இரண்டு முறை அபார்ஷன்..நண்பர்கள் கேட்ட வார்த்தை..நடிகை சங்கவி வாழ்க்கையில் இத்தனை சோகங்களா?

சென்னை: விஜய், அஜித் போன்ற முன்னணி நடிகர்களோடு நடித்த நடிகை சங்கவி பல வருடங்களுக்கு பிறகு தன்னுடைய வாழ்க்கையில் நடந்த பல நிகழ்வுகள் குறித்து பேட்டி ஒன்றில் பேசியிருக்கிறார்.

90ஸ் ரசிகர்களின் ஃபேவரைட் கதாநாயகிகளில் ஒருவராக இருந்து வந்த சங்கவி திருமணத்திற்கு பிறகு குழந்தை இல்லாமல் தான் பட்ட வேதனையை குறித்து மனம் திறந்து பேசி இருக்கிறார். அதை பார்க்கலாம்.

கர்நாடகாவை சேர்ந்த சங்கவி முதல் முதலாக தமிழில் அறிமுகமானது அமராவதி திரைப்படத்தில் தான். இந்த திரைப்படத்தில் நடிகர் அஜித் குமார் உடன் கதாநாயகியாக நடித்திருப்பார். முதல் திரைப்படத்தில் அஜித்துடன் நடித்த நிலையில் அடுத்ததாக நடிகர் விஜயுடன் ரசிகன் திரைப்படத்தில் நடித்திருந்தார்.

அதைத் தொடர்ந்து நாட்டாமை, கட்டுமரக்காரன், லக்கி மேன், விஷ்ணு, கோவை மாப்பிள்ளை என்ன அடுத்தடுத்து பல ஹிட் திரைப்படங்களில் நடித்துக் கொண்டு இருந்திருக்கிறார். அதோடு கோகுலத்தில் சீதை, சாவித்திரி, காலபைரவா என சில சீரியல்களிலும் நடித்திருந்திருக்கிறார். அதுமட்டுமில்லாமல் தமிழில் மட்டுமல்லாமல் கன்னடம், மலையாளம், தெலுங்கு, ஹிந்தி என பல மொழிகளிலும் அடுத்தடுத்து திரைப்படங்களில் பிஸியாக நடித்துக் கொண்டிருந்ததாலேயே இவருக்கு திருமணம் செய்வதற்கு லேட்டாகி விட்டதாம்.

சங்கவி 2016 ஆம் ஆண்டு பிப்ரவரி மாதம் தான் ஐடி நிபுணரான வெங்கடேஷை திருமணம் செய்து இருக்கிறார். திருமணத்திற்கு பிறகு குழந்தைக்காக ரொம்பவே ஆசையாக சங்கவி காத்திருந்தாராம். ஆனால் முதல் முறை சங்கவி கர்ப்பம் ஆனதும் ஏழாவது வாரத்தில் இதயத்துடிப்பு நல்லா இருக்கு என்று சொன்ன மருத்துவர்கள் எட்டாவது வாரத்தில் இதயத்துடிப்பு இல்லை என்று அபார்ஷன் செய்ய வேண்டும் என்று சொல்லிட்டாங்களாம்.

அப்போவே சங்கவி ரொம்பவே உடைஞ்சு போயிட்டாராம். ரொம்ப ஆசையா எதிர்பார்த்தது இப்படி ஆயிட்டேன்னு கஷ்டப்பட்டு இருந்து இருக்காரு. அதோடு இதற்கு காரணம் நாம்மலாக தான் இருக்குமோ? நம்ம செஞ்ச செயலால்தான் இருக்குமோ? அப்படி செஞ்சிருக்க கூடாது, இப்படி செஞ்சிருக்க கூடாது என்று பெரிய குழப்பத்தில் இருந்து இருக்கார். அந்த நேரத்தில் கூட இருப்பவர்கள் கூட நீ அதை செஞ்சது தப்பு இது செஞ்சது தப்பு என்று இவரைத்தான் குறை கூறினார்கள்.

முதல் குழந்தை கருவில் இருந்த நேரத்தில் சங்கவி இன்னொரு தொலைக்காட்சி நிகழ்ச்சியில் பங்கேற்க வேண்டும் என்பதற்காக கலந்து கொண்டாராம் .அதனால் தான் இப்படி ஆகிவிட்டதோ, இந்த நேரத்தில் நாம வேலையை தவிர்த்து இருக்க வேண்டும் என்றெல்லாம் நினைத்துக் கொண்டிருந்தாராம். பிறகு சில மாதங்கள் கழித்து மீண்டும் கர்ப்பமாக இருக்கிறார்.

ஆனால் அப்போதும் ஏழு வாரம் வரைக்கும் எந்த பிரச்சினையும் இல்லாமல் இருந்த நிலையில் எட்டாவது மாதம் முதல் தடவை போலவே பிரச்சனை வந்திருக்கிறது. ஆனால் இரண்டாவது முறை கருவுற்று இருந்த நிலையில் சங்கவி வீட்டில் இருந்த இடத்தை விட்டு எழுந்திருக்க கூட இல்லையாம். ஒரு வேலை செய்யாமல் அப்படியே இருந்திருக்கிறார். ஆனால் அதுவும் தனக்கு தங்கவில்லை என்று ரொம்பவே மனது உடைந்து போயிருந்தாராம். அப்போது அவருடைய கணவர் தான் சங்கவிக்கு அதிகமான ஆறுதல் கொடுத்து கொண்டிருந்தாராம்.

அதைத்தொடர்ந்து தான் சங்கவிக்கு 2020ல் பெண் குழந்தை ஒன்று பிறந்திருக்கிறது. தற்போது அந்த குழந்தையை அடிக்கடி புகைப்படங்கள் எடுத்து சங்கவி instagramல் வெளியிட்டுக் கொண்டிருக்கிறார். ஆனாலும் தனக்கு ஆரம்பத்தில் நடந்த கசப்பான நினைவுகளும் அந்த நேரத்தில் கை கொடுக்காத உறவுகளும் பலருடைய வாழ்க்கையிலும் இருக்கத்தான் செய்கிறார்கள் என்று தன்னுடைய அனுபவத்தை உருக்கமாக பேசியிருக்கிறார்.

English summary

Actress Sanghavi, who acted with leading actors like Vijay and Ajith, has talked about many events in her life after many years in an interview.Sanghavi, who has been one of the favorite heroines of the 90s fans, has opened up about her pain of childlessness after marriage. Let's see it.