தொடர் பண்டிகைகளை முன்னிட்டு நெல்லைக்கு சிறப்பு ரெயில்கள் இயக்கம்

தொடர் பண்டிகைகளை முன்னிட்டு நெல்லைக்கு சிறப்பு ரெயில்கள் இயக்கப்பட உள்ளதாக தெற்கு ரயில்வே அறிவித்துள்ளது.

சென்னை: கிறிஸ்துமஸ், வருடப் பிறப்பு, சபரிமலை சீசன், தைப்பூசம், பொங்கல் பண்டிகை வருவதையொட்டி பயணிகள் கூட்ட நெரிசலை தவிர்க்க தெற்கு ரெயில்வே சிறப்பு ரெயில்களை அறிவித்துள்ளது.

இதுகுறித்து தெற்கு ரெயில்வே வெளியிட்டுள்ள செய்திக்குறிப்பில் கூறியிருப்பதாவது:-

* நெல்லை-செங்கல்பட்டு இடையே வாராந்திர சிறப்பு ரெயில் (வண்டி எண்: 06062) 15, 22, 29, ஜனவரி 5, 12, 19, 26, பிப்ரவரி 2, 9 ஆகிய தேதிகளில் நெல்லையிலிருந்து மாலை 4 மணிக்கு புறப்பட்டு மறுநாள் அதிகாலை 4.30 மணிக்கு செங்கல்பட்டு வந்தடையும்.

* செங்கல்பட்டு-நெல்லை இடையே வாராந்திர சிறப்பு ரெயில் (06061) 16, 23, 30, ஜனவரி 6, 13, 20, 27, பிப்ரவரி 3, 10 ஆகிய தேதிகளில் செங்கல்பட்டில் இருந்து மதியம் 1.45 மணிக்கு புறப்பட்டு இரவு 2.40 மணிக்கு நெல்லையை சென்றடையும்.

* நெல்லை-செங்கல்பட்டு வாராந்திர சிறப்பு ரெயில் (06064) 18, 25, ஜனவரி 1, 8, 15, 22, 29, பிப்ரவரி 5 ஆகிய தேதிகளில் நெல்லையிலிருந்து மாலை 4 மணிக்கு புறப்பட்டு மறுநாள் அதிகாலை 4.30 மணிக்கு செங்கல்பட்டு வந்தடையும்.

* செங்கல்பட்டு-நெல்லை இடையே வாராந்திர சிறப்பு ரெயில் (06063) 19, 26, ஜனவரி 2, 9, 16, 23, 30, பிப்ரவரி 6 ஆகிய தேதிகளில் செங்கல்பட்டில் இருந்து 1.45 மணிக்கு புறப்பட்டு 2.40 மணிக்கு நெல்லையை சென்றடையும்.

* திருச்சி-சென்னை எழும்பூர் இடையே வாராந்திர சிறப்பு ரெயில் (06066) 12, 19, 26, ஜனவரி 2, 9, 16, 23, 30, பிப்ரவரி 6 ஆகிய தேதிகளில் திருச்சியில் இருந்து இரவு 11.50 மணிக்கு புறப்பட்டு மறுநாள் காலை 7.20 மணிக்கு சென்னை எழும்பூரை வந்தடையும்.

* சென்னை எழும்பூர்- திருச்சி இடையே வாராந்திர சிறப்பு ரெயில் (06065) 13, 20, 27, ஜனவரி 3, 10, 17, 24, 31, பிப்ரவரி 7 ஆகிய தேதிகளில் எழும்பூரிலிருந்து இரவு 7.15 மணிக்கு புறப்பட்டு 3.15 மணிக்கு திருச்சியை சென்றடையும்.

* கோவை-செங்கல்பட்டு இடையே சிறப்பு ரெயில் (06068) 19, 21, 26, 28, ஜனவரி 2, 4, 9, 11, 16, 18, 23, 25, 30, பிப்ரவரி 1, 6, 8 ஆகிய தேதிகளில் கோவையிலிருந்து இரவு 7.30 மணிக்கு புறப்பட்டு மறுநாள் அதிகாலை 4.15 மணிக்கு செங்கல்பட்டு வந்தடையும்.

* செங்கல்பட்டு-கோவை இடையே சிறப்பு ரெயில் (06067) 20, 22, 27, 29, ஜனவரி 3, 5, 10, 12, 17, 19, 24, 26, 31, பிப்ரவரி 2, 7, 9 ஆகிய தேதிகளில் செங்கல்பட்டில் இருந்து மாலை 6 மணிக்கு புறப்பட்டு மறுநாள் அதிகாலை 5.10 மணிக்கு கோவையை சென்றடையும்.

* ஈரோடு-சென்னை எழும்பூர் சிறப்பு ரெயில் (06028) 17, 18, 24, 25, 31 ஆகிய தேதிகளில் அதிகாலை 4.45 மணிக்கு ஈரோட்டில் புறப்பட்டு மதியம் 1.30 மணிக்கு சென்னை எழும்பூரை வந்தடையும்.

* சென்னை எழும்பூர்-ஈரோடு இடையே சிறப்பு ரெயில் (06027) 17, 18, 24, 25, 31 ஆகிய தேதிகளில் எழும்பூரில் இருந்து மதியம் 3 மணிக்கு புறப்பட்டு இரவு 11.20 மணிக்கு ஈரோட்டை சென்றடையும்.

* கொல்லம்-சென்னை சென்டிரல் இடையே சுவிதா சிறப்பு ரெயில் (82632) ஜனவரி 8-ந்தேதி மதியம் 3.35 மணிக்கு கொல்லத்திலிருந்து புறப்பட்டு மறுநாள் காலை 7.15 மணிக்கு சென்னை சென்டிரலை வந்தடையும்.

இந்த ரெயில்களுக்கான முன்பதிவு வெள்ளிக்கிழமை முதல் தொடங்கியது.

English summary

The Southern Railway will operate the following special fare special trains between Chennai Egmore and Tirunelveli.