அடுத்த 1 மணி நேரம்.. இடி மின்னலுடன் வெளுக்க போகும் மழை.. சென்னை உள்பட 7 மாவட்டங்களுக்கு அலர்ட்!

சென்னை: தமிழகத்தில் இன்று பல்வேறு மாவட்டங்களில் வெயில் கொளுத்தி எடுத்தது. இந்த நிலையில் அடுத்த 1 மணி நேரத்தில் சென்னை, திருவள்ளூர், காஞ்சிபுரம், வேலூர் உள்பட தமிழகத்தின் 7 மாவட்டங்களில் இடி மின்னலுடன் கூடிய மழைக்கு வாய்ப்பு இருப்பதாக சென்னை வானிலை ஆய்வு மையம் கூறியுள்ளது.

தமிழகத்தில் இன்று பல்வேறு இடங்களில் வெயில் கொளுத்தி எடுத்தது. சென்னை வானிலை ஆய்வு மையமும் அடுத்த சில நாட்களுக்கு மழைக்கு வாய்ப்பு இல்லை, வெப்பநிலை 2 முதல் 3 டிகிரி செல்சியஸ் வரை அதிகரிக்க வாய்ப்பு இருப்பதாக கூறியிருந்தது. வானிலை மையம் கூறியதுபோலவே சென்னை உள்பட தமிழகத்தின் பல்வேறு மாவட்டங்களிலும் வெயில் சுட்டெரித்து வருகிறது.

இந்த நிலையில் அடுத்த 1 மணி நேரத்தில் தமிழகத்தில் 7 மாவட்டங்களில் மழைக்கு வாய்ப்பு இருப்பதாக சென்னை வானிலை ஆய்வு மையம் கூறியுள்ளது. இது தொடர்பாக சென்னை வானிலை ஆய்வு மையம் வெளியிட்டுள்ள அறிவிப்பில் கூறப்பட்டிருப்பதாவது:- தமிழகத்தில் அடுத்த 1 மணி நேரத்தில், அதாவது இன்று இரவு 7 மணி வரை சென்னை, காஞ்சிபுரம், செங்கல்பட்டு, திருவள்ளூர், வேலூர், விழுப்புரம் மற்றும் திருவண்ணாமலை ஆகிய 7 மாவட்டங்களில் இடி மின்னலுடன் கூடிய மழைக்கு வாய்ப்பு உள்ளது என வானிலை மையம் கூறியுள்ளது.

English summary

The heat wave gripped various districts of Tamil Nadu today. The Chennai Meteorological Department has said that there is a possibility of thundershowers in 7 districts of Tamil Nadu, including Chennai, Tiruvallur, Kanchipuram and Vellore, in the next 1 hour.