மே மாத ராசி பலன் 2023: பிருகு மங்கள யோகத்தால் கொட்டும் பண மழை அனுபவிக்கப்போகும் ராசிக்காரர்கள்

சென்னை: மே மாதத்தில் சுக்கிரனும் செவ்வாயும் இணைந்து சில மாதங்கள் பயணம் செய்யப்போகின்றனர். இதனால் சில ராசிக்காரர்களுக்கு பிருகு மங்கள யோகம் கிடைக்கப்போகிறது. மே மாதத்தில் சூரியன் மேஷம், ரிஷபம் மாதங்களில் பயணம் செய்கிறார். புதன் மேஷ ராசியில் குரு, ராகு உடன் பயணம் செய்கிறார். சுக்கிரன் மிதுன ராசிக்கு இடப்பெயர்ச்சியாகி செவ்வாய் உடன் இணைவதால் மேஷம், ரிஷப ராசிக்காரர்களுக்கு என்ன பலன் கிடைக்கப்போகிறது என்று பார்க்கலாம்.

மே மாதம் 12ஆம் தேதி செவ்வாய் கடக ராசிக்கு இடப்பெயர்ச்சி அடைவார். மே 15ஆம் சூரியன் ரிஷப ராசிக்கு இடப்பெயர்ச்சி அடைவார். மே மாத இறுதியில் சுக்கிரன் கடக ராசியில் பயணம் செய்வார். கும்ப ராசியில் சனி, துலாம் ராசியில் கேது பயணம் செய்கிறார். நவ கிரகங்களின் பயணத்தால் மேஷ ராசியில் பிறந்தவர்களுக்கு மே மாதம் மகிழ்ச்சியை அள்ளி தரப்போகிறது.

மேஷம்: உங்கள் ராசியின் அதிபதி செவ்வாய் காரிய வெற்றிகளை தருவார். குரு பகவான் உங்களுக்கு நல்லதொரு மாற்றத்தை தரப்போகிறார். ஏற்றங்களும் சுபிட்சங்களும் நடைபெறும். குருவின் பார்வையால் சுப நிகழ்ச்சிகள் நடைபெறும். திருமண யோகம் கைகூடி வரப்போகிறது. சுக்கிரன் குடும்ப ஸ்தானத்தில் இருந்து மூன்றாம் வீடான முயற்சி ஸ்தானத்திற்கு செல்வதால் கணவன் மனைவி இடையே நெருக்கம் கூடும். காதல் மலரும். வசீகரம் உண்டாகும். ஆன்மீக பயணங்கள் செல்வீர்கள். வேலை விசயமாக செல்லும் பயணங்களால் வெற்றி கிடைக்கும். புதிய வாய்ப்புகள் தேடி வரும் பயன்படுத்திக்கொள்ளுங்கள்.

மன நிம்மதி: புது வீடு வாங்கும் யோகம் வரும். பூர்வீக சொத்துக்கள் தேடி வரும் மன நிம்மதி தேடி வரும். புதன் உங்கள் ராசியில் இருப்பதால் மேன்மைகள் தேடி வரும். செல்வ வளம் கிடைக்கும். கொடுத்த கடன்கள் திரும்ப வரும். உடல் ஆரோக்கியத்தில் அக்கறை காட்டுவது அவசியம். பெண்களுக்கு குடும்பத்தில் மகிழ்ச்சி அதிகரிக்கும். மதிப்பும் மரியாதையும் கூடும். சனி பகவான் பார்வையால் பலருக்கும் வேலை கிடைக்கும். வேலையில் இருப்பவர்களுக்கு நல்ல புரமோசன் கைகூடி வரும். ராகு, குரு,புதன் சேர்க்கையும் இந்த கிரகங்களின் மீது சனிபகவானின் பார்வையும் விழுவதால் அற்புதமான மாதமாக மே மாதம் அமைந்துள்ளது.

ரிஷபம்: சுக்கிரனை ராசி அதிபதியாகக் கொண்ட ரிஷப ராசிக்காரர்களுக்கு மே மாதத்தில் நல்லதொரு மாற்றத்தை தரப்போகிறது. ராசி அதிபதி இரண்டாம் வீட்டிற்கு இடப்பெயர்ச்சியாகிறார். உங்கள் ராசிக்கு விரைய ஸ்தானத்தில் குரு பயணம் செய்வது சிறப்பு. நிம்மதியும் சந்தோஷமும் அதிகரிக்கும். உடல் ஆரோக்கியத்தில் இருந்த பிரச்சினைகள் நீங்கும். தெளிவான மனநிலையில் இருப்பீர்கள். மன உளைச்சல்கள் நீங்கும். வேலையில் இருந்த சிக்கல்கள் நீங்கும். குரு பகவான் உங்களுக்கு பொன் பொருள் சேர்க்கையை ஏற்படுத்துவார். தங்கத்தில் செய்யும் முதலீடுகள் உங்களுக்கு உயர்வை தரப்போகிறது.

கவனம் தேவை: பிள்ளைகளின் எதிர்காலத்திற்காக நிறைய முதலீடு செய்வீர்கள். பண வருமானம் அதிகரிக்கும். பல வழிகளில் இருந்தும் பணம் வரும். எந்த ஒரு பிரச்சினைகளையும் எளிதில் எதிர்கொள்வீர்கள். பேச்சில் கவனமும் நிதானமும் தேவை. எடுத்தேன் கவிழ்த்தேன் என்று பேசிவிடாதீர்கள் சிக்கலாகிவிடும். மாத பிற்பகுதியில் செவ்வாய் பகவான் மூன்றாம் வீட்டிற்கு சென்று நீச்சமடைகிறார். உங்களின் பேச்சு தவறாக புரிந்துக்கொள்ளப்பட வாய்ப்பு உள்ளது. அரசியல்வாதிகள் கவனமாக இருப்பது நல்லது. மருத்துவ ஆலோசனைகள் அவசியம். முருகப்பெருமானை செவ்வாய்கிழமை வணங்கி கந்த சஷ்டி கவசம் படிப்பது நல்லது.

English summary

May Month Rasi palan 2023: May Matha Rasi palan Mesham and Rishabam From 1st May 2023 to 31st May 2023. In May, Venus and Mars will travel together for a few months. Due to this, some zodiac sign will get Bhrigu Mangala Yoga. let's see what benefits Aries and Taurus natives will get.