சனிப்பெயர்ச்சி 2020: கர்ம சனியால் தொழில், வியாபாரத்தில் யாருக்கெல்லாம் அதிர்ஷ்டம் அதிகரிக்கும்

சனிபெயர்ச்சி 2020 வாக்கியப்பஞ்சாங்கப்படி நிகழ உள்ளது. மகர ராசியில் சனி பகவான் கர்மசனியாக சஞ்சரிக்கிறார்.

Updated: Sunday, December 27, 2020, 1:54 [IST]

Subscribe to Oneindia Tamil

சென்னை: சனிபகவான் ஜீவனகாரகன், தொழில்காரகன். சனிபகவான் ஒருவருக்கு கொடுக்க வேண்டும் என்று நினைத்தால் அள்ளிக்கொடுப்பார். ஒருவர் நல்ல வேலையில் அமரவும், நன்றாக சம்பாதிக்கவும் நல்ல வேலையாட்கள் கிடைக்கவும் அவரோட அனுக்கிரகம் வேண்டும். மகரம் ராசியில் அமர்ந்திருக்கும் சனிபகவான் மீனம் ராசியையும், ஏழாம் பார்வையாக கடகம் ராசியையும், 10ஆம் பார்வையாக துலாம் ராசியையும் பார்வையிடுகிறார். இந்த சஞ்சாரம் பார்வையால் எந்த ராசிக்காரர்களுக்கு தொழில் வருமானம் எப்படியிருக்கும் என்று பார்க்கலாம்.

12 ராசிகளையும் கடக்க சனி பகவான் 30 ஆண்டுகாலம் எடுத்துக்கொள்வார். இதில் ஏழரை ஆண்டுகாலம் பிடித்து ஆட்டி வைப்பார். விரையசனி, ஜென்மசனி, பாதசனி என படிப்பினைகள் கொடுப்பார். அர்தாஷ்டம சனி, கண்டச்சனி, அஷ்டம சனி, என மொத்தம் 15 ஆண்டுகள் கஷ்டப்பட்டாலும் சனி பகவான் நல்லவர்களுக்கு சோதனைகளையும் படிப்பினைகளையும் கொடுத்து நிறைய அள்ளிக்கொடுப்பார்.

சனி பெயர்ச்சியால் ஏழரை சனியின் பிடியில் இருந்த விருச்சிக ராசிக்காரர்கள் விடுபடுகின்றனர். கும்ப ராசிக்காரர்களை விரைய சனியாக தொடப்போகிறார் சனிபகவான். ரிஷப ராசிக்கு அஷ்டம சனி விலகுகிறது. கன்னி ராசிக்கு அர்த்தாஷ்டம சனி விலகுகிறது. மிதுன ராசிக்கு கண்டச்சனி விலகி அஷ்டம சனி தொடங்குகிறது. அதே நேரம் கடக ராசிக்கு கண்டச்சனி தொடங்குகிறது. துலாம் ராசிக்கு அர்த்தாஷ்டம சனி ஆரம்பிக்கிறது.

தொழில் வியாபாரம் லாபம்

சனி பெயர்ச்சி பத்தாம் இடத்தில் கர்மசனியாக மேஷ ராசிக்காரர்களுக்கு உள்ளது. இந்த சனிப்பெயர்ச்சியால் மேஷ ராசிக்காரர்களுக்கு தொழில் ஸ்தானம் பலமடையும். தன யோகம் அதிகம் கிடைக்கும். தொழில் ஸ்தானத்தில் தொழில் ஸ்தான அதிபதி வருவது நன்மையான பலன்களைத் தரும்.

பாக்ய சனி

ரிஷபம் ராசிக்காரர்களுக்கு சனி எப்பவுமே தீமை செய்ய மாட்டார். உங்க ராசிக்கு ஒன்பதாம் வீட்டிற்கு மாறுவதால் நல்ல பலன்களே கிடைக்கும். புதிய தொடங்கும் முன் ஒருமுறைக்கு இருமுறை யோசித்து முடிவெடுங்கள். அதிக முதலீடுகள் தவிர்க்கவும் அதே நேரத்தில் குருவின் பார்வை உங்களுடைய ராசிக்கு கிடைப்பதால் நிறைய தன லாபம் கிடைக்கும்.

அஷ்டமத்து சனி

மிதுன ராசிக்காரர்களுக்கு அஷ்டமத்து சனி என்று பயப்பட வேண்டாம். பெரிய கெடுபலன்கள் வராது. பாக்யாதிபதியும் அவர்தான் என்பதால் ரொம்ப கெடுதல் செய்ய மாட்டார். செய்யும் தொழிலில் லாபம் வரும். குடும்ப ஸ்தானத்திற்கு குரு, சனி பார்வை கிடைப்பதால் எந்த ஒரு காரியம் செய்வதற்கு முன்பாகவும் குடும்பத்தில் உள்ளவர்களின் ஆலோசனை கேட்டு செய்யவும்.

