ஸ்வப்னாவுக்கு ஜாமீன்.. விரைவில் வெளிவருகிறார்.. கேரள தங்க கடத்தல் வழக்கில் ஹைகோர்ட் உத்தரவு

தங்க கடத்தல் ஸ்வப்னாவுக்கு கேரளா கோர்ட் ஜாமீன் வழங்கியது

திருவனந்தபுரம்: கேரள தங்கக்கடத்தல் வழக்கில், ஸ்வப்னா சுரேஷூக்கு கோர்ட்டு ஜாமீன் வழங்கியுள்ளது.

கேரளாவில் சில மாதங்களுக்கு முன்பு, ஐக்கிய அரபு அமீரக தூதரகத்தின் பெயரில் வந்த பார்சல்களில் 13.82 கோடி மதிப்பிலான தங்க கட்டிகள் கடத்தி வரப்பட்டது கண்டுபிடிக்கப்பட்டது..

அது கிட்டத்தட்ட 30 கிலோ தங்கமாகும்.. தூதரக பெயரை பயன்படுத்தி இந்த தங்கம் கடத்தப்பட்ட சம்பவம் கேரளாவை புரட்டி போட்டது.

ஆளும் மார்க்சிஸ்ட் கம்யூனிஸ்ட் கட்சியின் தொடர்பு இருப்பதாகவும் தகவல் வெளியானது.. இது முதல்வர் பினராயி விஜயனுக்கு பெருத்த சிக்கலை உண்டுபண்ணியது.. காரணம், முதல்வரின் முதன்மை செயலாளராக இருந்தவர்தான் சிவசங்கரன்.. இவரது அலுவலகத்தில் பணியாற்றியவர்தான் ஸ்வப்னா.. இந்த விவகாரத்தில் தேசிய புலனாய்வு அமைப்பு, அமலாக்கத்துறை உள்பட 5 மத்திய விசாரணை அமைப்புகள் பல்வேறு பிரிவுகளில் வழக்குப்பதிவு செய்து விசாரணை நடத்தி வருகின்றன..

இதில் முக்கிய குற்றவாளியான ஸ்வப்னா சுரேஷ் கைதானார்... இவருடன் சேர்த்து மேலும் பலர் கைதாகினர்.. இந்த வழக்கு விசாரணையும் தொடர்ந்து நடந்து வருகிறது. இதனிடையே, தங்கக்கடத்தல் வழக்கில் ஜெயிலில் உள்ள ஸ்வப்னா மீது சுங்கத்துறை மற்றும் அமலாக்கத்துறை தரப்பில் பதிவு செய்யப்பட்டுள்ள வழக்குகளில் ஏற்கனவே ஜாமீன் பெறப்பட்டுவிட்டது.. ஆனாலும், தேசியபுலனாய்வு அமைப்பு சார்பில் பதியப்பட்டுள்ள உபா வழக்கில் விசாரணை இன்னமும் நடந்து வருவதால், ஸ்வப்னா ஜெயிலிலேயே இருக்கிறார்..

எனவே, தனக்கு ஜாமீன் வேண்டும் என்ற ஸ்வப்னா கேரள ஹைகோர்ட்டில் வழக்கு தொடர்ந்தார்... அந்த மனு இன்று விசாணைக்கு வந்தது... அப்போது ஸ்வப்னாவுக்கு கோர்ட் ஜாமீன் வழங்கி உத்தரவிட்டது.. அத்துடன் 25 லட்சம் ரூபாய் ஜாமீன் பத்திரம், அதற்கான பணத்தை வழங்க திறன்கொண்ட 2 பேர் உத்தரவாதம் அளிக்க வேண்டும் என்றும் கோர்ட் உத்தரவிட்டுள்ளது. இதையடுத்து ஸ்வப்னா விரைவில் விடுதலை செய்யப்படலாம் என்று எதிர்பார்க்கப்படுகிறது.

English summary

Kerala gold smuggling case HC grants bail to key accused Swapna Suresh