குருப்பெயர்ச்சி பலன் 2026: கன்னி ராசிக்கு கோடியில் புரளும் யோகம்.. குருப்பெயர்ச்சியில் கொட்டும் பணம்

Guru Peyarchi 2026: ஞானக்காரகன் என்று அழைக்கப்படும் குரு பகவானின் பெயர்ச்சியானது இந்த ஆண்டு ஜூன் மாதம் 2 ஆம் தேதி நடைபெறவுள்ளது. இந்த குருப்பெயர்ச்சியில் கன்னி ராசியினருக்கு கிடைக்கும் பலன்கள், பரிகாரங்கள், வழிபட வேண்டிய தெய்வங்கள் குறித்து இந்த ஜோதிட கட்டுரையில் விரிவாகப் பார்க்கலாம்.

2026 ஜூன் மாதம் 2 ஆம் தேதி இந்த வருடத்திற்கான குருப்பெயர்ச்சி நடைபெறவுள்ளது. சனிப்பெயர்ச்சி இரண்டரை வருடங்களுக்கு ஒருமுறையும், ராகு கேது பெயர்ச்சி 18 மாதங்களுக்கு ஒருமுறையும், குருப்பெயர்ச்சி 12 மாதங்களுக்கு ஒருமுறை நடைபெறுகிறது. வருடாந்திர கிரகங்களான சனி, ராகுகேது, குரு ஆகிய 3 கிரகங்களின் பெயர்ச்சி மிகவும் முக்கியத்துவம் வாய்ந்ததாகும்.

ஜூன் மாதம் 2 ஆம் தேதி கன்னி வீட்டில் உச்ச குருவாக அமரும் குரு பகவான் மூன்று மாதம் கழித்து கன்னி வீட்டிற்குச் செல்கிறார். அங்கு மூன்று மாதம் இருந்துவிட்டு மீண்டும் கன்னிக்கு வருகிறார். அதிசார குருப்பெயர்ச்சியாக இருந்தாலும் முதலில் உச்சம், பிறகு நட்பான நிலை என்கிற வகையில் இந்த குரு பகவான் பெரும்பாலும் நன்மைகளைத் தருவார்.

இந்த குருப்பெயர்ச்சியில் கன்னி ராசியினருக்கு கிடைக்கும் பலன்கள், ஏற்படப்போகும் நன்மைகள், வழிபட வேண்டிய தெய்வங்கள் குறித்து இந்த ஜோதிட கட்டுரையில் விரிவாகப் பார்க்கலாம்.

கன்னி ராசி பலன்

கன்னி ராசியினருக்கு இதுவரை 10 ஆம் இடத்தில் இருந்து வந்த குரு பகவான் இப்போது 11 ஆம் இடத்திற்கு லாபத்தில் வருகிறார். 12 ராசியில் கன்னி ராசியினருக்கு குரு பகவான் பலன்களை அள்ளித் தருவார். தனகாரகனாகிய குரு பகவான் லாப ஸ்தானத்தில் உச்சம் என்பது மிக நல்ல பலன்களை கொடுக்கும். டிசம்பர் மாதம் முதல் வாரத்தில் இருந்து கேள யோகம் கிடைக்கும் பாக்கியம் ஏற்படும்.

கோடீஸ்வர யோகம்

பெரிய அளவில் நன்மைகள் நடக்கும் காலகட்டமாக இருக்கும். பண வரவு நன்றாக இருக்கும். வருமானம் பெறக்கூடிய காலகட்டமாக இருக்கும். கோடீஸ்வரர்களாக மாறும் யோகம் உண்டு. உங்களுடைய அடுத்தகட்ட வளர்ச்சி அற்புதமாக இருக்கும். பொருளாதார முன்னேற்றம் உண்டாகும். சம்பாதிப்பதில் சாதனை செய்யும் காலகட்டமாக இருக்கும்.

பணவரவு

குருப்பெயர்ச்சி நடக்கும் முதல் 6 மாதங்கள் கலவையான பலன்கள் இருந்தாலும், பிற்பகுதி 6 மாதங்கள் சுறுசுறுப்பாக வேலை செய்யக்கூடிய காலகட்டமாக இருக்கும். பண வரவு அற்புதமாக இருக்கும். 3, 5, 7 ஆம் இடம் வலுத்திருக்கிறது. 3 ஆம் இடம் முயற்சிகளையும், அறிமுகங்களையும் குறிக்கக்கூடியதாகும். காதலன், காதலி உறவுகள் சிறப்பாக இருக்கும். ஆணுக்கு பெண்ணையும், பெண்ணுக்கு ஆணையும் அறிமுகப்படுத்தக் கூடிய குருப்பெயர்ச்சியாக இருக்கும்.

முன்னேற்றம்

சிலருக்கு உங்களை விட உயர்ந்த அந்தஸ்தில் இருக்கக்கூடிய பணக்காரர்கள், அதிகாரிகளுடன் அறிமுகம், நட்பு உண்டாகும். அதன் மூலமாக நல்ல பலன்கள் கிடைக்கும் பாக்கியம் உண்டு. புதிய அறிமுகங்கள் மூலமாக அதிர்ஷ்டம் ஏற்படும். தம்பி, தங்கைகளைப் பற்றி இருந்த கவலைகள் நீங்கும். அவர்களுக்கு நல்ல மாற்றங்களும், முன்னேற்றங்களும் ஏற்படும்.

திருமண யோகம்

இளைய பருவத்தினருக்கு திருமணமாகும் யோகம் உண்டு. ஏற்கனவே திருமணம் செய்து பிரச்சனைகளில் இருப்பவர்களுக்கு அந்தப் பிரச்சனைகள் தீரக்கூடிய தன்மைகள் உண்டு. சேர்ந்து வாழக்கூடிய அமைப்பு உள்ளது. விவாகரத்து ஆனவர்களுக்கு மீண்டும் திருமணமாகும் அமைப்பு உள்ளது. குடும்பம் இணையக்கூடிய அமைப்பு, ஆண் பெண் ஒருவருக்கொருவர் புரிந்து கொள்ளும் அமைப்பு உண்டாகும்.

குழந்தை பாக்கியம்

நல்ல குழந்தை பாக்கியம் கிடைக்கும். குழந்தை பிறந்து சில குறைகள் இருப்பவர்களுக்கு அந்தப் பிரச்சனைகள் தீரக்கூடிய அற்புதமான காலகட்டமாக இருக்கும். எடுத்த காரியங்களில் ஜெயம் ஏற்படும். தொட்டது துலங்கக்கூடிய நல்ல அமைப்பு உள்ளது. பொருளாதார ஏற்றம், தொழிலில் முன்னேற்றம், புதிய அறிமுகங்களால் ஆதாயம் என உங்களுக்கு இந்த மே மாதம் அதிர்ஷ்டத்தை தரக்கூடியதாக இருக்கும்.

English summary

Guru Peyarchi 2026: Let's see what kind of benefits and fortunes will get simmam rasi people during this period.