நேரம்தான்.. கொரோனா தடுப்பு மருந்து எடுத்தவருக்கு உடல் நலக்குறைவு.. ஆய்வை நிறுத்திய ஜான்சன் & ஜான்சன்
வாஷிங்டன்: கொரோனா தடுப்பு மருந்து ஆய்வுப் பணியின்போது, தன்னார்வலருக்கு ஏற்பட்ட திடீர் உடல் நலக்குறைவு காரணமாக, அந்த பணியை ஜான்சன் அன்டு ஜான்சன் தற்காலிகமாக நிறுத்தி வைத்துள்ளது.
உலகில் பல முன்னணி ஆய்வு நிறுவனங்கள், கொரோனாவுக்கு தடுப்பு மருந்து கண்டுபிடிக்கும் பணியில் தீவிரமாக ஈடுபட்டு வருகின்றன.
ஆக்ஸ்போர்டு பல்கலைக்கழகம் மற்றும் அஸ்ட்ரா ஜெனிகா, அமெரிக்காவில் தனது கொரோனா மருந்தை பரிசோதித்து வருகிறது.
ஆக்ஸ்போர்டு ஆய்வு
இறுதிகட்ட ஆய்வின்போது, பங்கேற்பாளர்களில் ஒரு பெண்ணுக்கு, உடல்நல பாதிப்பு ஏற்பட்டது. டிரான்ஸ்வெர்ஸ் மையேலிடிஸ் என்ற முதுகு தண்டுவடம் சார்ந்த ஒரு பிரச்சினை அப்பெண்ணுக்கு ஏற்பட்டது. இதையடுத்து அங்கு ஆய்வை நிறுத்தியது ஆக்ஸ்போர்டு. பிற நாடுகளில் தொடர்ந்து ஆய்வுகள் நடக்கின்றன.
தற்காலிக நிறுத்தம்
இந்த நிலையில்தான், ஜான்சன் அன்டு ஜான்சன் நிறுவன மருந்து பரிசோதனையில் பங்கேற்ற ஒருவருக்கு நோய் பாதிப்பு ஏற்பட்டுள்ளதால், தற்காலிகமாக மருந்து வழங்கும் பணியை நிறுத்தி வைத்துள்ளது ஜான்சன் அன்டு ஜான்சன். அவருக்கு எந்த மாதிரி பிரச்சினை ஏற்பட்டது என்பதை ஜான்சன் அன்டு ஜான்சன் தெரிவிக்க மறுக்கிறது. பங்கேற்பாளரின் தனிப்பட்ட தகவல்களை வெளியே சொல்வது அறம் இல்லை என்று, ஜான்சன் அன்டு ஜான்சன் தெரிவிக்கிறது.
விசாரணை ஆரம்பம்
திடீரென அந்த நபருக்கு உடல்நிலை பாதிப்பு ஏற்பட்டதாகவும், ஆனால் இது தடுப்பு மருந்தால்தான் ஏற்பட்டதா என்பதை இப்போது கண்டறிய முடியவில்லை எனவும், ஜான்சன் அன்டு ஜான்சன் கூறுகிறது. எனவே, தடுப்பு மருந்தால்தான், பங்கேற்பாளருக்கு உடல்நிலை பாதிப்பு ஏற்பட்டதா, அல்லது வேறு காரணமா என்பதை கண்டறிய, விசாரணையை ஆரம்பித்துள்ளது அந்த நிறுவனம்.
பக்கவிளைவு இயல்புதான்
பெருமளவுக்கான நபர்களுக்கு மருந்தை செலுத்தி பரிசோதித்து பார்க்கும்போது, அதில் யாருக்காவது பக்கவிளைவுகள் ஏற்படுவது சகஜம்தான் என்கிறார்கள் மருத்துவத்துறை வல்லுநர்கள். மொத்தம் 60,000 தன்னார்வலர்களுக்கு தடுப்பு மருந்து செலுத்த ஜான்சன் அன்டு ஜான்சன் திட்டமிட்டுள்ளது. இந்த நிறுவனத்தின் மருந்து ஒரே டோஸ்தான். ஆனால், அமெரிக்காவில் தயாராகும் பிற தடுப்பு மருந்து உற்பத்தியாளர்கள் 2 டோஸ் கொடுத்து பரிசோதிக்கிறார்கள்.
Click it and Unblock the Notifications
Sign in with Google