புதன் பெயர்ச்சி பலன் 2022: தனுசு ராசியில் குடியேறும் புதன்..இந்த 5 ராசிக்காரர்களுக்கு லக்கிதான்!

சென்னை:

விருச்சிக ராசியில் பணித்த புத பகவான் வரும் டிசம்பர் 3ஆம் தேதி முதல் தனுசு ராசியில் குடியேறப்போகிறார். புதன் நரம்பின் நாயகன். இவர் பலவீனமாக இருக்கும் பட்சத்தில் உடல்ரீதியாகவும், மனரீதியாகவும் சில கோளாறுகள் ஏற்படும். புதன் பெயர்ச்சியால் யாருக்கெல்லாம் அதிர்ஷ்டம் வரப்போகிறது மேஷம் முதல் மீனம் வரை 12 ராசிகளுக்கும் பலன்கள் எப்படியிருக்கும் என பார்க்கலாம்.

புத்திக்கு அதிபதியான புதன் கிரகம் விருச்சிகத்தில் இருந்து தனுசு ராசிக்கு டிசம்பர் 03 ஆம் தேதி கார்த்திகை 18ஆம் இடப்பெயர்ச்சி அடைகிறார். மனிதர்களின் வாழ்க்கையைப் பொறுத்தவரை சர்வம் புதன்மயம் என்று கூறும் அளவிற்கு புதன் ஒருவரின் வாழ்க்கையில் மிக முக்கிய பங்கு வகிக்கிறது. புத்திக்கும், வித்தைக்கும் அதிபதியாக இருக்கும் இவர், அறிவு, ஆற்றல், கல்வி ஆகியவற்றிற்கு காரண கர்த்தாவாக விளங்குவதால்தான் வித்தைக்காரகன் என்றும் அழைக்கப்படுகிறார்.

புதன் கிரகம் மிதுனம் கன்னி இரு வீடுகளுக்கு சொந்தமாகும் கன்னியில் புதன் கிரகம் உச்ச பலம் பெறுகிறது மிதுனத்தில் புதன் கிரகம் ஆட்சி பலம் பெறுகிறது. புதன் மீனத்தில் நீச்சமாகிறது. புதன் கிரகத்திற்கு நண்பா்கள் சூாியன் சுக்கிரன். புதன் கிரகத்திற்கு நன்மை தீமை கலந்து தரும் சம கிரகங்கள் சனி குரு செவ்வாய். புதன் கிரகத்திற்கு தீமை செய்யும் பகை கிரகம் சந்திரன். இப்போது புதன் தனது நண்பர் சூரியனுடன் இணைந்து தனுசு ராசியில் சஞ்சரிப்பதால் மேஷம் முதல் மீனம் வரை 12 ராசிக்காரர்களில் சிலருக்கு அதிர்ஷ்டமும் யோகமும் தேடி வரப்போகிறது. யார் அந்த அதிர்ஷ்டசாலிகள் என்று பார்க்கலாம்.

மேஷம்

மேஷம் ராசிக்கு புதன் 3 மற்றும் 6 ஆம் வீடுகளுக்கு சொந்தக்காரா். புதன் உங்கள் ராசிக்கு 9ஆம் இடத்தில் பயணம் செய்வது நன்மையை தரக்கூடிய அம்சமாகும். வருமானம் அதிகரிக்கும் எந்த பக்கமாவது இருந்து பணம் வந்து கொண்டேயிருக்கும். சிலருக்கு வேலையில் புரமோசன் கிடைக்கும். கமிஷன், புரோக்கரேஜ் வழியில் பணம் வரும். அப்பாவின் உடல்நிலையில் கவனம் செலுத்துங்கள். வேலையில் புதிய முயற்சிகளில் கவனக்குறைவு ஏற்படும். பிரச்சினைகளை சமாளிக்க புதன்கிழமைகளில் பெருமாள் கோவிலுக்கு செல்லுங்கள் பச்சைப்பயிறு வேக வைத்து நைவேத்தியம் செய்து தானம் செய்யுங்கள் பாதிப்புகள் குறைய வாய்ப்பு உள்ளது.

