Chandra Grahan: 2026 இல் சந்திர கிரகணம் எப்போது?.. பரிகார நட்சத்திரத்தினர் யார்?.. செய்யக் கூடாதவை

சந்திர கிரகணம் 2026: 2026 ஆம் ஆண்டில் முதல் சூரிய கிரகணம் நிறைவடைந்துள்ளது. ஆனால், இந்த கிரகணம் இந்தியாவில் தெரியவில்லை. இந்நிலையில், சந்திர கிரகணம் நடைபெறவுள்ளது. இந்த சந்திர கிரகணத்தில் ஏற்படப்போகும் மாற்றம், பரிகாரம் செய்ய வேண்டிய நட்சத்திரத்திரன், வீட்டில் என்னவெல்லாம் செய்யக் கூடாது என்பது குறித்து இந்த ஜோதிட கட்டுரையில் தெரிந்து கொள்ளலாம் [Chandra Grahan].

2026 மார்ச் மாதம் 3 ஆம் தேதி சந்திர கிரகணம் நடைபெறவுள்ளது. ஜோதிட சாஸ்திரத்தின்படி சூரியன், சந்திரன் இரண்டையும் ராஜ கிரகங்கள் என்றும், ஒளிக் கிரகங்கள் என்றும் அழைக்கப்படுகிறது. இந்த ஒளிக் கிரகங்களுக்கு ராகு, கேதுவால் ஏற்படக்கூடிய கிரகஸ்தம் கிரகணம் ஆகும். கேது பகவானால் சந்திரனுக்கு ஏற்பட்கூடிய கிரகணமாகும்.

மார்ச் மாதம் 3 ஆம் தேதி செவ்வாய்க்கிழமை அன்று பிற்பகல் 3.20 மணிக்கு கிரகணம் ஆரம்பித்து இரவு 7 மணி 53 நிமிடம் வரை கிரகணம் நடைபெறவுள்ளது. இந்த காலகட்டத்தில் ஒவ்வொரு ராசிக்கு பல மாற்றத்தை இந்த கிரகணம் ஏற்படுத்திக் கொடுக்கும். பூரம் நட்சத்திரத்தில் சந்திர கிரகணம் நடைபெறவுள்ளது. சிம்ம ராசி, கடக லக்னத்தில் கிரகணம் நடைபெறுகிறது.

பூரம் நட்சத்திரத்திற்கு இணையான மற்ற நட்சத்திரங்கள் இருக்கின்றன. பரணி, பூராடம் நட்சத்திரத்தினருக்கும் கிரகணம் பிடிக்கிறது. அதேபோல, சிம்ம ராசியில் இருக்கும் இன்னும் 2 நட்சத்திரம் மகம், உத்திரம். இவர்களுக்கும் கிரகணம் பிடிக்கிறது. பரணி, பூரம், பூராடம், மகம், உத்திரம் ஆகி 5 நட்சத்திரத்தினருக்கு கிரகணம் பிடிப்பதால் கிரகண சாந்தி செய்து கொள்வது நன்மை பயக்கும்.

கிரகண சாந்தி செய்யும் நேரம்

இரவு 7.53 மணி வரை சந்திர கிரகணம் இருப்பதால் 8 மணிக்கு குளித்துவிட்டு கிரகண சாந்தி செய்து கொள்வது பெரிய நன்மையைத் தரும். கிரகணத்தால் வரும் தாக்கத்தை அது கட்டுப்படுத்தும். இந்த கிரகண நேரத்தில் கர்ப்பிணிப் பெண்கள் கவனமாக இருப்பது நல்லது. இந்த நேரத்தில் வெளியில் வருவதைத் தவிர்ப்பது நல்லது. வீட்டில் ஜன்னல்களை அடைத்து வைத்துக் கொள்வது நன்மை பயக்கும்.

உணவு சாப்பிடுவதில் மிக கவனமாக இருக்க வேண்டும். கிரகணம் பிடிப்பதற்கு 6 மணி நேரத்திற்கு முன்பே சாப்பிட்டுக் கொள்வது நன்மை. வயிறு சுத்தமாக இருக்க வேண்டும். இல்லையெனில் இந்த கிரகண நேரத்தில் வயிற்றில் இருக்கும் உணவுப் பொருள்கள் விஷத் தன்மையோடு மாறக்கூடும் என்று சொல்லப்படுகிறது. அதனால், உணவுப் பொருள்கள், தண்ணீரில் தர்ப்பைப் புல்லை போட்டு வைப்பது நன்மை பயக்கும். இல்லையெனில் அருகம்புல், துளசியைப் போட்டு வைப்பது நன்மை பயக்கும்.

சந்திரகிரகண காலகத்தில் இஷ்ட தெய்வம், குலதெய்வ மந்திரத்தை சொல்லிக் கொண்டே இருப்பது நன்மை பயக்கும். உங்கள் பெயருக்குரிய கடவுளின் மந்திரங்களை சொல்வதும் நன்மை பயக்கும்.

திதி கொடுக்கலாமா

சந்திரக கிரகணம் நடைபெறும் மார்ச் 3 ஆம் தேதியன்று பெளர்ணமி. அதனால், முன்னோர்களுக்குத் திதி கொடுப்பவர்கள் மார்ச் 4 ஆம் தேதி திதி கொடுக்கலாம்.

சந்திரகிரகணத்தால் நிகழும் மாற்றம்

சந்திரகிரணம் நடைபெறுவதால் வடக்குப் பகுதிகளில் அதிகளவில் மழை பெய்யும். காடுகளில் மழை பெய்யும். கிரகணம் ஏற்படும் மாற்றத்தால் பிற்காலத்தில் நிலஅதிர்வு ஏற்படலாம். கிரகணம் ஏற்படும் காலகட்டத்தில் மீன ராசியில் சுக்கிரன், சனி ஆகிய கிரகங்கள் இருக்கின்றன. 10 நாட்களுக்குப் பிறகு சூரியனும் வந்து சேர்ந்து கொள்கிறார்.

செவ்வாய் பகவானும் சேர்ந்த பின்பு அணு உலைகளால் நாட்டில் பிரச்சனைகள் ஏற்படுவதற்கான வாய்ப்புள்ளது. அரசியல் துறையினர், கலைத் துறையினருக்குப் பிரச்சனை ஏற்படும் என்பதால் தங்கள் பாதுகாப்பை அதிகப்படுத்திக் கொள்ள வேண்டும்.

English summary

Chandra Grahan: In this astrology article, you can learn about the changes that will occur during a lunar eclipse, the astrological sign that needs to be remedied, and what not to do at home.