Rasi Palan This Week: லக்கி பாஸ்கராக மாறும் கும்ப ராசி.. தொட்டதெல்லாம் தூள் பறக்கப் போகுது

வார ராசி பலன்: செப்டம்பர் 8 முதல் 14 ஆம் தேதி வரையிலான ஆவணி 23 முதல் ஆவணி 29 ஆம் தேதி வரையிலான இந்த வாரத்திற்கான கும்ப ராசி பலன்கள் குறித்து விரிவாகப் பார்க்கலாம். இந்த வாரம் எப்படி இருக்கும், என்ன மாதிரியான பலன்கள் கிடைக்கப் போகின்றன, வழிபட வேண்டிய தெய்வங்கள் குறித்து இந்த ஜோதிட கட்டுரையில் தெரிந்து கொள்ளலாம்.

ஒவ்வொரு கிரகங்களும் குறிப்பிட்ட கால இடைவெளியில் ஒரு ராசியில் இருந்து மற்றொரு ராசிக்குப் பெயர்ச்சியாவது வழக்கம். இந்த கிரகங்களின் நிலை மாற்றம் மற்றும் இடப்பெயர்ச்சியானது 12 ராசிகளிலும் தாக்கத்தை ஏற்படுத்தும். சில ராசிக்காரர்களுக்கு சுப பலன்களையும், சில ராசிக்காரர்களுக்கு அசுப பலன்களையும் உண்டாக்கும்.

இந்த ஆவணி மாதத்தில் புதன் வக்கிர நிவர்த்தி அடைகிறார். பொதுவாக இந்த மாதம் கடகம், விருச்சிகம், மீனம் ராசிக்காரர்களுக்கு அற்புதமான காலகட்டமாக இருக்கும். நிறைய பேருக்கு வேலையில் நிரந்தர தன்மை உண்டாகும். திடீர் பண வரவுகள் ஏற்படும். மிதுனம், துலாம், கும்ப ராசிக்கும் நன்றாக இருக்கும். வீடு வாங்குவோருக்கு சிறப்பான காலகட்டமாக இருக்கும்.

சந்திர கிரகணம், குரு வக்கிர பெயர்ச்சி உள்ளிட்ட பல முக்கிய நிகழ்வுகள் நடைபெறவுள்ளன. அந்த வகையில், செப்டம்பர் 8 முதல் 14 ஆம் தேதி வரையிலான இந்த வாரத்தில் கும்ப ராசிக்காரர்களுக்கு கிடைக்கும் பலன்கள், வழிபட வேண்டிய தெய்வங்கள் குறித்து இந்த தொகுப்பில் பார்க்கலாம்.

கும்பம்

கும்பம் ராசிக்காரர்களுக்கு இந்த வாரம் உத்யோகம், தொழிலில் அற்புதமாக இருக்கும். உத்யோகம், தொழில், வியாபாரம், கல்வி எல்லாவற்றிலும் அமோக பலன்கள் கிடைக்கும். உத்யோகம், தொழிலில் இருந்த தடைகள் நீங்கி ஏற்றம் காணப்படும். குழந்தைகளின் கல்வி, வேலை வாய்ப்பு ஆகியவற்றில் முன்னேற்றம் ஏற்படும். இழுபறியாக இருந்த விஷயங்கள் நிறைவேறும்.

அதிர்ஷ்டம்

மனதில் நினைத்த காரியங்கள் படிப்படியாக நிறைவேறும். சுப காரிய தடைகள் விலகும். திருமணம், குழந்தை பாக்கியம் போன்ற முயற்சிகளில் நல்ல செய்தி கிடைக்கும். குடும்பத்தில் புதிய உறுப்பினர்களின் ஆதரவு கிடைக்கும். பயணங்களால் ஆதாயம் உண்டு. இந்த வாரம் உள்ளூர், வெளி மாநில, வெளிநாடு பயணங்களால் திடீர் அதிர்ஷ்டம் ஏற்படும். எதிர்பாராத இடத்தில் இருந்து திடீர் பண வரவு, அதிர்ஷ்டம் இருக்கும்.

வாய்ப்புகள்

தொழிலில் இருந்த சிக்கல்கள் விலகி தொழிலில் விருத்தி ஏற்படும். உங்கள் மனதில் தன்னம்பிக்கை, தைரியம் அதிகரிக்கும். உங்களின் பேச்சுக்கு மதிப்புக் கூடும். சமூகத்தில் உங்களின் செல்வாக்கு, அந்தஸ்து அதிகரிக்கும். தொழிலில் நீண்ட காலமாக திட்டமிட்ட காரியங்களை நிறைவேற்றுவதற்கான வாய்ப்புகள் கைகூடி வரும்.

கவனம்

வாழ்க்கை துணை கால், பாதம், மூட்டு சம்மந்தப்பட்ட விஷயங்களில் அதிக கவனமாக இருக்க வேண்டும். வழுக்கி விழுவதற்கான அபாயம் உள்ளது. எனவே நடக்கும்போது மிகவும் கவனத்துடன் இருப்பதை உறுதி செய்யுங்கள். சிறு பிரச்சனையாக இருந்தாலும் அலட்சியம் காட்டாமல் உடனடியாக மருத்துவ பரிசோதனை மேற்கொள்வது அவசியம். வளர்ப்பு பிராணிகள், விசப்பூச்சிகள் ஆகியவற்றிடமும் எச்சரிக்கையாக இருக்க வேண்டும்.

பரிகாரம்

உங்கள் ஆரோக்கியத்தை பொறுத்தவரை வயிறு, கண் சம்மந்தப்பட்ட பிரச்சனைகளில் மிகுந்த எச்சரிக்கையுடன் இருக்க வேண்டும். நவகிரகங்கள் வழிபாடு நல்ல பலன்களை கொடுக்கும். சூரிய பகவானுக்கு விளக்கு ஏற்றி வழிபடுவதன் மூலம் தடைகள் விலகி அதிர்ஷ்டங்கள் கூடும்.

English summary

Kumbam weekly rasi palan: In this astrological article, you can learn about the benefits that Aquarius (Kumbam) signs will get from September 8 to 14.