ரிஷபம்

ரிஷபம் ராசிக்காரர்களுக்கு புதன் 2 மற்றும் 5ஆம் வீடுகளுக்கு சொந்தக்காரா். புதன் 8வது இடத்தில் அமர்கிறார். மறைந்த புதன் நிறைந்த யோகத்தை தரப்போகிறார். திடீா் யோகங்கள், அதிர்ஷ்டங்கள் கிடைக்கும். ஆடை ஆபரணம் சேர்க்கை அதிகரிக்கும். குடும்பத்தில் சுப நிகழ்ச்சிகள் நடைபெறும். பண வருவாய் திருப்தி தரும் பிள்ளைகளின் சாதனை பெருமைப்பட வைக்கும். வெள்ளிக்கிழமைகளில் அம்மன்கோவிலுக்கு சென்று விளக்கேற்றுங்கள் நன்மைகள் நடைபெறும்.

மிதுனம்

மிதுன ராசிக்கு புதன் ராசி அதிபதி மற்றும் சுக ஸ்தான அதிபதி. உங்கள் ராசிக்கு 7வது இடத்தில் களத்திர ஸ்தானத்தில் உங்கள் ஆட்சி நாதன் புதன் அமர்ந்து உங்களை பார்வையிடுகிறார். தொழில் வியாபாரத்தில் வெற்றி கிடைக்கும். வண்டி, வாகனம் வாங்க முயற்சி செய்யலாம். உடல் நிலையில் கவனம் செலுத்துங்கள். பயணங்களில் எச்சாிக்கை தேவை. பணியிடத்தில் வாக்குவாதத்தினை தவிா்க்க வேண்டும். நண்பா்கள் எதிரிகளாகும் நேரம் இது. கூட்டுத்தொழிலில் பங்குதாரா்களிடம் எச்சாிக்கையாக இருக்கவும். பாதிப்புகள் குறைய புதன் காயத்ரி மந்திரத்தை கூறி பாசிப்பயறு நைவேத்தியம் செய்து வணங்கலாம்.

கடகம்

கடகத்திற்கு புதன் 3 மற்றும்12 ஆம் வீடுகளுக்கு சொந்தக்காரா் புதன். கடகம் ராசிக்கு 6வது இடத்திற்கு புதன் செல்கிறார். 6வது இடம் ருண ரோக ஸ்தானம். இது திருப்தியான காலமாகும். பண வரவு அதிகரிக்கும். ஆன்மீக சுற்றுலா செல்ல வாய்ப்பு ஏற்படும். நல்ல பெயரும் புகழும் கிடைக்கும். சகோதா்களின் உதவி கிடைக்கும். உடம்பில் அரிப்பு தோல் நோய்கள் ஏற்பட வாய்ப்பு உள்ளது கவனம் தேவை. ஆலயங்களுக்கு சென்று தீபம் ஏற்றி வணங்குவது நல்லது. சனிக்கிழமைகளில் பெருமாள் கோவிலுக்கு செல்வது அதிக நன்மையைத் தரும்.

சிம்மம்

சிம்மத்திற்கு புதன் 2 மற்றும் 11 ம் வீடுகளுக்கு சொந்தக்காரா். சிம்மம் ராசிக்கு 5வது இடத்தில் பூர்வ புண்ணிய ஸ்தானத்தில் புதன் அமர்வதால் பணம் வரும் வாய்ப்பு அதிகரிக்கும். நண்பர்கள், உயரதிகாரிகள், மூத்த சகோதரர்களின் உதவி கிடைக்கும். வீட்டில் தம்பதியர் இடையே பிரச்சினை வந்து போகும். மனைவி அல்லது கணவன் வீண் பிடிவாதம் பிடிக்காமல் விட்டுக்கொடுத்து செல்வது நல்லது. குடும்பத்தில் எதாவது பிரச்னை ஏற்பட்டு கொண்டிருக்கும் கவனம் தேவை. புதன்கிழமைகளில் நவகிரக ஆலயத்திற்கு சென்று புதனை பச்சை வஸ்திரம் சாற்றி வணங்குங்கள் நன்மைகள் நடைபெறும்.

