தனியார் சொகுசு விடுதியில் அழகான பெண்கள்.. அலைமோதிய ஆண்கள்.. சோதனைக்கு போன போலீசுக்கே தர்ம சங்கடம்

Updated: Thursday, December 26, 2024, 12:09 [IST]

Subscribe to Oneindia Tamil

திருவனந்தபுரம்: கேரளா மாநிலம் கொச்சியில் உள்ள தனியார் விடுதியில் இளம் பெண்களை வைத்து விபச்சாரம் நடப்பதாக போலீசாருக்கு தகவல் வந்துள்ளது. இதையடுத்து விரைந்து சென்ற போலீசார் அங்கு சோதனை நடத்தினார்கள். அங்கு விபச்சாரம் நடத்திய 2 இளம் பெண்கள் மற்றும் கொல்லத்தைச் சேர்ந்த3 பேர் ஆகியோரை அதிரடியாக கைது செய்தனர். அவர்களிடம் விசாரித்த போது, விபச்சாரத்தை நடத்துவதே சப்-இன்ஸ்பெக்டர்மற்றும் ஏட்டு என்பது தெரியவந்தது.

கேரளா மாநிலம் எர்ணாகுளம் மாவட்டம் கொச்சி கர்ஷக ரோடு பகுதியில் உள்ள ஒரு தனியார் விடுதியில் ஆண்கள் அடிக்கடி அதிகஅளவில் சென்று வருவதாக அக்கம் பக்கத்தினர். இதையடுத்து அந்த பகுதி மக்கள் விபச்சாரம் நடப்பதை கண்டுபிடித்தனர். இது தொடர்பாக ரகசியமாக போலீசுக்கு தெரிவித்தனர். இதையடுத்து எர்ணாகுளம் மாவட்ட விபச்சார தடுப்பு பிரிவு போலீசார் அதிரடி சோதனை நடத்தினர்.

அப்போது அந்த விடுதியில் உள்ள ஒரு அறையில் சோதனை நடத்திய போது கொல்லம் நகரை சேர்ந்த ரஷ்மி, அவரது உதவியாளர்கள் ரிஜோ, மார்டின் ஆகியோர் இருந்தனர். அவர்களை சந்தேகத்தின் பேரில் பிடித்து தீவிர விசாரணை நடத்தினர்.அதில் அவர்கள் மற்றொரு அறையில் 2 இளம்பெண்களை தங்க வைத்து விபசாரத்தில் ஈடுபடுத்தியதை போலீசார் கண்டுபிடித்தனர்.

இதையடுத்து கொல்லம் நகரை சேர்ந்த ரஷ்மி, அவரது உதவியாளர்கள் ரிஜோ, மார்டின் உள்பட 3 பேரும் கைது செய்யப்பட்டனர். அவர்களிடம் போலீசார் தீவிர விசாரணை நடத்தினார். அந்த விசாரணையில் போலீஸ்கார்கள் இரண்டு பேர் தான் விபச்சாரத்தை நடத்துகிறார்கள் என்பது தெரியவந்ததை கண்டு ஆடிப்போனார்கள். இதை முதலில் நம்ப மறுத்த போலீசார், என்ன ஆதாரம் உள்ளது என்று தீவிரமாக விசாரித்தனர்.

அப்போது அவர்களது 2 வங்கி கணக்குகளில் இருந்து பாலாரி வட்டம் காவல் நிலையத்தில் சப்-இன்ஸ்பெக்டராக பணியாற்றும் கொல்லம் பகுதியை சேர்ந்த பிரிஜேஷ் லால் மற்றும் எர்ணாகுளம் கிழக்கு போக்குவரத்து காவல் ஏட்டு டி.கே.ரமேஷன் ஆகியோருக்கு பணம் அனுப்பியதும், விடுதியில் போலீசார் விபசாரம் நடத்தியதும் தெரியவந்தது. இதையடுத்து பாலாரி வட்டம் காவல் நிலையத்தில் சப்-இன்ஸ்பெக்டராக பணியாற்றும் பிரிஜேஷ் லால், போக்குவரத்து காவல் ஏட்டு டி.கே.ரமேஷன் ஆகியோரை கொச்சி போலீசார் அதிரடியாக கைது செய்யப்பட்டனர். இந்தவிவகாரம் சமூக வலைதளங்களில் பரவிய நிலையில், இருவரையும் பணியிடை நீக்கம் செய்து கொச்சி மாநநகர போலீஸ் உயர் அதிகாரிகள் நடவடிக்கை எடுத்தனர்.