சென்னை: கடந்த சில மாதங்களாகவே இல்லத்தரசிகள் முதல் முதலீட்டாளர்கள் வரை அனைவரையும் ஆச்சரியத்தில் ஆழ்த்திய தங்கம் விலை, தற்போது கிடுகிடுவென சரிந்து வருகிறது. இந்த ஆண்டு ஜனவரி மாத உச்சத்தில் இருந்து சர்வதேச சந்தையில் தங்கம் விலை சுமார் 30% வரை வீழ்ச்சியடைந்துள்ளது. வெள்ளியின் விலையோ 50% மேல் பாதாளத்திற்குச் சென்றுள்ளது.
சென்னை நகரில் இன்று 1 கிராம் 24 கேரட் தங்கம் விலை ₹14,334 ஆக உள்ளது, இதேபோல் 1 கிராம் 22 கேரட் தங்கம் விலை ₹13,139 ஆகவும், 1 கிராம் 18 கேரட் தங்கம் விலை ₹10,980 ஆகவும் உள்ளது.
கடந்த ஜனவரியில் ஒரு அவுன்ஸ் (Ounce) தங்கம் 5,595 டாலர் என்ற வரலாற்று உச்சத்தைத் தொட்ட நிலையில், தற்போது 4,000 டாலருக்கும் கீழே சரிந்து, கடந்த 7 மாதங்களில் இல்லாத புதிய சரிவைச் சந்தித்துள்ளது. இந்தியாவின் எம்.சி.எக்ஸ் (MCX) சந்தையில் இறக்குமதி வரி உயர்வு காரணமாக இந்த வீழ்ச்சி சற்று குறைவாக (22% வரை) தெரிந்தாலும், ஒட்டுமொத்தமாக தங்கம் விலை கடுமையான இறங்குமுகத்தில் உள்ளது. தங்கத்தின் இந்த அதிரடி வீழ்ச்சிக்கு என்ன காரணம்? மீண்டும் விலை எப்போது உயரும்? சாமானியர்கள் எளிதில் புரிந்துகொள்ளும் வகையில் இதோ முழு விவரம். உலகில் எப்போது போர்ச் சூழல் அல்லது பொருளாதார நெருக்கடி ஏற்பட்டாலும், தங்கம் பாதுகாப்பான முதலீடாகக் கருதப்பட்டு விலை உயரும். ஆனால், தற்போது அமெரிக்கா - ஈரான் போர் பதற்றம் நீடித்தாலும், தங்கம் விலை தொடர்ந்து சரிந்து வருகிறது. இதற்கு மிக முக்கிய காரணங்கள்: அமெரிக்கா - ஈரான் போரினால் கச்சா எண்ணெய் விலை உயர்ந்து, உலகளவில் மீண்டும் பணவீக்கம் (Inflation) அதிகரித்துள்ளது. இதனால், அமெரிக்க மத்திய வங்கியான 'ஃபெடரல் ரிசர்வ்' (US Federal Reserve) வட்டி விகிதங்களைக் குறைக்காமல், மாறாக இந்த ஆண்டு அக்டோபர் மற்றும் அடுத்த ஆண்டு மார்ச் மாதங்களில் வட்டி விகிதங்களை மேலும் உயர்த்தத் திட்டமிட்டுள்ளது. தங்கம் என்பது வட்டி வருமானம் தராத ஒரு முதலீடு. இதனால் வட்டி விகிதம் உயரும்போது, முதலீட்டாளர்கள் தங்கத்தை விற்றுவிட்டு, நல்ல வட்டி தரும் அமெரிக்க அரசு பத்திரங்களில் முதலீடு செய்யத் தொடங்கிவிட்டனர். அமெரிக்க டாலரின் மதிப்பு சர்வதேச சந்தையில் பல ஆண்டுகளில் இல்லாத அளவுக்கு உச்சத்தைத் தொட்டுள்ளது. பொதுவாக டாலர் மதிப்பு உயர்ந்தால், தங்கத்தின் மீதான முதலீட்டு ஈர்ப்பு குறைந்து அதன் விலை சரிவது வழக்கம். பெரிய முதலீட்டாளர்கள் தங்கத்தில் செய்திருந்த தங்களது மியூச்சுவல் ஃபண்ட் போன்ற 'இ.டி.எஃப்' (ETF) முதலீடுகளைப் பெருமளவில் திரும்பப் பெற்று வருகின்றனர். இந்த ஆண்டு மட்டும் லட்சக்கணக்கான அவுன்ஸ் தங்கம் சந்தையில் விற்கப்பட்டதால் விலை சரிந்துள்ளது. தங்கத்தின் இந்த விலை சரிவு தற்காலிகமானதுதான் என்றும், விரைவில் சந்தை மீண்டுவரும் என்றும் நிபுணர்கள் கணித்துள்ளனர். முக்கிய ஆதரவு விலை (Support Levels Level): சர்வதேச சந்தையில் தங்கம் விலை 3,850 டாலர் வரையிலும், இந்திய சந்தையில் (MCX) 10 கிராம் தங்கம் 1,29,000 ரூபாய் வரையிலும் சரிந்து, அங்கிருந்து மீண்டும் நிலையாக உயர வாய்ப்புள்ளது. வெள்ளியின் நிலை: வெள்ளி விலையும் தற்காலிக சரிவுக்குப் பின், சர்வதேச சந்தையில் 64 டாலர் வரையிலும், இந்திய சந்தையில் ஒரு கிலோ 2,25,000 ரூபாய் வரையிலும் மீண்டும் எகிற வாய்ப்புள்ளது என்கிறார்கள் ஆனந்த் ரதி நிறுவனத்தின் நிபுணர்கள். நிபுணர்களின் கூற்றுப்படி, தங்கம் விலை இன்னும் 4% முதல் 6% வரை குறைய வாய்ப்புள்ளது. குறிப்பாக ஆகஸ்ட் மாதத்தில் இந்தியாவில் திருமண சீசன் மற்றும் பண்டிகைக் காலம் தொடங்குவதால், உள்ளூர் தேவை அதிகரித்து தங்கம் விலை மீண்டும் சூடுபிடிக்கும். எனவே, நீண்ட கால அடிப்படையில் தங்கம் வாங்க நினைப்பவர்களுக்கும், முதலீடு செய்யக் காத்திருப்பவர்களுக்கும் இந்த விலை சரிவு ஒரு பொன்னான வாய்ப்பு!தங்கம் விலை சரிவதற்கு என்ன காரணம்?
1. வட்டி விகித உயர்வும் அமெரிக்க மத்திய வங்கியின் பிடிவாதமும்:
2. பலமடங்கு உயர்ந்த அமெரிக்க டாலர்:
3. முதலீடுகள் வெளியேற்றம் (ETF Outflows):
மீண்டும் தங்கம் விலை எப்போது உயரும்?
இப்போது தங்கம் வாங்கலாமா?