அடுத்த 2 மணி நேரம்.. நெல்லை, குமரி, மதுரை உள்பட 25 மாவட்டங்கள்.. வெளுக்க போகுது மழை.. வானிலை மையம்

சென்னை: தமிழகத்தில் நெல்லை, தென்காசி, குமரி, தூத்துக்குடி, மதுரை, விருதுநகர் உள்பட 25 மாவட்டங்களில் அடுத்த 2 மணி நேரத்திற்கு மழை பெய்ய வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.

தமிழகத்தில் கடந்த சில வாரங்களாகவே அவ்வப்போது விட்டு விட்டு மழை பெய்து வருகிறது. குறிப்பாக தலைநகர் சென்னையில் இரவு நேரங்களில் மழை கடந்த சில நாட்களாகவே வெளுத்து வாங்கி வருகிறது. அவ்வப்போது பெய்து வரும் மழையால் வெப்பம் தணிந்து சற்று இதமான சூழல் நிலவி வருவது மக்களுக்கு மகிழ்ச்சியை கொடுத்துள்ளது. இந்த நிலையில், தமிழகம் மற்றும் புதுவையில் அடுத்த 7 நட்களுக்கு மழை பெய்யும் என்று சென்னை வானிலை ஆய்வு மையம் தெரிவித்தது.

இன்றைய தினம் செங்கல்பட்டு, சேலம், திருவண்ணாமலை, கள்ளக்குறிச்சி உள்பட 7 மாவட்டங்களில் கனமழை பெய்ய வாய்ப்பு இருப்பதாகவும் சென்னை வானிலை ஆய்வு மையம் தெரிவித்துள்ளது. இது தொடர்பாக சென்னை வானிலை ஆய்வு மையம் கூறுகையில், "மேற்கு திசை காற்றின் வேகமாறுபாடு காரணமாக, 17.09.2023 அன்று, தமிழ்நாடு, புதுச்சேரி மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும்.

செங்கல்பட்டு, காஞ்சிபுரம், இராணிப்பேட்டை, விழுப்புரம், கடலூர், கள்ளக்குறிச்சி, அரியலூர், பெரம்பலூர், மயிலாடுதுறை, திருச்சிராப்பள்ளி, தஞ்சாவூர், திருவாரூர், நாகப்பட்டினம், புதுக்கோட்டை, சிவகங்கை மாவட்டங்கள், புதுச்சேரி மற்றும் காரைக்கால் பகுதிகளில் ஓரிரு இடங்களில் கனமழை பெய்ய வாய்ப்புள்ளது. என்று தெரிவித்திருந்தது. இந்த நிலையில், அடுத்த 2 மணி நேரத்திற்கு தமிழகத்தில் 25 மாவட்டங்களில் மழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.

இது தொடர்பான வானிலை மைய அறிக்கையில், "நெல்லை, குமரி, தென்காசி, தூத்துக்குடி, விருதுநகர், மதுரை உள்ளிட்ட 25 மாவட்டங்களில் மழை பெய்ய வாய்ப்பு உள்ளது. இவ்வாறு வானிலை ஆய்வு மையம் தெரிவித்துள்ளது. சென்னையில் அடுத்த 24 மணி நேரத்திற்கு லேசான மழை பெய்ய வாய்ப்பு இருப்பதாக தெரிவித்துள்ளது.

சென்னை மற்றும் புறநகர் பகுதிகளில், அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும் என்றும், நகரின் ஒருசில பகுதிகளில் இடி மின்னலுடன் கூடிய லேசானது அல்லது மிதமான மழை பெய்யக்கூடும் என்றும், அதிகபட்ச வெப்பநிலை 34-35 டிகிரி செல்சியஸ் மற்றும் குறைந்தபட்ச வெப்பநிலை 25-26 டிகிரி செல்சியஸை ஒட்டியும் இருக்கக்கூடும் என்று தெரிவித்துள்ளது.

English summary

Chennai: In Tamil Nadu, 25 districts including Nellai, Thenkasi, Kumari, Thoothukudi, Madurai and Virudhunagar are likely to receive rain in the next 2 hours, according to the Chennai Meteorological Department.