மார்ச் மாத ராசிபலன் 2023: ராஜ யோக காலம்..பண மழை..2 ராசிக்காரர்களுக்கு கை கொடுக்கும் கிரகங்கள்
மார்ச் மாதம் நவகிரகங்களின் சஞ்சாரம் கூட்டணியால் ரிஷபம், மிதுனம் ராசிக்காரர்களுக்கு என்ன பலன் கிடைக்கும், அதிர்ஷ்டம் எப்படி இருக்கும் என்று பார்க்கலாம்.
சென்னை: மார்ச் மாதத்தில் சூரிய பகவான் கும்பம், மீன ராசியில் பயணம் செய்வார். குரு பகவான் மீன ராசியிலும் சனி பகவான் கும்ப ராசியிலும் பயணம் செய்ய, ராகு மேஷத்திலும் கேது துலாம் ராசியிலும் பயணம் செய்வார்கள். செவ்வாய், சுக்கிரன்,புதன் ஆகிய கிரகங்களும் வரிசையாக இடப்பெயர்ச்சியாகி கிரகங்களுடன் கூட்டணி சேருகின்றன. நவ கிரகங்களின் பயணம் பார்வை ஆகியவைகளைப் பொறுத்து ரிஷபம், மிதுனம் ராசிகளில் பிறந்தவர்களுக்கு என்ன மாதிரியான பலன்கள் கிடைக்கப்போகிறது என்று பார்க்கலாம்.
ரிஷப ராசிக்காரர்களே.. உங்கள் ராசிக்கு சூரியன் 10,11ஆம் வீட்டில் பயணம் செய்வார். ராகு விரைய ஸ்தானத்திலும் கேது ஆறாம் வீட்டிலும் பயணிக்கின்றனர். குரு லாப வீட்டிலும் சனி தொழில் ஸ்தானத்திலும் பயணம் செய்கிறார். உங்கள் தசாபுத்தி நன்றாக இருந்தால் நல்ல பலன்கள் கிடைக்கும். சுக்கிரன் லாப ஸ்தானத்தில் இருந்து விரைய ஸ்தானத்திற்கு வருவதால் புதிய முக்கிய முடிவுகளை எடுக்காதீர்கள். திருமணம் சுப காரியம் தொடர்பாக முடிவு எடுப்பதற்கு இது ஏற்ற நேரமல்ல பொறுமையை கடைபிடிக்கவும். செவ்வாய் பகவான் மாத பிற்பகுதியில் ராசியில் இருந்து இரண்டாம் வீட்டிற்கு செல்லப்போகிறார். பேசும் வார்த்தைகளில் கவனமும் நிதானமும் தேவைப்படும். வேலையில் புதிய மாற்றங்கள் கிடைக்கும். நல்ல முன்னேற்றங்கள் உண்டாகும். தொழில் ஸ்தானத்தில் புதன், சனி கூட்டணியால் பண வரவு அதிகரிக்கும். புதிய நல்ல வாய்ப்புகள் தேடி வரும் பயன்படுத்திக்கொள்ளுங்கள். திருமணம் சுப காரியம் உற்சாகத்தை தரும். மார்ச் 13ஆம் தேதி முதல் திருமணம் சுப காரியம் தொடர்பாக பேசலாம். பெண்களுக்கு உற்சாகமான மாதம் என்றாலும் சுக்கிரன் ராகு உடன் இணைவதால் உடல் ஆரோக்கியத்தில் அக்கறை காட்டவும். கண்களில் கவனம் தேவை. மாணவர்கள் படிப்பில் அக்கறை காட்டுங்கள். நல்ல மதிப்பெண்களுடன் வெற்றி பெறுவீர்கள். சத்தான உணவுகளை சாப்பிடுங்கள்.
மிதுன ராசிக்காரர்களே உங்களுக்கு மார்ச் மாதத்தில் நிறைய நன்மைகள் நடைபெறும். அஷ்டமத்து சனி பிரச்சினை முடிவுக்கு வந்து விட்டது. ஹம்ச யோகமும், மாளவியா யோகம் தேடி வந்துள்ளது. ராஜயோகம் கை கூடி வரப்போகிறது. எதிர்பார்க்காத திடீர் அதிர்ஷ்டங்கள் தேடி வரும். சுக்கிரன் லாப ஸ்தானத்திற்கு வரப்போவதால் செய்யும் தொழிலில் லாபம் கிடைக்கும். நல்ல வேலை கிடைக்கும். தொழிலில் வருமானம் அதிகரிக்கும். குடும்பத்தில் ஏற்பட்ட குழப்பங்கள் முடிவுக்கு வரும். திருமணம் தொடர்பாக பேசி முடிக்கலாம். பெண்களுக்கு நேர்மறை எண்ணங்கள் அதிகரிக்கும். வெளிநாடு செல்வதற்கான யோகம் வந்து விட்டது. நல்ல நேரம் கைகூடி வந்து விட்டது. எதிர்காலத்திற்காக மாணவர்கள் திட்டமிடுவீர்கள். நோய்கள் நீங்கி ஆரோக்கியம் அதிகரிக்கும். மன நிம்மதி அதிகரிக்கும். மார்ச் மாதத்தில் செய்யும் முயற்சிகளுக்கு வெற்றிகள் தேடி வரும்.
Click it and Unblock the Notifications
Sign in with Google