தூத்துக்குடி மக்கள் ஏக்கத்துடன் பார்த்த பல ஆண்டு கனவு... இரவில் வந்ததுமே அப்படியொரு மகிழ்ச்சி

தூத்துக்குடி: தமிழ்நாட்டின் ஐந்தாவது விமான நிலையம் என்றால் அது தூத்துக்குடி விமான நிலையம் தான்.. திருநெல்வேலி, தூத்துக்குடி, கன்னியாகுமரி மாவட்ட மக்கள் இந்த விமான நிலையத்தை தான் பயன்படுத்துகிறது. இங்கு இரவு நேர விமான சேவை இல்லாமல் இருந்தது. இந்நிலையில், பயணிகளின் நீண்டகால கோரிக்கையை ஏற்று, தூத்துக்குடி விமான நிலையத்தில் நேற்று இயக்கப்பட்டது. இதையடுத்து பயணிகளுடன் சேர்ந்து, விமான நிலைய இயக்குநர் தலைமையில் கேக் வெட்டி உற்சாகமாக கொண்டாடப்பட்டது

தயார் விமான சேவைகள் மூலம் தூத்துக்குடி விமான நிலையத்திலிருந்து தினமும் சென்னைக்கு 4 விமான சேவைகள், பெங்களூருக்கு ஒரு விமான சேவை என 5 விமான சேவைகள் இயக்கப்பட்டு வருகிறது எனினும், இங்கு இரவு நேர விமான சேவை இல்லாமல் இருந்தது. இந்நிலையில், பயணிகளின் நீண்டகால கோரிக்கையை ஏற்று, தூத்துக்குடி விமான நிலையத்தில் நேற்று தொடங்கப்பட்டுள்ளது.

விமானம் இரவில் வந்தது

அதன்படி நேற்று மாலை சென்னையில் இருந்து 78 பயணிகளுடன் புறப்பட்ட விமானம் தூத்துக்குடிக்கு இரவு 7.55 மணிக்கு வந்தது. இதை தொடர்ந்து 8.15 மணிக்கு 78 பயணிகளுடன் மீண்டும் தூத்துக்குடியில் இருந்து சென்னை நோக்கி புறப்பட்டு சென்றது. இந்த இரவு நேர விமானத்தில் பயணம் செய்வதற்காக வந்த பயணிகளுடன், விமான நிலைய அதிகாரிகள், விமான நிறுவனத்தின் அதிகாரிகள் கேக் வெட்டி கொண்டாடினார்கள். இரவு நேர விமான பயணம் மிகுந்த மகிழ்ச்சி அளிப்பதாகவும், மிகுந்த வசதியாக இருப்பதாகவும் பயணிகள் கூறினார்கள்.

பகல் நேர சேவை மாற்றம்

இதுபற்றி பயணிகள் கூறுகையில், இதுவரை மதியம் 1.50 மணிக்கு இருந்த விமானம் இப்போது இரவு நேரத்திற்கு மாற்றப்பட்டுள்ளது. இதனால், தொழில் ரீதியாக சென்னைக்குச் செல்பவர்கள் காலை மற்றும் பகல் நேரப் பணிகளை முடித்துவிட்டு, மாலை அல்லது இரவு நேரத்தில் பயணம் செய்ய முடிகிறது. இது ஒரு முழு வேலை நாளைப் பயனுள்ளதாக மாற்ற உதவி உள்ளது. இரவு நேர விமான சேவை என்பது தூத்துக்குடி விமான நிலையத்தின் செயல்பாட்டு நேரம் நீடிக்கப்பட்டுள்ளது. இது எதிர்காலத்தில் கூடுதல் விமான சேவைகள் வருவதற்கான வாய்ப்பை உருவாக்கி உள்ளது.