கன்னி

கன்னி ராசிக்கு புதன் ஆட்சிநாதன் மற்றும்10 ஆம் வீட்டுக்கு அதிபதி. உங்கள் ராசிக்கு 4வது வீட்டில் உங்கள் ராசிநாதன் புதன் அமர்ந்துள்ளார். உடல் ரீதியாகவும், மனரீதியாகவும் மாற்றங்கள் ஏற்படும். புதிய சொத்துக்கள் வாங்கலாம். வண்டி, வாகனங்களை பராமரிக்கலாம். வேலைகளில் புரமோசன் ஏற்படும். சமூகத்தில் மதிப்பு உயரும். உறவினா் வருகை உண்டு. பணம் வருவாய் அதிகாிக்கும். அதற்கு ஏற்ப செலவினமும் அதிகாிக்கும். வாகன லாபம் உண்டு. வியாபாரத்தில் வேலைப்பளு அதிகாிக்கும். ஒருமுறை மதுரை மீனாட்சி அம்மனை தரிசனம் செய்து நவகிரக புதன் பகவானை வணங்கி வர நன்மைகள் நடைபெறும்.

துலாம்

துலாம் ராசிக்கு புதன் பகவான் 9 மற்றும் 12ஆம் வீடுகளுக்கு சொந்தக்காரா். புதன் உங்கள் ராசிக்கு 3வது வீட்டில் முயற்சி ஸ்தானத்தில் அமர்வதால் சிறு தூர பயணங்கள் ஏற்படும். வேலை விசயமாக வெளிநாடு செல்ல முயற்சி செய்யலாம். இளைய சகோதர சகோதரிகளுடன் உறவு மேம்படும். நண்பா்களின் உதவி கிடைக்கும். பண வருமானத்திற்கு பஞ்சமிருக்காது என்றாலும் கடன் தொல்லை அதிகாிக்கும். தந்தையின் உடல் நலத்தில் அக்கறை காட்டுங்கள் இல்லாவிட்டால் மருத்துவ செலவு அதிகரிக்கும். புதன்கிழமை பெருமாள் கோவிலுக்கு சென்று பசுவிற்கு அகத்திக்கீரை வாங்கிக் கொடுக்கவும்.

விருச்சிகம்

விருச்சிக ராசிக்காரர்களே உங்கள் ராசிக்கு 2வது இடத்தில் வாக்கு ஸ்தானத்தில் புதன் அமர்வது உற்சாகமான கால கட்டமாகும். பேச்சில் இனிமை அதிகரிக்கும் சமூகத்தில் மதிப்பு மரியாதை அதிகரிக்கும். உங்களுக்கு மூத்த சகோதரர்கள் மற்றும் நண்பர்கள் மூலம் நன்மைகள் ஏற்படும் காலமாகும். உத்தியோகத்தில் உள்ளவர்களுக்கு சம்பளம் அதிகரிக்கும். சொத்துக்களில் இருந்த பிரச்சினைகள் தீரும். பணவருவாயும், சொத்து சோ்க்கை உண்டு. உதவிகள் வந்து சேரும். இந்த கால கட்டத்தில் எதிா்பாராத உடல் உபாதை ஏற்படும். உடல் நலனில் அக்கறை செலுத்தவும். புதன்கிழமை பெருமாளை துளசி சாற்றி வணங்கி வர மேலும் பல நன்மைகள் நடைபெறும்.

