கி.மீ., - 120 கி.மீ., வரை வீசியது. தற்போது மணிக்கு 70 கி.மீ., - 85 கி.மீ., வரை வீசுகிறது. காற்றின் வேகம் படிப்படியாக குறைந்து 50 கி.மீ., வேகத்தில் வீசும்.
அதிதீவிர வர்தா புயலானது, வலு குறைந்து புயலாக மாறி உள்ளது. அது வலு இழக்கும். மழை படிப்படியாக குறையும். வட தமிழகத்தில் அடுத்த 2 நாட்களுக்கு மழை தொடரும். அடுத்த 24 மணி நேரத்தில் அனேக இடங்களில் கனமழை பெய்யும். இவ்வாறு அவர் கூறினார்.
Click it and Unblock the Notifications
Sign in with Google