கூகுள் குரோம் கதை முடியுது.. களத்தில் இறங்கிய பெர்ப்ளெக்சிட்டி AIன் 'காமெட்' பிரவுசர்! கலக்குதே!

Updated: Thursday, September 25, 2025, 13:01 [IST]

Subscribe to Oneindia Tamil

சென்னை: செயற்கை நுண்ணறிவு தொழில்நுட்பத்தில் புதிய முன்னேற்றமாக, பெர்ப்ளெக்சிட்டி AI நிறுவனம் 'காமெட்' எனும் செயற்கை நுண்ணறிவால் இயங்கும் பிரவுசரை அறிமுகப்படுத்தியுள்ளது. குரோமியம் அடிப்படையிலான இந்த பிரவுசர், நவீன AI அம்சங்களுடன் தாறுமாறாக இருக்கிறது. இது விரைவில் கூகுள் குரோம் பிரவுசரை தூக்கி சாப்பிவிட்டுவிடும் என்று சொல்லப்படுகிறது.

இன்டர்நெட் அறிமுகமானதில் இருந்து பல்வேறு பிரவுசர்கள் ஆதிக்கம் செலுத்தி வந்தன. ஆனால் என்னதான் இருந்தாலும் கூகுள் குரோம் பிரவுசரை அடித்துக்கொள்ள ஆள் இல்லை. பிரேவ், ஆனியன் உள்ளிட்ட பிரவுசர்கள் இருந்தாலும் அது, கூகுள் குரோம் அளவுக்கு வரவில்லை. இப்படி கொண்டாடப்பட்ட குரோம் தற்போது தனுது வேலையை காட்டி வருகிறது. எதை சர்ச் செய்ய வேண்டும் என்றாலும் அப்படியே லோட் ஆகி கடுப்பேற்றுகிறது. இதெற்கெல்லாம் ஒரு விடிவுக்காலம் பிறக்காதா? என்று ஏங்கிக்கொண்டிருந்தபோதுதான் காமெட் பிரவுசர் என்ட்ரி கொடுத்திருக்கிறது.

காமெட் பிரவுசரில் உள்ள சிறப்பம்சம் அதன் செயற்கை தொழில்நுட்ப சைட்பார்தான். இது பல வேலைகளை ஒரே நேரத்தில் செய்கிறது. உதாரணமாக கட்டுரையை சுருக்கி தருதல், மின்னஞ்சல்களை உருவாக்குதல், சந்திப்புகளை பதிவு செய்தல் மற்றும் ஆன்லைன் ஷாப்பிங் போன்ற அனைத்து வேலைகளையும் ஒரே நேரத்தில் இதனால் செய்ய முடியும்.

கூகுள் குரோமை விட்டு தள்ளுங்க

கூகுள் குரோம் பயன்படுத்துகிறோம் எனில், அதில் டேப்கள் இருக்கும். பல டேப்கள் திறக்கப்படும் பொழுது கணினி அதன் வேகத்தை குறைத்துக் கொள்ளும். ஆனால் இந்த பிரவுசரில் ஒர்க்ஸ்பேஸ் எனும் புதிய அம்சம் உள்ளது. இது தேவையான டேப்களை மட்டும் வைத்துக் கொண்டு, மற்றதை தவிர்த்து விடுகிறது. இதனால் குழப்பம் குறைகிறது.

தனித்துவமான பிரவுசர்

மற்றொரு சிறப்பம்சம் என்னவெனில், இந்த பிரவுசர் கூகுளின் குரோமியம் தளத்தின் அடிப்படையில் உருவாக்கப்பட்டது. இதனால் கூகுள் குரோமில் நீங்கள் பயன்படுத்திய புக் மார்க்குகளை இந்த பிரவுசரிலும் பயன்படுத்திக் கொள்ளலாம். அதேபோல ஒரு பயனர் தகவல்களைத் தேடும் பொழுது பொதுவான தகவல்களை கொடுக்காமல், அந்தப் பயனரின் பழக்கவழக்கங்களுக்கு ஏற்ப தனித்துவமான தகவல்களை வழங்குகிறது.

இந்த பிரவுசரில் ஒரு பொருட்களை வாங்க தேடும்போது, அதன் விலைகளை மற்ற விற்பனை தளங்களுடன் ஒப்பிட்டு நமக்கு காட்டும். அதே போல கட்டுரைகள் மற்றும் எழுத்து கண்டெண்டுகள் ஆகியவற்றில் திருத்தங்கள் செய்யவும் அதை மேம்படுத்தவும் பரிந்துரைக்கிறது.

எதில் பயன்படுத்த முடியும்?

இது விண்டோஸ் மற்றும் மேக் ஓஎஸ் ஆகியவற்றுக்கு சப்போர்ட் செய்கிறது. செல்போனில் பயன்படுத்தும் பொழுது ஆண்ட்ராய்ட் மற்றும் ஐஓஎஸ் தளத்திலும் இயங்குகிறது. இந்த பிரவுசரை பயன்படுத்த பெர்ப்ளெக்சிட்டி ப்ரோ சந்தா தேவை. இருப்பினும் ஏர்டெல் பணியாளர்களுக்கு ஒரு வருடத்திற்கு இலவச சந்தா வழங்கப்படுகிறது.

பெர்ப்ளெக்சிட்டி ப்ரோ அல்லது மேக்ஸ் திட்டத்தில் உள்ள பயனர்கள் தங்கள் கணக்கில் உள்நுழைய வேண்டும். பின்னர், பெர்ப்ளெக்சிட்டியின் அதிகாரப்பூர்வ இணையதளத்தில் இருந்து காமெட் பிரவுசரை பதிவிறக்கம் செய்து நிறுவலாம். ஆண்ட்ராய்டு பயனர்கள் முன்கூட்டிய ஆர்டர் இணைப்பைப் பயன்படுத்தலாம்.