ராஜயோகம் பெறும் கடக ராசி.. ஜூன் மாதத்தில் அடிக்கும் லக்கி ஜாக்பாட்

Updated: Wednesday, June 3, 2026, 19:13 [IST]

Subscribe to Oneindia Tamil

ஜூன் மாத பலன்கள்: 2026 ஜூன் மாதத்தில் கடக ராசியினருக்கு கிடைக்கும் பலன்கள், பரிகாரங்கள், தொழில் முன்னேற்றம், பொருளாதார முன்னேற்றம், திருமண யோகம், வழிபட வேண்டிய தெய்வங்கள் குறித்து இந்தப் பதிவில் பார்க்கலாம்.

ஒவ்வொரு கிரகங்களும் ஒரு குறிப்பிட்ட கால இடைவெளியில் ஒரு ராசியில் இருந்து மற்றொரு ராசிக்குப் பெயர்ச்சி அடைவது இயல்பான நிகழ்வாகும். இந்த கிரக மாற்றங்கள் அனைத்து ராசிகளின் வாழ்க்கையிலும் குறிப்பிடத்தக்க தாக்கத்தை ஏற்படுத்துகின்றன. சில ராசிகளுக்கு சுப பலன்களையும், சில ராசிகளுக்கு சவால்களையும் அளிக்கும்.

இந்த மாதத்தின் மிக முக்கியமான நிகழ்வாக குரு பகவான் கடக ராசியில் உச்சம் பெற்று சஞ்சரிப்பது குறிப்பிடத்தக்கது. இதனால் பல ராசியினரின் வாழ்க்கையில் முன்னேற்றம் மற்றும் புதிய வாய்ப்புகள் உருவாகும். செவ்வாய் தனது சஞ்சாரத்தின் மூலம் செயல் வேகம் மற்றும் தைரியத்தை அதிகரிக்கச் செய்கிறார். 2026 ஜூன் மாதம் பல புதிய வாய்ப்புகளையும் முக்கிய மாற்றங்களையும் கொண்டு வரக்கூடிய மாதமாக அமைகிறது.

தொழில், பணவரவு, குடும்ப வாழ்க்கை மற்றும் திருமண யோகம் போன்ற விஷயங்களில் குறிப்பிடத்தக்க முன்னேற்றங்கள் காணப்படலாம். அதே நேரத்தில் சில விஷயங்களில் பொறுமையும் நிதானமும் அவசியமாக இருக்கும். இந்த மாதத்தில் கடக ராசிக்காரர்களுக்கு கிடைக்கும் பலன்கள், கவனிக்க வேண்டிய அம்சங்கள், செய்ய வேண்டிய பரிகாரங்கள் மற்றும் வழிபட வேண்டிய தெய்வங்கள் குறித்து விரிவாக பார்க்கலாம்.

கடகம்

கடக ராசியினருக்கு மிகப்பெரிய விடுதலை பெறும் காலகட்டம். இந்த குருப்பெயர்ச்சியில் குரு பகவான் உங்கள் ராசியில் அமர்ந்திருக்கிறார். 20 ஆம் தேதிக்குப் பிறகு செவ்வாய் 11 ஆம் இடத்துக்கு மாறுகிறார். 9,10, 11,12 ஆகிய இடங்கள், ராசியில் கிரகங்கள் நல்ல நிலையில் உள்ளன. 9 இல் சனி, 10 இல் செவ்வாய், 11 இல் சூரியன், 12 இல் புதன் சுக்கிரன், ராசியில் குரு எனும் அமைப்பு உள்ளது.

தடை தாமதம் நீங்கும்

கடந்த காலத்தில் எந்த விஷயங்களில் எல்லாம் சோகங்கள் இருந்து வந்ததோ அந்த அமைப்புகள் எல்லாம் பரிபூரணமாக விலகும் நல்ல காலகட்டம். இதுவரை இருந்து வந்த தடை, தாமதங்கள் அனைத்தும் பரிபூரணமாக நீங்கும். குழந்தைகளால் இருந்து வந்த மனக் கஷ்டங்கள், பண கஷ்டங்கள் அனைத்தும் பரிபூரணமாக நீங்கும். எடுத்த காரியத்தில் ஜெயம் ஏற்படும்.

குழப்பம் நீங்கும்

இதுவரை இருந்து வந்த குழப்பமான மன நிலைகள் அனைத்தும் பரிபூரணமாக நீங்கும். குழந்தைகள் நல்ல மதிப்பெண்கள் பெறக்கூடிய நல்ல காலகட்டம் பொருளாதாரத்தில் நல்ல முன்னேற்றம் ஏற்படும். சிறப்பான மாதமாக இருக்கும். மனதில் தெளிவு பிறக்கும். நோய் நீங்கும், கடன் நீங்கும் நல்ல காலகட்டம். ராசி புனிதத்தை அடைவதால் கடன் பிரச்சனை, நோய் பிரச்சனை, எதிரிகள் பிரச்சனைகள் பரிபூரணமாக நீங்கும்.

யோக காலம்

எல்லா விஷயங்களையும் சமாளிக்கக்கூடிய காலகட்டமாக இருக்கும். படிப்படியாக முன்னேற்றங்கள் ஏற்படும். இதுவரை நிறைய விரயங்களை சந்தித்து வந்தவர்களுக்கு இனி அந்த நிலைமைகள் எல்லாம் பரிபூரணமாக நீங்கும். அண்ணன், அக்காள் தொடர்பான பிரச்சனைகள் நீங்கும். சட்டப்பூர்வ போராட்டங்கள் செய்வீர்கள். அரசாங்க அனுமதிகள் கிடைக்கும் நல்ல காலகட்டம். எதிலும் ஒரு நிறைவு பெறக்கூடிய காலகட்டமாக இருக்கும். தொழில், வியாபாரம், குடும்ப வாழ்க்கை, படிப்பு என எல்லா விஷயங்களிலும் யோகம் பெறும் காலகட்டமாக இருக்கும்.