மழை நேரத்தில் சென்னையின் ட்ராபிக் அப்டேட்ஸ் தெரிந்துகொள்ள ஈஸி வழி! #TrafficAlert

இப்போது சென்னை சிட்டியின் ட்ராபிக் நிலவரங்களை ட்விட்டர் மூலம் அறிந்து கொள்ள முடியும்

சென்னை : சென்னையின் ட்ராபிக் நிலவரத்தை சென்னை மாநகரப் போக்குவரத்துக் காவல்துறையின் பிரத்யேக ட்விட்டர் பக்கத்தில் தெரிந்துகொள்ளலாம். இது தங்களின் நேரத்தை மிச்சப்படுத்துவதாக பயனாளர்கள் தெரிவித்து இருக்கிறார்கள்.

சென்னை மாநகரத்தின் ட்ராபிக் நிலவரம் பற்றி சொல்லவே வேண்டாம். காலை, மாலை என்று வகை தொகை இல்லாமல் போக்குவரத்து நெரிசல் ஏற்படும். சாதரண காலங்களிலேயே அப்படி என்றால் மழைக்காலங்களில் அவ்வுளவு தான். வாகன ஓட்டிகளின் சிரமத்தை சொல்லவே முடியாது.

தற்போது இந்த பிரச்னைக்கு தீர்க்கும் நோக்கில் சென்னை மாநகரப் போக்குவரத்துக் காவல்துறை களமிறங்கி உள்ளது. சென்னையின் முக்கிய பகுதிகளில் ட்ராபிக் எப்படி இருக்கிறது, மழையால் போக்குவரத்தில் மாற்றம் எதாவது இருக்கிறதா என்பதைத் தெரிவிப்பதற்காக சென்னை போக்குவரத்துக்காவல்துறை புதிய ட்விட்டர் பக்கத்தை துவங்கி உள்ளது.

@CCTraffic_Alert என்கிற அந்தப் பக்கத்தை மக்கள் பின் தொடர்ந்து, சென்னையின் ட்ராபிக் குறித்த அப்டேட்டுகளை உடனுக்குடன் அறிந்து கொள்ள முடியும். இதன் மூலம் தங்கள் நேரம் சேமிக்கப்படுவதாகவும், பயணத்திற்கு திட்டமிட்டுக் கொள்ளவும் முடிகிறது என்று மக்கள் தெரிவிக்கிறார்கள்.

நீங்களும் அந்தப் பக்கத்தை தொடர https://twitter.com/CCTPolice_Alert இந்த சுட்டியை அழுத்தவும்.

English summary

Chennai City Traffic Police updates Live Traffic Scenario in important places of Chennai city in the Page @CCTraffic_Alert.