வாஸ்து டிப்ஸ்.. புது கார் வாங்கப்போறீங்களா? மறந்தும் கூட கார் ஷெட் இந்த திசையில் கட்டாதீர்கள்

சென்னை: புது வீடு கட்டியிருப்பவர்கள் வாஸ்து சாஸ்திர விதிகளை எப்படி பின் பற்ற வேண்டுமோ அதே போல கார் ஷெட் அமைப்பதில் வாஸ்து சாஸ்திரப்படி சில விதிமுறைகளை பின்பற்ற வேண்டும். கார் ஷெட்டின் நுழைவுப் பகுதி வடக்கு அல்லது கிழக்கு நோக்கி இருக்க வேண்டுமாம். நேர்மறை எண்ணங்களை அதிகரிக்கும் வகையில் வெளிர் நிறங்களை கார் ஷெட்டிற்கு பூசுவது நல்லது.

சொந்த வீடு வைத்திருக்கும் பலரும் கார், மோட்டர் பைக் போன்ற வாகனங்களை வாங்குவார்கள். கார் நிறுத்துவதற்கு எந்த திசை சிறந்தது. கார் ஷெட் எந்த பகுதியில் வைக்கலாம் என்று வாஸ்து சாஸ்திரத்தில் சொல்லப்பட்டுள்ளது.

வடகிழக்கு மூலை எனப்படும் ஈசான்யம் பகுதியில் எந்த ஒரு கனமான பொருளையும் வைக்கக்கூடாது. மறந்தும் கூட கார் பார்க்கிங்கை ஈசான்யம் பகுதியில் அமைக்க வேண்டாம் என்று பொதுவான வாஸ்து விதியாக சொல்லப்படுகிறது.

ஒரு சிலர் தங்களின் தலைவாசலை ஈசன்யம் பகுதியில் அமைத்திருப்பார்கள். அந்த பகுதியிலேயே போர்டிகோ அமைத்து கார் பார்க்கிங் வைத்திருப்பார்கள். அது தவறான செயல் ஈசான்யம் பகுதியில் கார் பார்க்கிங் அமைப்பதை தவிர்ப்பது நல்லது என்று வாஸ்து சாஸ்திர படியும் ஆன்மீக ரீதியாகவும் சொல்லப்பட்டுள்ளது.

போர்ட்டிகோ அமைக்கும்போது வடக்கு, கிழக்கு திசையில் கார் நிறுத்துமாறு அமைப்பது சிறந்தது. தொழிலதிபர்கள் வடக்கு திசை நோக்கியும், அரசு அதிகாரிகள் அரசியல்வாதிகள் கிழக்கு திசை நோக்கியும் காரை நிறுத்துவது நல்லது என்று சொல்லப்பட்டுள்ளது. வீட்டின் நுழைவாயிலை பொறுத்து தென்கிழக்கு அல்லது வடமேற்கு பகுதியில் கார் பார்க்கிங் அமைக்கப்படுவது நல்லதாம். மேலும், வடமேற்கு திசையில் காரை நிறுத்துவது விசேஷமாக சொல்லப்படுகிறது.

தாய் சுவரையும், மதில் சுவரையும் தொடாமல் தனியாக கார் ஷெட் அமைக்க வேண்டும். தனியாக கார் ஷெட் அமைக்க இடவசதி இல்லாதவர்கள், போர்ட்டிகோவிலேயே காரை நிறுத்தினாலும், தனியாக பில்லர் போட்டு தனிக்கூரையுடன் அமைப்பது அவசியம் என்று வாஸ்து முறையில் சொல்லப்படுகிறது. வீட்டுடன் ஒட்டியிருக்காத வகையில் கார் ஷெட் அமைப்பதே நல்லது என்று வாஸ்து சாஸ்திர கூறப்பட்டுள்ளது. வீட்டின் காம்பவுண்ட் சுவரில் இருக்கும் கேட்டுகளை விட கார் ஷெட்டின் கேட்டுகள் உயரம் குறைவாக அமைக்க வேண்டுமாம். அதேபோன்று, முழுமையாக திறந்து மூடும் வகையில் அமைக்கப்படுவதும் அவசியம்.

கார் ஷெட்டிற்கு வெள்ளை, மஞ்சள் உள்ளிட்ட வெளிர் வண்ணங்களை கார் ஷெட்டில் பூசுவதும் நல்லது அது நேர்மறை எண்ணங்களை அதிகரிக்குமாம். கருப்பு, சிவப்பு, சாம்பல் நிறம், அடர் நீலம் போன்ற நிறங்களை தவிர்த்து விட வேண்டும். கார் ஷெட்டில் தேவையற்ற பொருட்களையும், தீப்பற்றும் பொருட்களையும் வைக்க வேண்டாம். பெரிய கார் வைத்திருப்பவர்கள் தென்மேற்கு எனப்படும் கன்னி மூலை பகுதியில் கார்களை நிறுத்த ஷெட் அமைக்கலாம். தென்கிழக்கு பகுதியில் கார் ஷெட் அமைப்பதன் மூலம் சொத்து சேர்க்கை அதிகரிக்கும். பண வருமானமும் அதிகரிக்கும்.

English summary

Vastu tips Car shed: Just as people who have built a new house should follow the rules of Vastu Shastra, they have to follow certain rules according to Vastu Shastra in constructing a car shed. The entrance area of the car shed should be towards north or east. It is good to paint the car shed in light colors to increase positive thoughts.