கடன் பிரச்சினை நீங்கும்

கடகம் ராசிக்காரர்கள் ஏழாம் வீட்டிற்கு வரும் கண்டச்சனியால் பாதிப்பு பெரிதாக இருக்காது என்றாலும் தொழில் பார்ட்னர் குடும்ப பார்ட்னரிடம் விட்டுக்கொடுத்து போகவும் எடுத்தேன் கவிழ்த்தேன் என்று பேசினால் சண்டை வரும் அப்புறம் சங்கடம்தான்.
கூட்டுத் தொழில் முதலீடுகளில் கவனம் தேவை.

முதலீடுகளால் லாபம்

சிம்ம ராசிக்காரர்களுக்கு கடந்த காலங்களில் கடன்கள் அதிகம் ஏற்பட்டது. தடை தாமதங்கள் அதிகம் இருந்தது. இந்த சனிப்பெயர்ச்சியால் நல்ல பலன்கள் கிடைக்கும். புதிய தொடங்கும் நேரம் வந்து விட்டது. தொழில் வியாபாரத்தில் செய்யும் முதலீடுகளால் லாபம் கிடைக்கும்.

பூர்வ புண்ணிய சனி

கன்னி ராசிக்கு ஐந்தாவது வீட்டில் பஞ்சம ஸ்தானத்தில் சஞ்சரிக்கும் சனியால் நன்மைகளே நடைபெறும். பிள்ளைகளால் யோகங்கள் கிடைக்கும். பிள்ளைகள் தொடங்கும் தொழிலில் லாபம் கிடைக்கும். பூர்வீக தொழில்களை தொடர்பவர்களுக்கு லாபம் கிடைக்கும்.

தைரியம் கூடும்

துலாம் ராசிக்காரர்களுக்கு அர்த்தாஷ்டம சனி நல்ல பலன்களையே தருவார் வீடு நிலம் வாங்கலாம். தொழிலில் லாபம் கிடைக்கும். சனி உங்கள் ராசிக்குள் உச்சமடைபவர். சனியின் பார்வையும் உங்கள் ராசிக்கு கிடைக்கிறது. சனிபகவான் தரும் தன பலன்களை அனுபவிக்க தயாராகுங்கள்.

தைரிய சனி

விருச்சிக ராசிக்காரர்களுக்கு ஏழரை சனியின் தாக்கம் அதிகம் இருந்தது. இனி அந்த பிரச்சினை இருக்காது. உறவுகளில் சிக்கல் ஏற்பட்டு வந்தது இனி சிக்கல்கள் தீரும். காரணம் சனி மூன்றாம் வீட்டுக்கு மாறுவதால் தைரியம் கூடும். தொழிலில் லாபம் வரும் வீடு நிலம் வாங்கலாம்.

குடும்ப சனி

தனுசு ராசிக்காரர்களுக்கு ஜென்ம சனி முடிந்து இரண்டாம் வீட்டிற்கு செல்வதால் வியாபாரம், தொழிலில் இருப்பவர்கள் பேச்சில் கவனமாக இருக்க வேண்டும். காரணம் சனியின் தாக்கம் அந்த அளவிற்கு இருக்கும். எதையும் அவசரப்பட்டு பேசி தொழில் பார்ட்னர்களை பகைத்துக்கொள்ள வேண்டாம். கூட்டுத்தொழிலில் செய்யும் முதலீடுகளில் கவனம் தேவை.

ஜென்மசனி

மகரம் ராசிக்காரர்களுக்கு ஜென்ம சனி. சொந்த வீட்டிலேயே அமரும் சனி யோகத்தை கொடுப்பார். ராசி அதிபதி ராசியில் அமர்வதால் யோகத்தை கொடுப்பார் என்றாலும் தொழில் ரீதியான மாற்றங்கள் மெதுவாக அமையும்.
கூடவே குருவும் சில காலம் அமர்ந்து சஞ்சரிக்கும் காலத்தில் தொழில் வியாபாரத்தில் வருமானம் அதிகரிக்கும்.

விரைய சனி

கும்ப ராசிக்காரர்களுக்கு விரைய ஸ்தானத்தில் சனி அமர்கிறார். உடல் ஆரோக்கியம் அதிகரிக்கும். பொருளாதாரம் அபரிமிதமாக வந்தாலும் கூடவே செலவுகளும் அதிகரிக்கும். சிக்கனமாக இருந்தால் நன்றாக பணம் சேமிக்கலாம். வெளிநாட்டு வர்த்தகம் லாபத்தை தரும். புதிய முதலீடுகளில் லாபம் கிடைக்கும்.

லாப சனியால் தொழில் லாபம்

மீன ராசிக்கு லாப ஸ்தானதாதிபதி லாப ஸ்தானத்திலேயே வருவதால் நன்மைகள் அதிகம் நடைபெறும். தொழிலில் லாபம் கிடைப்பதோடு அதிகமாக சாதகமான சம்பவங்களை நடைபெறும். குருவும் லாபத்தில் இருக்கிறார். ராகு கேது சஞ்சாரமும் சாதகமாக இருப்பதால் பண வருமானமும் லாபமும் அபரிமிதமாக இருக்கும்.