ராகு கேது பெயர்ச்சி பலன்: 2024ல் பிசினஸ் ஆரம்பிக்கப்போறீங்களா?.. உங்க நேரம் எப்படி இருக்கு?

சென்னை: சர்ப்ப கிரகங்களான ராகு கேது மனிதர்களின் வாழ்க்கையில் மிகப்பெரிய மாற்றத்தை ஏற்படுத்துகின்றனர். கேது பகவான் கன்னி ராசியில் பயணம் செய்கிறார். கேது பகவான் ஞான காரகன். 2024ஆம் ஆண்டு முழுவதும் கன்னி ராசியில் பயணம் செய்யும் கேது சில ராசிக்காரர்களுக்கு படிப்பினைகளை தருவார். யாரெல்லாம் தொழில் வியாபாரம் ஆரம்பிக்க நினைக்கிறீர்களோ அவர்கள் சுய ஜாதகத்தை செக் செய்து கொள்வது நல்லது.

ராகு கேது: ராகு ஆசைக்கு காரகர், கேது மோட்சத்திற்கு காரகர் இவர்களுக்கு ராசி மண்டலத்தில் சொந்த ஆட்சி வீடு கிடையாது இவர்கள் யாருடைய வீட்டில் இருக்கின்றனரோ யாருடைய சாரத்தில் இருக்கிறார்களோ அந்த கிரகங்களின் பலனை செய்வார்கள். கன்னி ராசியில் தங்கியிருக்கும் ராகு புதன் போல செயல்படுவார்.

மேஷம்: மேஷம் ராசிக்கு ஆறாம் இடத்தில் பயணம் செய்யும் கேதுவினால் நன்மைகள் அதிகம் நடைபெறும். நோய்கள் நீங்கி உடல் ஆரோக்கியம் அதிகரிக்கும். கேது பகவான் எதிரிகளை துவம்சம் செய்து விடுவார். கடன் பிரச்னைகள் குறையும். பணத்தை யோசித்து முதலீடு செய்யுங்கள். பத்திரமான இடத்தில் பணத்தை சேமிப்பது நன்மை தரும். பொறுமையுடன் இருந்தால் நன்மைகள் அதிகம் நடைபெறும். செவ்வாய்கிழமைகளில் விநாயகரை வெற்றிலை மாலை சாற்றி வணங்குங்கள்.

ரிஷபம்: பூர்வ புண்ணிய ஸ்தானமான ஐந்தாம் வீட்டில் அமர்ந்துள்ள கேது பல நன்மைகளை செய்யப் போகிறார். கேதுவினால் எல்லா விஷயங்களிலும் சாதகமான பலன் கிடைக்கும். பிள்ளைகளின் நலனில் அக்கறைக் காட்டுங்கள். வயிறு பிரச்சினை வரலாம் நேரத்திற்கு சரியான உணவை சாப்பிடுங்கள். மனதில் நினைத்ததை செயல்படுத்துவதில் வேகம் காட்டுவீர்கள். மனதில் நற்சிந்தனைகளையும், நல்லெண்ணங்களையும் கேது அருள்வார். தொழில் தொடங்க நினைக்கும் முன் குல தெய்வ வழிபாடு அவசியம்.

மிதுனம்: நான்காம் வீடான சுக ஸ்தானத்தில் பயணம் செய்யும் கேது பகவானால் உங்களுடைய வாழ்க்கை தரம் உயர்வடையும். வேலையில் முன்னேற்றமும், ஊதிய உயர்வும் கிடைக்கும். நீங்கள் எடுக்க போகும் முயற்சிகள் அனைத்திலும் வெற்றி கிடைக்கும். சொத்து, சுகத்தை கொடுப்பார் கேது. லாப குருவினால் உங்களுக்கு தொழில் வியாபாரத்தில் பல மடங்கு பணம் வரும். ஆடம்பரமாக செலவு செய்யாதீர்கள். வெள்ளிக்கிழமைகளில் அம்மன் கோவிலில் விளக்கேற்றி வழிபடுங்கள்.

கடகம்: முயற்சி ஸ்தானமான மூன்றாம் வீட்டில் கேது பயணம் செய்கிறார். கடக ராசிக்காரர்களுக்கு குடும்பத்தில் சுப காரியங்களில் ஏற்பட்டிருந்த தடைகள் விலகும். மறைமுக எதிரிகள் தொல்லை தீரும். பூர்வீக சொத்துகளில் இருந்து வந்த பிரச்னைகள் விலகும். புதிய சொத்துக்கள் வாங்க முயற்சி செய்யலாம். அஷ்டமத்து சனி காலமாக இருப்பதால் தொழில் வியாபாரத்தில் அகலக்கால் வைக்க வேண்டாம். உடன்பிறந்தோருடன் சின்ன பிரச்சினைகள் வரும். விநாயகரை வணங்க நன்மைகள் அதிகம் நடைபெறும்.

சிம்மம்: சிம்ம ராசிக்கு கேது பகவான் தன வாக்கு குடும்ப ஸ்தானத்தில் பயணம் செய்வதால் பணம் விசயத்தில் வாக்கு கொடுத்து மாட்டிக்கொள்ளாதீர்கள். வெளியிடங்களிலும் வீட்டிலும் வீண் வாக்குவாதத்தைக் கண்டிப்பாகத் தவிர்க்க வேண்டும். எந்த ஒரு காரியத்தை செய்யும் முன்பும் முன்யோசனையுடன் செயல்படுவது நல்லது. உடல் ஆரோக்கியத்தில் அக்கறை செலுத்துங்கள். தேவையற்ற பிரச்சினைகளில் தலையிட வேண்டாம். 2024ஆம் ஆண்டில் கூட்டுத் தொழில் தொடங்க வேண்டாம். பண விசயத்தில் கூட்டாளிகளை நம்ப வேண்டாம்.

