தீபாவளி ராசி பலன்: திடீர் அதிர்ஷ்டம் தீபாவளி நாளில் மகாலட்சுமியின் அருள் பெறும் ராசிக்காரர்கள்

சென்னை: தீபாவளி திருநாளில் அன்னை மகாலட்சுமியின் அருள் வேண்டி லட்சுமி குபேர செய்வார்கள். மகாலட்சுமியின் அருள் நிறைந்த தீபாவளி திருநாளில் நவகிரகங்களின் சஞ்சாரத்தினால் துலாம், விருச்சிகம், தனுசு, மகரம், கும்பம், மீனம் ஆகிய ராசிகளில் பிறந்தவர்களில் யாருக்கு குபேர யோகம் தேடி வரப்போகிறது என்று பார்க்கலாம்.

தீபாவளி: நவ கிரகங்களும் தீபாவளி திருநாளில் சூரியன், செவ்வாய், சந்திரன் துலாம் ராசியில் பயணம் செய்ய புதன் விருச்சிகத்தில் சஞ்சரிக்கிறார். மேஷ ராசியில் குரு, கும்பம் ராசியில் சனி, மீன ராசியில் ராகு, கன்னி ராசியில் கேது, சுக்கிரன் என கிரகங்கள் பயணம் செய்கின்றன. இந்த கிரகங்களின் பயணமும் பார்வையும் சில ராசிக்காரர்களுக்கு மகாலட்சுமியின் அருளை வாரி வழங்கப்போகிறது.

துலாம்: காதல் நாயகன் சுக்கிரனை ராசிநாதனாகக் கொண்ட துலாம் ராசிக்காரர்களே இந்த புத்தாண்டில் குருபகவான் உங்களுடைய ராசிக்கு ஏழாம் வீட்டில் அமர்ந்து உங்களுக்கு நல்ல சுபபலன்களை வாரி வழங்கிக் கொண்டிருக்கிறார். குரு பகவான் பார்வையால் லட்சுமி கடாட்சம் உண்டாகும்... லட்சுமி கடாட்சத்தால் பணம் நிறைய தேடி வரும். குரு அருளோடு குபேரன் அருளும் உங்களுக்குக் கிடைக்கப்போகிறது. பதவி உயர்வு தேடி வரப்போகிறது. குடும்பத்தோடு குபேரன் அருளை பெறப்போகின்றனர்.

விருச்சிகம்: குரு உங்கள் ராசிக்கு 6ஆம் இடத்தில் அமர்ந்து அங்கிருந்து 2,10,12 ம் இடங்களை பார்த்து இந்த இடங்களுக்கு நன்மை செய்கிறார். ராகு 5ஆம் வீடான பூர்வ புண்ணிய ஸ்தானத்திலும் கேது லாப ஸ்தானத்திலும் பயணம் செய்வதால் செய்யும் தொழில் சிறக்கும். தொழிலில் ராகுவால் லாபங்கள் ஏற்படும். பணவரவு அதிகரிக்கும். சொந்த பந்தங்களுடன் பண்டிகையை மகிழ்ச்சியுடன் கொண்டாடுவீர்கள். மகாலட்சுமியின் அருள் பரிபூரணமாக கிடைக்கப்போகிறது.

தனுசு: குரு பகவான் உங்கள் ராசிக்கு 5ஆம் வீட்டில் பூர்வ புண்ணிய ஸ்தானத்தில் பயணம் செய்கிறார். குரு பகவானின் பார்வையால் உங்களுக்கு திடீர் அதிர்ஷ்டமும் பொருளாதார நிலையும் தேடி வரப்போகிறது. எதையும் எளிதில் ஜெயிப்பீர்கள். தீபாவளி திருநாளில் மகாலட்சுமி மந்திரத்தை சொல்லி மனதார வணங்குங்கள் செல்வ வளம் தேடி வரும். நெய்தீபம் எற்றி வணங்குங்கள்.

மகரம்: குருபகவான் சுக ஸ்தானத்தில் அமர்ந்து உங்களுக்கு சுகத்தை தரப்போகிறார். ராகுவின் அருளால் உங்களுக்கு திடீர் அதிர்ஷ்டமும் லட்சுமி கடாட்சத்தால் பொன், பொருள் சேர்க்கையும் உண்டாகும். தொழில் இடமாற்றம் ஏற்படும். உயர் பதவியும்,சம்பளமும் கிடைக்கும். உயர் அதிகாரிகளின் ஆதரவு கிடைக்கும். வியாபாரத்தில் எதிர்பாராத லாபம் கிடைக்கும். வரப்போகும் வருமானத்தை தக்க வைத்துக்கொள்வது நல்லது.

கும்பம்: ஜென்ம சனியாக இருந்தாலும் உங்களுக்கு ராகுவின் பயணத்தால் பண வருமானம் அதிகரிக்கும், குரு பகவான் தைரியத்தையும் வெற்றிகளையும் தரப்போகிறார். நினைத்த காரியம் நிறைவேறும். கிடைக்கப்போகும் பணத்தை பத்திரமாக பாதுகாத்து வைத்துக்கொள்ளுங்கள்.

மீனம்: குருபகவான் உங்கள் ராசிக்கு இரண்டாம் வீட்டில் தன ஸ்தானத்தில் அமர்ந்து பயணம் செய்வது சிறப்பு. குடும்பத்தில் நிம்மதியும் சந்தோஷமும் உண்டாகும். வேலை செய்யும் இடத்தில் நல்ல பெயரையும், செய்யும் தொழிலில் லாபங்களையும் அள்ளித்தரப்போகிறார். ராகு ராசியில் அமர்ந்து உங்களுக்கு அதிர்ஷ்டத்தை தரப்போகிறார். தீபாவளி திருநாளில் வெளிநாட்டு வருமானம் வீடு தேடி வரும்.

English summary

Deepavali Rasi Palan 2023: Diwali Rasi Palan Tamil: A festival is a celebration. Diwali festival is a must in everyone's home with Puthadai, Firecrackers, Balakaram and delicious food. On the auspicious Diwali day of Mahalakshmi, due to the transit of the Navagrahas, we can see who among those born under the signs of Thulam, Viruchigam, Dhanusu, Makaram, Kumbam and Meenam find Kubera Yoga.