குருப்பெயர்ச்சி 2026: எந்த ராசிக்கு என்ன பலன்?.. யாருக்கு அதிர்ஷ்டம் கொட்டப் போகிறது!

Guru Peyarchi 2026: ஆண்டுக்கு ஒருமுறை ராசி மாற்றம் செய்யும் குரு பகவான், 12 ஆண்டுகளுக்கு ஒருமுறை தனது உச்ச ராசியான கடகத்தில் பிரவேசிப்பார். குரு உச்சம் பெறும் இந்த காலம் பொதுவாக அனைத்து ராசியினருக்கும் நன்மைகளை அளிக்கும் காலமாக கருதப்படுகிறது. இருப்பினும் மற்ற கிரகங்களின் நிலை, குருவின் விசேஷ பார்வைகள் மற்றும் ஜாதக அமைப்புகளைப் பொறுத்து பலன்களின் தன்மை மாறுபடும்.

திருக்கணித பஞ்சாங்கப்படி, குரு பகவான் 2026 ஜூன் 2-ஆம் தேதி கடக ராசிக்கு பெயர்ச்சி அடைகிறார். அப்போது அவரது 5, 7 மற்றும் 9-ஆம் பார்வைகள் முறையே விருச்சிகம், மகரம் மற்றும் மீனம் ராசிகளில் பதிகின்றன. இந்த கிரக அமைப்பு 12 ராசியினரின் வாழ்க்கையிலும் குறிப்பிடத்தக்க தாக்கத்தை ஏற்படுத்தும். அந்த வகையில், மேஷம் முதல் மீனம் ராசியினருக்கு கிடைக்கும் பலன்கள், பரிகாரங்கள் குறித்து பார்க்கலாம்.

மேஷம்

மேஷ ராசியினருக்கு நீண்டநாள் ஆசைகள் நிறைவேறும் வாய்ப்பு உருவாகும். பணியிடத்தில் மேலதிகாரிகளின் பாராட்டு கிடைக்கும். எதிர்பாராத பயணங்கள் லாபகரமாக அமையலாம். குடும்பத்தில் சுபகாரிய தடைகள் நீங்கி மகிழ்ச்சி அதிகரிக்கும். பணவரவு அதிகரித்தாலும் செலவுகளை கட்டுப்படுத்துவது அவசியம்.

ரிஷபம்

ரிஷப ராசியினருக்கு திட்டமிடல் மற்றும் பொறுமை வெற்றியைத் தரும். பணியில் ஏற்பட்ட தாமதங்கள் விலகி பதவி உயர்வு மற்றும் ஊதிய உயர்வுக்கான வாய்ப்புகள் உருவாகும். பூர்வீக சொத்துகளால் ஆதாயம் கிடைக்கலாம். புதிய உறவுகளில் நிதானமாக செயல்படுவது நல்லது.

மிதுனம்

மிதுன ராசியினரின் கடின உழைப்புக்கு அங்கீகாரம் கிடைக்கும். பழைய கடன்களை அடைக்க வாய்ப்பு ஏற்படும். தொழில் மற்றும் வியாபாரத்தில் வளர்ச்சி காணப்படும். குடும்பத்தில் அமைதி நிலவும். பணம் தொடர்பான பொறுப்புகளில் கூடுதல் கவனம் தேவை.

கடகம்

குரு உச்சம் பெறுவதால் கடக ராசியினருக்கு இது மிகச் சிறப்பான காலமாக அமையும். புதிய வேலை வாய்ப்புகள், பதவி உயர்வுகள் மற்றும் குடும்ப மகிழ்ச்சி அதிகரிக்கும். உறவினர்கள் மத்தியில் செல்வாக்கு உயரும். தொழிலில் தொடர்ந்து வளர்ச்சி ஏற்படும்.

சிம்மம்

பொறுமையும், நிதானமும் சிம்ம ராசியினருக்கு வெற்றியைத் தரும். பல ஆண்டுகளாக எதிர்பார்த்திருந்த விஷயங்கள் கைகூடும். குடும்பத்தில் சுபநிகழ்ச்சிகள் நடைபெறலாம். தொழிலில் வளர்ச்சி பாதை தெளிவாகத் தெரியும்.

கன்னி

கன்னி ராசியினருக்கு பதவி உயர்வு மற்றும் வருமான உயர்வுக்கான வாய்ப்புகள் உருவாகும். குடும்பத்தில் மகிழ்ச்சியான நிகழ்வுகள் நடைபெறலாம். தொழிலில் நேரடி கவனம் செலுத்தினால் முன்னேற்றம் நிச்சயம். பெற்றோரின் உடல்நலத்தில் கவனம் அவசியம்.

துலாம்

துலாம் ராசியினருக்கு உழைப்புக்கு ஏற்ற பலன்கள் கிடைக்கும். குடும்பத்தில் நிம்மதி நிலவும். சகோதரர்களால் ஆதாயம் கிடைக்கலாம். புதிய முதலீடுகளில் எச்சரிக்கை அவசியம். கலை மற்றும் படைப்புத் துறையில் இருப்போருக்கு சிறந்த வாய்ப்புகள் அமையும்.

விருச்சிகம்

விருச்சிக ராசியினரின் செல்வாக்கு அதிகரிக்கும். பணியிடத்தில் பாராட்டு கிடைக்கும். சொத்து சேர்க்கைக்கான வாய்ப்புகள் உருவாகும். தொழிலில் லாபம் அதிகரிக்கும். கல்வியில் மாணவர்கள் சிறந்த முன்னேற்றம் காணலாம்.

தனுசு

தனுசு ராசியினருக்கு தன்னம்பிக்கை அதிகரிக்கும். குடும்பத்தில் ஒற்றுமை மற்றும் மகிழ்ச்சி உருவாகும். புதிய வாழ்க்கை தொடங்குவதற்கான வாய்ப்புகள் சிலருக்கு அமையலாம். தொழிலில் முன்னேற்றம் காணப்படும். குழந்தைகளால் பெருமை கிடைக்கும்.

மகரம்

மகர ராசியினருக்கு பதவி உயர்வு, வெளிநாட்டு வாய்ப்பு மற்றும் தொழில் வளர்ச்சி கிடைக்கக்கூடும். குடும்பத்தில் அமைதி நிலவும். உறவினர்கள் மத்தியில் மதிப்பும் செல்வாக்கும் உயரும். அரசியல் மற்றும் கலைத்துறையினருக்கு புதிய வாய்ப்புகள் கிடைக்கும்.

கும்பம்

கும்ப ராசியினருக்கு பொறுப்புகள் அதிகரித்தாலும் அதற்கேற்ற பலன்களும் கிடைக்கும். தொழில் மற்றும் பணியிடத்தில் உயர்வுகள் கிடைக்கும். சுபகாரியங்கள் நடைபெற வாய்ப்பு உள்ளது. பூர்வீக சொத்து விஷயங்களில் பொறுமை அவசியம்.

மீனம்

மீன ராசியினரின் முயற்சிகளுக்கு நல்ல பலன் கிடைக்கும். பணியிடத்தில் ஒழுக்கமும் நேர்த்தியும் வெற்றியைத் தரும். குடும்பத்தில் அமைதி நிலவும். தொழிலில் தொடர்ச்சியான வளர்ச்சி காணப்படும். தேவையற்ற கடன்களைத் தவிர்ப்பது நல்லது.

English summary

Guru Peyarchi 2026: Guru will transit into its exalted sign, Cancer, on June 2, 2026, bringing significant changes for all 12 zodiac signs. Astrologer Shelvi predicts improvements in career, finances, relationships, and personal growth, with varying results based on planetary influences.