கேக் வெட்டி கொண்டாட்டம்

வேலை முடிந்து திரும்புபவர்களுக்கும், அடுத்த நாள் காலை சென்னை அல்லது தூத்துக்குடியில் முக்கியமான வேலைகளைக் கொண்டிருப்பவர்களுக்கும் இந்த இரவு நேரப் பயணம் கூடுதல் வசதியாக இருக்கும். அதேபோல் சென்னை வழியாக வெளிநாடு அல்லது பிற நகரங்களுக்குச் செல்லும் பயணிகளுக்கு, இரவு நேர விமானம் ஒரு சிறந்த இணைப்பாக இருக்க போகிறது" என்று பயணிகள் உற்சாகமாக கூறினார்கள். இதனிடையே இரவு நேர விமான சேவை தொடங்கியதை அடுத்து, பயணிகளுடன் சேர்ந்து, விமான நிலைய இயக்குநர் கேக் வெட்டி உற்சாகமாக கொண்டாடினார்.

தூத்துக்குடி விமான சேவை புதிய நேர அட்டவணை

தூத்துக்குடி - சென்னை இடையே இரவு நேர விமான சேவையை தனியார் விமான நிறுவனம் நேற்று முதல் தொடங்கி உள்ளதால் மார்ச் 29ம் தேதி முதல் தூத்துக்குடியில் இருந்து புறப்படும் விமான சேவையின் நேரம் மாற்றப்பட்டு உள்ளது. தூத்துக்குடியில் இருந்து காலை 8 மணிக்கு சென்னை புறப்படும் விமானம் காலை 8.10-க்கும், காலை 11.25-க்கு புறப்படும் விமானம் 12.05-க்கும், 12.15-க்கு புறப்படும் பெங்களூரு விமானம் மதியம் 1.10 மணிக்கும், மாலை 4.15 மணிக்கு புறப்படும் சென்னை விமானம் 4.10-க்கும் புறப்பட்டுச் செல்கிறது.

தற்போது மதியம் 1.50 மணிக்கு சென்னைக்கு புறப்பட்டுச் செல்லக்கூடிய விமானம் இரவு நேர விமானமாக மாற்றப்பட்டு உள்ளது. அந்த விமானம் தினமும் சென்னையில் இருந்து மாலை 6.15 மணிக்கு புறப்பட்டு இரவு 7.55 மணிக்கு தூத்துக்குடியை வந்தடையும். தூத்துக்குடியில் இருந்து இரவு 8.15 மணிக்கு புறப்பட்டு இரவு 9.45 மணிக்கு சென்னையை சென்றடையும் என்று அறிவிக்கப்பட்டுள்ளது

5 விமானங்களை நிறுத்தலாம்

இந்த விமான நிலையம் 2044 ஆம் ஆண்டு வரை சிறப்பாக செயல்படத்தக்க வகையில் விரிவாக்கம் செய்யப்பட்டது. முன்பு 1,350 மீட்டர் அளவில் மட்டுமே விமான ஓடுதளம் இருந்த நிலையில் தற்போது, 3,115 மீட்டராக அதிகரிக்கப்பட்டிருக்கிறது. மேலும், ஒரே நேரத்தில் 5 விமானங்களை நிறுத்தும் வகையிலும், இரவு நேரத்தில் விமானங்கள் வந்து செல்லக்கூடிய வகையிலும் விமான நிலையம் விரிவாக்கப்பட்டது.

வெளிநாடுகளுக்கும் சேவை

இதுதவிர, பல்வேறு அதிநவீன வசதிகளும் இந்த விமான நிலையத்தில் இருக்கிறது. மிகப்பெரிய ஏ - 321 ரக ஏர்பஸ் விமானங்கள் கூட தூத்துக்குடிக்கு வந்து செல்ல முடியும். மேலும், விரைவில் இந்த விமான நிலையத்திலிருந்து டெல்லி, மும்பை, கொச்சி, கொழும்பு, மலேசியா உள்ளிட்ட பல்வேறு பகுதிகளுக்கும் விமானங்களை இயக்க ஆலோசனைகள் நடைபெற்று வருகின்றன

English summary

Night-time flight operations commenced at Tuticorin Airport yesterday. In this post, we will examine the new flight schedule for Tuticorin and the various benefits resulting from this flight service.