Rasi Palan This Week: அம்மாடியோவ் தனுசு ராசிக்கு பண மழை – வேற லெவல் அதிர்ஷ்டம்

Updated: Tuesday, October 28, 2025, 17:08 [IST]

Subscribe to Oneindia Tamil

வார ராசி பலன்: அக்டோபர் 27 ஆம் தேதி முதல் நவம்பர் 2 ஆம் தேதி வரையிலான ஐப்பசி 10 முதல் ஐப்பசி 26 ஆம் தேதி வரையிலான இந்த வாரத்திற்கான தனுசு ராசி பலன்கள் குறித்து விரிவாகப் பார்க்கலாம். இந்த வாரம் எப்படி இருக்கும், என்ன மாதிரியான பலன்கள் கிடைக்கப் போகின்றன, வழிபட வேண்டிய தெய்வங்கள் குறித்து இந்த ஜோதிட கட்டுரையில் தெரிந்து கொள்ளலாம்.

ஒவ்வொரு கிரகங்களும் குறிப்பிட்ட கால இடைவெளியில் ஒரு ராசியில் இருந்து மற்றொரு ராசிக்குப் பெயர்ச்சியாவது வழக்கம். இந்த கிரகங்களின் நிலை மாற்றம் மற்றும் இடப்பெயர்ச்சியானது 12 ராசிகளிலும் தாக்கத்தை ஏற்படுத்தும். சில ராசிக்காரர்களுக்கு நல்ல பலன்களையும், சில ராசிக்காரர்களுக்கு அசுப பலன்களையும் உண்டாக்கும்.

Weekly rasi palan Dhanusu Lucky zodiac signs

சூரிய பகவான் துலாம் ராசியில் நீச்சமாக இருக்கக்கூடிய மாதமே ஐப்பசி. அக்டோபர் 18 ஆம் தேதி முதல் நவம்பர் 16 ஆம் தேதி வரையிலான ஐப்பசி மாதத்தில் மழை, வெள்ளம், புயல் ஏற்படுவதற்கான வாய்ப்புள்ளது. அரசியல்வாதிகள், பெரும் புகழ்மிக்கவர்கள், தொழிலதிபர்கள், உலகத் தலைவர்கள், பிரதமர்கள், ராணுவத் தளபதிகள், முப்படைத் தளபதிகள் உள்ளிட்டோர் கவனமாக இருக்க வேண்டிய காலகட்டம்.

அந்த வகையில், அக்டோபர் 27 ஆம் தேதி முதல் நவம்பர் 2 ஆம் தேதி வரையிலான ஐப்பசி 10 ஆம் தேதி முதல் 16 ஆம் தேதி வரையிலான இந்த வாரத்திற்கான தனுசு ராசி பலன்கள் குறித்து தெரிந்து கொள்ளலாம்.

தனுசு

தனுசு ராசி மற்றும் தனுசு லக்னத்தினருக்கு இந்த வாரம் நல்ல பலன்களை கொடுக்கும். உத்யோகம் மற்றும் தொழிலில் அதிர்ஷ்டம் உண்டாகும். தொழிலில் எதிர்பாராதளவுக்கு லாபம் கிடைக்கும். பண வரவு அமோகமாக இருக்கும். பழைய பாக்கி வசூலாகும். இவ்வளவு பணத்தை எப்படி வீட்டில் வைப்பது என்று வங்கி லாக்கரில் வைக்குமளவுக்கு கூரையை பிய்த்துக் கொண்டு பணம் வரும். பொருளாதாரம் பெரியவுக்கு உயரும்.

அதிர்ஷ்டங்கள்

சொந்த வீடு கனவு நனவாகும். நிலம், வீடு, தங்கம், வெள்ளி நகைகள், வண்டி, வாகனம் போன்ற அசையும், அசையா பொருட்களின் சொத்து சேர்க்கை உண்டு. பலர் புதிய முதலீடுகளில் ஈடுபடுவார்கள். மனதில் நினைத்த நல்ல காரியங்கள் அடுத்தடுத்து நடைபெறும். திடீர் அதிர்ஷ்டங்களால் திக்கு முக்காடுவீர்கள். வாக்கு ஸ்தானம் பலமடைவதால் உங்கள் வார்த்தைக்கு சமூகத்தில் மதிப்பு, மரியாதை, செல்வாக்கு உயரும்.

தெளிவு

குடும்பத்தில் நிலவி வந்த சிக்கல்கள் எல்லாம் தீரப்போகிறது. உத்யோகம், தொழிலில் எதிர்பார்த்த மாற்றங்கள் கிடைக்கும். உத்யோகத்தில் புதிய பொறுப்புகள் தேடி வரும். தொழிலில் புதிய ஒப்பந்தங்கள் வரும். மனதில் தெளிவு பிறக்கும். உற்சாகம், தன்னம்பிக்கை அதிகரிக்கும். பெற்றோரால் ஆதாயம் உண்டு. நீண்ட காலமாக திட்டமிட்ட விஷயங்களை செயல்படுத்த இது சரியான வாரம்.

கவனம்

கைக்கால் வலி, கழுத்து சுளுக்கு போன்ற பிரச்சனைகள் ஏற்படலாம். ஆரோக்கியத்தில் கூடுதல் கவனம் செலுத்த வேண்டும். கோபத்தை குறைத்து பொறுமையாக செயல்பட வேண்டும். குடும்ப உறுப்பினர்களை காயப்படுத்தும் வகையில் பேசிவிட வேண்டாம். ஒவ்வொரு ஞாயிற்றுக்கிழமையும் பசு மாடுக்கு தானம் செய்வது, மகாலட்சுமி வழிபாடு செய்வது மனக்குறைகளை நீக்கி மகிழ்ச்சியை அதிகரிக்கும்.