கன்னி: ஜென்ம ராசியில் பயணம் செய்கிறார் கேது பகவான். ஆரோக்கியத்தில் அக்கறை காட்டுங்கள். உடல் நிலை பாதிப்புகள் வந்து போகும். பண விசயத்தில் ஒருவித விரக்தியான மனநிலை ஏற்படும் என்றாலும் கவலைப்படாமல் செய்யும் வேலையில் கவனம் செலுத்துங்கள். மனதளவில் நீங்கள் தைரியத்தையும் தன்னம்பிக்கையையும் வளர்த்துக்கொள்ளுங்கள். மன குழப்பத்தை தவிர்க்க விநாயகரை வழிபடுங்கள்.

துலாம்: 2024ஆம் ஆண்டில் எதிர்பார்த்த வகையில் பணம் வரும். பூர்வீகச் சொத்துப் பிரச்சினையில் நல்ல தீர்வு கிடைக்கும். குழந்தை பாக்கியம் கிடைக்கும். நல்ல வேலையும் உத்யோகத்தில் சம்பளம், பதவி உயர்வும் கூடி வரும். விபரீத ராஜயோகம் தேடி வரும். தொழில், வியாபாரம் தொடங்க வேண்டும் என்ற உங்களின் நீண்ட நாள் ஆசைகள் நிறைவேறும்.

விருச்சிகம்: உங்களுடைய ராசிக்கு லாப ஸ்தானத்தில் கேது பகவான் பயணம் செய்வதால் பொருளாதார நிலை உயரும். பண வருமானம் அதிகரிக்கும். சிலருக்கு சம்பள உயர்வு கிடைக்கும். 2024ஆம் ஆண்டு புதிய தொழில் தொடங்கலாம் குரு பார்வையும் கிடைப்பதால் வியாபாரத்தில் நல்ல லாபம் கிடைக்கும். சிலருக்கு திடீர் யோகமும் அதிர்ஷ்டமும் வரும்.

தனுசு: உங்களுடைய ராசிக்கு பத்தாம் வீடான தொழில் ஸ்தானத்தில் கேது பகவான் சஞ்சரிப்பதால் வேலை தொழிலில் நல்ல மாற்றங்கள் ஏற்படும். சிலர் புதிய வீடு மாறுவீர்கள். உங்களின் பொருளாதார நிலை சீரடையும். சிலருக்கு புதிய வேலை வாய்ப்புகள் தேடி வரும். பொறுமையோடு இருந்தால் இழப்பை சரி செய்யலாம். வேலை செய்யும் இடத்தில் இழந்த செல்வாக்கை திரும்ப பெறுவீர்கள். தொழில் நஷ்டங்களை சரி கட்டும் வகையில் 2024ஆம் ஆண்டில் பண வருமானம் தேடி வரும்.

மகரம்: மகரம் ராசிக்கு ஒன்பதாம் இடமான பாக்கிய ஸ்தானத்தில் கேது பகவான் பயணம் செய்வதால் நீங்கள் நினைத்தது நிறைவேறும். உங்க வாழ்க்கையில் மன நிம்மதியையும் சந்தோஷத்தையும் கேது கொடுப்பார். நீண்ட நாட்கள் போக நினைத்த கோவிலுக்கு குடும்பத்துடன் பயணமாகச் செல்வீர்கள்.

கும்பம்: கேது பகவான் அஷ்டம ஸ்தானமான எட்டாம் வீட்டில் பயணம் செய்வதால். எதிர்பாராத திடீர் செலவுகள் உண்டாகும். தொழில் வியாபாரத்தில் கவனமாக இருக்க வேண்டும். பண விசயத்தில் ஜாமீன் கையெழுத்து போட்டு மாட்டிக்கொள்ளாதீர்கள். 2024ஆம் ஆண்டில் புதிய தொழில் தொடங்க வேண்டாம். வியாபாரம், தொழிலுக்காக யாருக்காவது பணத்தை கடனாக கொடுக்கும் முன் ஒருமுறைக்கு இருமுறை யோசித்துக்கொள்வது நல்லது. புதன்கிழமைகளில் கேதுவின் அதிபதி விநாயகரை வழிபடுவதன் மூலம் பாதிப்புகள் குறையும்.

மீனம்: உங்களுடைய ராசிக்கு ஏழாவது வீட்டில் பயணம் செய்யும் கேதுவினால் எதிரிகள் தொல்லை நீங்கும். புதிய நபர்களை நம்பி எந்த விஷயத்திலும் இறங்கக் வேண்டாம். பெண்கள் சம்பந்தப்பட்ட விவகாரங்களில் கூடுதல் எச்சரிக்கையுடன் இருப்பது நல்லது. வெளிநாடுகளில் வசிப்பவர்கள் 2024ஆம் ஆண்டில் தாய் நாடு திரும்பும் நேரம் கைகூடி வரப்போகிறது. விநாயகருக்கு அருகம்புல் மாலை சாற்றி வணங்குங்கள்.

English summary

Year Ender Astrology 2023: Ketu Peyarchi palan Planet Ketu travel in Kanni Rasi Who will get raja yogam get sudden luck. Good time to new business in 2024 according to Astro Check the prediction.