December Matha Palan: டிசம்பர் மாதத்தில் கவனமாக இருக்க வேண்டிய 3 ராசிகள்.. உங்க ராசி இருக்கா பாருங்க

டிசம்பர் மாத பலன்கள்: 2025 ஆம் வருடத்தில் கடைசி மாதமான டிசம்ப மாதத்தில் இருக்கிறோம். 2026 புத்தாண்டு விரைவில் பிறக்கவுள்ளது. 2026 ஆம் வருடத்தில் அதிக எதிர்பார்ப்புகள் இருக்கும். அதற்கெல்லாம் அஸ்திவாரமாக இந்த டிசம்பர் மாதம் ராசி பலன்களில் பல்வேறு மாற்றங்கள் இருக்கக் கூடும். அந்த வகையில், இந்த டிசம்பர் மாதத்தில் அதிர்ஷ்டம் பெறும் 5 ராசியினர் குறித்து பார்க்கலாம்.

இப்போதுதான் 2025 ஆம் வருடம் பிறந்தது போல இருக்கிறது. அதற்குள் இந்த வருடத்தின் இறுதி கட்டத்திற்கு வந்துவிட்டோம். எல்லோரும் புத்தாண்டை ஆவலுடன் எதிபார்த்து காத்திருப்பார்கள். ஆனால் டிசம்பர் மாதத்திலேயே கிரக நிலைகள் தாக்கத்தால் பல சம்பவங்கள் நடைபெறவுள்ளன. டிசம்பர் மாதம் சூரியன் மற்றும் செவ்வாய் காலபுருஷனின் ஒன்பதாம் வீட்டில் பயணிக்கிறார்கள். சனி பகவானின் முழு பார்வை அதில் விழுகிறது. இது அரசியல்வாதிகளுக்கு கண்டமான ஒரு அமைப்பாக பார்க்கப்படுகிறது.

லட்சுமி நாராயண யோகம்

குரு வக்கிரமடைந்து கடகம் ராசியில் இருக்கிறார். அடுத்த 3 மாதங்கள் அவர் வக்கிரமாகத்தான் இருப்பார். விருச்சிக ராசியில் புதன் - சுக்கிரன் இணைவால் லட்சுமி நாராயண யோகம் ஏற்படும். இந்த டிசம்பர் மாதத்தில் மிக கவனமாக இருக்க வேண்டிய 3 ராசியினர் குறித்து இந்த ஜோதிட கட்டுரையில் விரிவாகப் பார்க்கலாம்.

மகரம்

மகர ராசி, லக்கினம் சார்ந்த நபர்களுக்கு லாப ஸ்தானத்தில் புதன், சுக்கிரன் அமர்ந்திருப்பது இடம், பொருள், வீடு, வாகனம், ரியல் எஸ்டேட், ரெஜிஸ்டிரேஷன் போன்ற அனைத்து விஷயங்களும் வெற்றி பெறும் யோகம் உண்டாகும். விரயத்தில் அமர்ந்திருக்கும் சூரியன், செவ்வாய் கால், முட்டி அல்லது மறைமுகப் பகுதிகளில் சிறிய அறுவை சிகிச்சைகள் செய்ய வேண்டி வரும்.

3 ஆம் இடத்தில் இருக்கும் சனி பகவான் தேவையில்லாத பிரச்சனைகள், மன அழுத்தம் போன்ற பாதிப்புகளைக் கொடுக்கும். குரு 6 ஆம் இடத்தில் வக்கிரமாக அமர்ந்திருப்பதால் வங்கிக் கடன்கள் கிடைக்கும். உங்கள் வீட்டில் தங்கியிருக்கும் நபர்களின் ஆரோக்கியம் அல்லது அவர்களுடைய சகவாசம் சரியில்லாமல் போகும் வாய்ப்புள்ளது.

வெளியூர், வெளிநாடு, தூர தேச பயணம் செல்லும் யோகம் உண்டு. ஆஸ்திரேலியா, நியூசிலாந்தில் செட்டிலாகும் யோகம் உண்டு. பெரிய பிரச்சனைகள் எல்லாம் ஓயும். டென்சன் குறையும். உங்களுடைய ஆரோக்கியத்தில் கவனமாக இருக்க வேண்டும். தூக்கமின்மை ஏற்படும். கால் பகுதி, முட்டி தொடர்பான பிரச்சனைகள் வரும் வாய்ப்புள்ளது.

