தீபாவளி பண்டிகை: திருச்சி, நெல்லைக்கு சிறப்பு ரயில்கள்; முன் பதிவு தொடங்கியது

சென்னை: தீபாவளி பண்டிகையை முன்னிட்டு பயணிகளின் கூட்ட நெரிசலைத் தவிர்க்கும் வகையில் திருச்சி மற்றும் திருநெல்வேலிக்கு சிறப்பு ரயில்களை தெற்கு ரயில்வே இயக்க உள்ளது.

இதுகுறித்து தெற்கு ரயில்வே இன்று வெளியிட்டுள்ள செய்தி குறிப்பு:

திருச்சியில் இருந்து சென்னைக்கு வரும் 29-ம் தேதி சிறப்பு ரயில் (06026) இயக்கப்படுகிறது. இந்த ரயில் திருச்சியில் இருந்து 29-ம் தேதி பிற்பகல் 3.15 மணிக்கு பறப்பட்டு இரவு 9.10 மணிக்கு சென்னை எழும்பூரை வந்தடையும். இதேபோல் எழும்பூரில் இருந்து திருச்சிக்கு 31-ம் தேதி சிறப்பு ரயில் (06025) இயக்கப்படுகிறது. இந்த ரயில் 31-ம்தேதி காலை 9 மணியளவில் எழும்பூரில் இருந்து புறப்பட்டு மதியம் 2.30-க்கு திருச்சி சென்றடையும்.

எழும்பூரில் இருந்து திருநெல்வேலிக்கு 29-ம் தேதி சிறப்பு கட்டண சிறப்பு ரயில் இயக்கப்படுகிறது. இந்த ரயில் (06041) 29-ம் தேதி இரவு 10.45 மணிக்கு எழும்பூரில் இருந்து புறப்பட்டு மறுநாள் மதியம் 12.30 மணிக்கு திருநெல்வேலிக்கு சென்றடையும்.

திருநெல்வேலியில் இருந்து எழும்பூருக்கு 30-ம் தேதி சுவிதா சிறப்பு ரயில் (82610) இயக்கப்படுகிறது. இந்த ரயில் 30-ம் தேதி மாலை 6.20 மணிக்கு திருநெல்வேலியில் இருந்து புறப்பட்டு மறுநாள் காலை 7.20 மணிக்கு எழும்பூர் வந்தடையும். இந்த சிறப்பு ரயில்களுக்கு முன்பதிவு தொடங்கியுள்ளது. இவ்வாறு அதில் கூறப்பட்டுள்ளது.

English summary

Special Trains announced to trichy, nellai for diwali festival