தனசு

தனசு ராசிக்கு புதன் 7 மற்றும் 10 ஆம் வீடுகளுக்கு சொந்தக்காரா். உங்கள் ராசியில் அமரும் புத பகவானால் புதிய முயற்சிகளுக்கு வெற்றி கிடைக்கும் காலகட்டமாகும். சிறு வியாபாரிகளுக்கு லாபம் அதிகரிக்கும். பெண்களுக்கு பதவி உயர்வு கிடைக்க வாய்ப்பு உள்ளது. குடும்பத்தில் கணவன் மனைவிக்கு இடையே சின்னச்சின்ன சண்டை சச்சரவுகள் அதிகரிக்கும். அலுவலகத்தில் சிலருக்கு கெட்ட பெயா் வரும் கவனம் தேவை. வியாபாரத்தில் லாபம் அதிகரிக்கும். கஷ்டங்கள் கவலைகள் தீர புதன்கிழமை பெருமாள் கோவிலுக்கு சென்று தாயாருக்கு நெய் தீபம் ஏற்றி வணங்கவும்.

மகரம்

மகர ராசிக்கு புதன் பகவான் 6மற்றும் 9ஆம் வீடுகளுக்குச் சொந்தக்காரா். உங்கள் ராசிக்கு 12வது வீட்டில் விரைய ஸ்தானத்தில் அமரும் புதன் பகவானால் குடும்பத்தில் கணவன் மனைவிக்கு இடையே சின்னச் சின்ன வாக்குவாதம் வந்து செல்லும். மறைமுக எதிரிகள் சின்னச் சின்ன குடைச்சல்களை கொடுப்பார்கள். சிறிய, நீண்ட தூர பயணங்கள் ஏற்படும். வம்பு வழக்குகளால் பிரச்னை அதிகாிக்கும். உடல் உபாதை ஏற்படும் கவனம் தேவை. தந்தையின் உடல் நிலையில் கவனம் தேவை. தம்பதியரிடையே சிறு சிறு பிரச்சினைகள் வந்து செல்லும் பாதிப்புகளில் இருந்து தப்பிக்க புதன்கிழமை ஆஞ்சநேயருக்கு வெண்ணெய் சாற்றி வணங்க நன்மைகள் நடைபெறும்.

கும்பம்

கும்பம் ராசிக்கு புதன் 5 மற்றும் 8 ஆம் வீடுகளுக்கு சொந்தக்காரா். புதன் உங்கள் ராசிக்கு 11வது இடத்தில் லாப ஸ்தானத்தில் அமர்கிறார். இந்த காலகட்டத்தில் உங்களுக்கு வருமானம் அதிகரிக்கும். எதிர்பார்த்த நல்ல செய்திகள் வந்து சேரும். இது யோகமான காலமாகும். பண வருவாய் உண்டு. எதிா்பாா்த்த வகையில் பணவருவாய் உண்டு. திடீா் வாய்ப்பு தேடி வரும். வீட்டில் பொன் பொருள் சோ்க்கை ஏற்படும். காதல் முயற்சிகள் கைகூடும் திருமணம் விசயமாக பேசி முடிக்கலாம். நன்மைகள் நடைபெற பச்சை நிற ஆடைகளை அணியவும்.

மீனம்

மீன ராசிக்கு புதன் பகவான் 4 மற்றும் 7 ஆம் வீடுகளுக்கு சொந்தக்காரர். புதன் 10வது இடத்தில் அமர்கிறார். சகல செளபாக்கியம் கிடைக்கும். பண வருவாய் ஏற்படும். வழக்குகளில் வெற்றி கிடைக்கும். குடும்பத்தில் சுப நிகழ்ச்சிகள் ஏற்படும். ஆடை ஆபரணம் சோ்க்கை ஏற்படும். திருமணம் சுபகாரியங்கள் கைகூடி வரும். வேலை செய்யும் இடத்தில் சிலருக்கு புரமோசன் கிடைக்கும். வீடு, நிலம், வண்டி வாகன சேர்க்கை ஏற்படும். பெருமாளை புதன்கிழமைகளில் வணங்க நன்மைகள் அதிகம் நடைபெறும்.

English summary

Budha peyarchi palangal 2022 tamil : The Mercury transit from Scorpio to Sagittarius on 3rd December 2022 can have a significant impact on your future.