மேஷம்

மேஷ ராசிக்காரர்களுக்கு அஷ்டம ஸ்தானத்தில் புதன், சுக்கிரன் சேரப் போகின்றனர். அஷ்டமத்தில் புதன் சுக்கிரன் இருப்பது அற்புதமான அதிர்ஷ்டத்தைக் கொடுக்கும். நிறைய பேருக்கு மனக் கவலைகள் தீரும். ஆரோக்கியத்தில் இருந்து வந்த பிரச்சனைகள் தீரும், பெண்களுக்கு இருந்து வந்த பாதிப்புகள் நீங்கும். நிறைய பேருக்கு தன பிராப்தங்கள் தீரும். தேவையில்லாத பிரச்சனைகள் நீங்கும்.

தன பிராப்தங்கள் கைகூடி வரும். பாக்கிய ஸ்தானத்தில் சூரியன் செவ்வாய் இருப்பதால் மேஷ ராசியில் பிறந்தவர்களின் தந்தை, மூதாதையர்கள், சொத்து சார்ந்த விஷயங்கள், தொலைதூரப் பயணங்களில் பிரச்சனைகள் வரும் அமைப்புள்ளதால் மிகுந்த கவனமாக இருக்க வேண்டும். தந்தையின் ஆரோக்கியத்திலும், உங்களுடைய ஆரோக்கியத்திலும் மிகுந்த கவனமாக இருக்க வேண்டும்.

காசி, கயா, ராமேஸ்வரம், பஞ்சாப், லடாக், உத்தரகாண்ட் போன்ற பகுதிகளுக்குச் செல்வது தவிர்ப்பது நல்லது. அலைந்து திரிந்து செய்யக்கூடிய செயல்களால் பாதிப்புகள் ஏற்படும். வெளியூர், வெளிநாடுகளில் இருந்து வரக்கூடிய விஷயங்கள், விசா, பாஸ்போர்ட் போன்றவை தடைபட்டு வரும் வாய்ப்புள்ளது. வெளியூர், வெளிநாடுகளில் இருப்பவர்கள் சட்ட சிக்கல்களில் சிக்கக்கூடிய வாய்ப்புகள் மிக அதிகமாக உள்ளது.

தனுசு

தனுசு ராசி அல்லது லக்கினம் சார்ந்த நபர்களுக்கு சூரியன், செவ்வாய் சேர்ந்திருக்கிறது. 7 ஆம் இடத்தில் குரு வக்கிரமாக இருக்கிறது. சனியின் பார்வை இருப்பதால் வேலையில் பிரச்சனைகள், அழுத்தம் அதிகமாக இருக்கும். ஆரோக்கியத்தில் கால் முட்டி, தலைவலி, கண் தொடர்பான பிரச்சனைகள், டென்சன்கள் ஏற்படும் வாய்ப்புள்ளது.

4 ஆம் இடத்தில் சனி இருப்பதால் அம்மாவின் ஆரோக்கியம், உங்கள் ஆரோக்கியத்தைப் பார்த்துக் கொள்வது நல்லது. எப்பவோ செய்த தவறை இப்போது பேசிக் கொண்டிருப்பார்கள். இந்த சமயத்தில் கணவன், மனைவி ஆரோக்கியத்தைப் பார்த்துக் கொள்வது நன்மை பயக்கும். உத்தியோகம், வியாபாரத்தில் டிசம்பர் மாதத்தில் பெரிய மாற்றத்தைக் காண்பீர்கள்.

100 சதவீத முக்கிய மாற்றங்கள் ஏற்படும். மிக முக்கியமான விஷயங்கள் எல்லாம் நடக்கும். புதன், சுக்கிரன் விரய ஸ்தானத்தில் இருப்பதால் நிறைய ஹோட்டல்களில் தங்குவது, மலைப் பிரதேசங்களுக்குச் செல்வது, கோவிலுக்குச் செல்வது போன்ற யோகங்கள் உண்டாகும். சந்தோஷம் அதிகமாக இருக்கும். வெளியூர், வெளிநாடு செல்வது, இன்பச் சுற்றுலா செல்வது, ஆன்மீக சுற்றுலா செல்வது, தான தர்மங்கள் செல்வது போன்ற யோகங்கள் உண்டாகும்.

English summary

December matha rasi palan: Which 3 zodiac signs should be carefull during this december month.