மிதுன ராசிக்கு எங்கயோ பெரிய மச்சம்.. குரு பகவானால் இனி எல்லாம் உச்சம்

Updated: Monday, October 6, 2025, 19:03 [IST]

Subscribe to Oneindia Tamil

குரு அதிசாரப் பெயர்ச்சி: 2025 ஆம் ஆண்டில் குரு பகவான் மிதுனத்தில் இருந்து கடகத்துக்கு வரும் அக்டோபர் 18 ஆம் குரு அதிசாரப் பெயர்ச்சியாகிறார். இந்த குரு அதிசார் பெயர்ச்சியான 12 ராசிகளிலும் அதன் தாக்கத்தை ஏற்படுத்தும். அந்த வகையில், மிதுன ராசிக்காரர்களுக்கு கிடைக்கும் பலன்கள், பரிகாரங்கள், தெய்வ வழிபாடுகள் குறித்து இந்த ஜோதிட கட்டுரையில் விரிவாகப் பார்க்கலாம்.

அக்டோபர் 18 ஆம் தேதி மிதுனத்தில் இருந்து கடகத்துக்கு குரு அதிசாரப் பெயர்ச்சி ஆகிப் போகிறார். அதே நவம்பர் மாதத்தில் கடகத்தில் இருந்து மீண்டும் மிதுனத்துக்கு குரு பகவான் இடப்பெயர்ச்சி ஆகிறார். இதுவே குரு அதிசாரப் பெயர்ச்சி என்று அழைக்கப்படுகிறது. குரு என்பவர் தேவர்களுக்கெல்லாம் தேவர். பிள்ளைப் பேறு, திருமணம், செல்வம், செழிப்பு என அனைத்து நல்ல விஷயங்களுக்கும் காரணகர்த்தாகவாக இருக்கிறார்.

guru-athisaram-mithunam-rasi-people-get-lots-of-money-during-this-period

சனியிடமிருந்து தப்பிக்க ஒரே வழி குரு. சனி பகவான் என்றாலே பொதுமக்கள் பலரும் அச்சப்படுவார்கள். ஆனால் உண்மையில் குருவைக் கண்டுதான் அச்சப்பட வேண்டும். குரு என்பவர் ஞானக்காரகர். தர்மத்துடன் நடந்து கொள்பவர்களுக்கு மட்டுமே குரு பகவான் உதவி செய்வார். குரு என்பவர் வளர்ச்சியைக் கொடுப்பார். ஆனால் அதனை நிதானமாகவே கொடுப்பார் அதுவே இந்த அதிசாரப் பெயர்ச்சியில் நிகழும்.

அந்த வகையில், இந்த குருப்பெயர்ச்சியில் மிதுனம் ராசிக்காரர்களுக்கு கிடைக்கும் பலன்கள், பரிகாரங்கள், வழிபட வேண்டிய தெய்வங்கள் குறித்து இந்த தொகுப்பில் பார்க்கலாம்.

மிதுனம்

குரு பகவான் உங்கள் ஜென்ம ராசியில் இருக்கிறார். தற்போது அவர் அதிசாரப் பெயர்ச்சியாகி இரண்டாம் இடத்திற்கு போகிறார். இதன் மூலம் ஜென்ம குரு தற்காலிகமாக விலகுகிறார் என்றுதான் எடுத்துக் கொள்ள வேண்டும். இது உங்களுக்கு பல்வேறு வகையில் நன்மையை கொடுக்கும். முதன்மையாக பொருளாதார சிக்கல்கள் விலகும். பொருளாதாரம் உயரும். கடன் சுமை வெகுவாக குறையும்.

ஆரோக்கியம்

குரு பகவான் தன ஸ்தானத்திற்கு செல்வதால் பண வரவு பெருகும். மாற்றத்தை கண்கூடாக உணர்வீர்கள். உத்யோகம், தொழிலில் வருமானம் நன்கு உயரும். அவமானங்கள் ஏற்பட்ட இடத்தில் உங்களின் மதிப்பு, மரியாதை கூடும். குரு பகவான் உங்கள் ராசிக்கு பெயர்ச்சி ஆனப்பிறகு பலருக்கு ஆரோக்கியத்தில் தொந்தரவு, உத்யோகத்தில் பிரச்சனை போன்ற சங்கடங்கள் ஏற்பட்டிருக்கும். அந்தப் பிரச்னைகள் சரியாகும்.

பலம்

வேலை இல்லாதவர்கள், நல்ல வேலை எதிர்பார்ப்பவர்களுக்கு இந்த காலத்தில் நல்ல உத்யோகம் கிடைக்கும். தொழிலில் நீண்ட காலமாக திட்டமிட்ட மாற்றங்களை செய்வீர்கள். சிலர் புதிய தொழில் தொடங்குவதற்கு வாய்ப்புள்ளது. ஆரோக்கியத்தில் நிலவி வந்த தொந்தரவுகள் விலகும். உங்களின் பகைவர்களின் பலம் குறையும். நிலம் சார்ந்த பிரச்சனைகள், வழக்குகளில் உங்களுக்கு சாதகமான தீர்ப்பு கிடைக்கும்.

பரிகாரம்

வாழ்க்கை துணையுடன் இருந்த மோதல்கள் சரியாகி அந்யோநியம் அதிகரிக்கும். காதல் உறவில் இனிமைக் கூடும். திடீர் அதிர்ஷ்டத்தால் திக்கு முக்காடுவீர்கள். சமூகத்தில் பெரிய மனிதர்களின் அறிமுகம் கிடைக்கும். உங்கள் வீட்டின் அருகே உள்ள பெருமாள் கோயில் சென்று, உங்களின் எடைக்கு இணையான அரிசு, பரிப்பு உள்ளிட்டவற்றை தானமாக வழங்கி தரிசனம் செய்வதால் நல்ல பலன்கள் கிடைக்கும். எடைக்கு எடை முடியாவிடினும் உங்களால் முடிந்த உதவிகளை தானமாக செய்வதால் சிறப்பான பலன்களை பெறலாம்.