ஜனவரியில் முக்கிய விஷேச, விரத தினங்கள்: ஆஞ்சநேயர் ஜெயந்தி, தை பொங்கல், தை பூசம்

2019ஆம் ஆண்டு ஜனவரி மாதம் தைபொங்கல், மாட்டுபொங்கல், தைப்பூசம் உள்ளிட்ட பல முக்கிய விஷேச தினங்கள் உள்ளன.

சென்னை: ஜனவரி மாதம் பல முக்கிய விஷேச விரத தினங்கள் இருக்கின்றன. ஆஞ்சநேயர் அவதரித்தது மார்கழி மாதம் அமாவாசை மூலம் நட்சத்திரம், இது ஜனவரியில் வருகிறது. சூரியனுக்கு உகந்த தை பொங்கல், மகர சங்கராந்தி, முருகனுக்கு உகந்த தைப்பூசம் என பல முக்கிய தினங்கள் இருக்கின்றன.

மார்கழி, தை மாதம் இணைந்து ஜனவரி மாதம் உள்ளதால் முக்கிய முகூர்த்த நாட்களும் உள்ளன. கடன் தீர்க்க, காது குத்த, திருமணம் செய்ய, வண்டி, வாகனம் வாங்க முக்கிய நாட்களும் உள்ளன.

நல்ல காரியம் செய்ய, வீடு கிரகப்பிரவேசம் செய்ய ஜனவரி மாதம் நல்ல நாட்களை பார்க்கலாம்.

ஜனவரியில் முக்கிய விரத நாட்கள்:

ஜனவரி 5, 2019 மார்கழி 21, சனிக்கிழமை ஸ்ரீ ஆஞ்சநேயர் ஜெயந்தி ஆஞ்சநேயரை வழிபட குறைகள் தீரும் நன்மைகள் நடைபெறும்.

ஜனவரி 11, மார்கழி 27, வெள்ளிக்கிழமை கூடாரவல்லி. அதிகாலை பெருமாள் கோவிலுக்குச் சென்று ஆண்டாளை வணங்க திருமண பாக்கியம் கிடைக்கும்.

ஜனவரி 14, மார்கழி 30 போகிப்பண்டிகை வீடுகளை சுத்தம் செய்து முன்னோர்களை வழிபட ஏற்ற நாள்.

ஜனவரி 15 தை 1, செவ்வாய் கிழமை பொங்கல் பண்டிகை, சூரியபகவானுக்கு பொங்கல் வைத்து வணங்க நன்மைகள் நடைபெறும்.

ஜனவரி 16, தை 2 மாட்டுப்பொங்கல், கால்நடைகளுக்கு பொங்கல் வைத்து நன்றி செலுத்தும் நாள்

ஜனவரி 21, தை 7 தைப்பூசம் முருகனை வழிபடலாம்

திருமணம், முகூர்த்த நாட்கள்:

ஜனவரி 23, 27,30 திருமணம், சீமந்தம், உபநயனம், வாசல்கால் வைக்க புது வண்டி வாங்க, கிரகப்பிரவேசம், காது குத்த நல்ல நாட்கள்

கடன் தீர்க்க: ஜனவரி 2,5,8,1215,19,22,24,30 ஆகிய நாட்களில் கடன்களை செட்டில் செய்ய கடன் பிரச்சினை தீரும்.

ஆபரேசன் செய்து குழந்தை பெற்றுக்கொள்ள: ஜனவரி 2,3,8,11,12,13 16,19,20,21,23,24,25,27,30 நல்ல நாட்கள்

ஆள் செய்யாததை நாள் செய்யும் என்பார்கள். நல்ல நாள் நேரம் பார்த்து செய்ய செய்யும் காரியங்களில் வெற்றி கிடைக்கும். ஜென்ம நட்சத்திரம், உகந்த திதி பார்த்து செய்யலாம்.

English summary

Here's a list of all the important days in January 2019