ரிஷப ராசியினரே கடன் விஷயத்தில் ரொம்ப கவனம்.. ஆனா அதிர்ஷ்டமும் காத்திருக்கு

அக்டோபர் மாத பலன்: அக்டோபர் மாதத்தில் பல்வேறு கிரக மாற்றங்கள் ஏற்படுகின்றன. இந்த கிரக மாற்றங்கள் 12 ராசிகளிலும் அதன் தாக்கத்தை ஏற்படுத்தும். அந்த வகையில், ரிஷப ராசிக்காரர்களுக்கு அக்டோபர் மாதத்தில் ஏற்படும் நன்மைகள், வழிபட வேண்டிய தெய்வம், பரிகாரம் குறித்து இந்த ஜோதிட கட்டுரையில் தெரிந்து கொள்ளலாம்.

ஒவ்வொரு கிரகங்களும் குறிப்பிட்ட கால இடைவெளியில் ஒரு ராசியில் இருந்து மற்றொரு ராசிக்குப் பெயர்ச்சியாக வழக்கம். இந்த கிரகங்களின் நிலை மாற்றம் மற்றும் இடப்பெயர்ச்சியானது 12 ராசிகளிலும் தாக்கத்தை ஏற்படுத்தும். சில ராசிக்காரர்களுக்கு சுப பலன்களையும், சில ராசிக்காரர்களுக்கு அசுப பலன்களையும் உண்டாக்கும். அந்த வகையில், அக்டோபர் மாதத்திலும் முக்கியமான கிரகங்களின் மாற்றங்கள் நடைபெறுகின்றன. ரிஷப ராசிக்காரர்களுக்கு கிடைக்கும் பலன்கள், பரிகாரங்கள் குறித்து பார்க்கலாம்.

ரிஷபம்

ரிஷப ராசிக்காரர்களுக்கு கழிவுப் பாதையில் சிறிய பாதிப்புகள் ஏற்பட்டாலும் அலட்சியப்படுத்தாமல் இருப்பது நல்லது. சிறு பாதிப்புகளை அலட்சியப்படுத்துவதால் கூட பெரிய பிரச்சனைகள் ஏற்படுவதற்கான வாய்ப்புள்ளது. பழைய கடன்கள் விஷயத்தை முறையாக கவனிக்காமல் இருந்தால் தேவையில்லாத பதட்டங்களை ஏற்படுத்தும் அளவுக்கு சட்ட சிக்கல்கள் வருவதற்கான வாய்ப்புள்ளது.

கடன் பிரச்சனைகள்

கடன்கள் தொடர்பான ஏதாவது பிரச்சனை இருந்தால் நீங்களாக பேசி தீர்த்துக் கொள்வது நல்லது. எதிர்பார்த்த நல்ல விஷயங்கள் நடைபெறுவதற்கான சாத்தியக்கூறுகள் நிச்சயமாக ஏற்படக் கூடும். கண்டிப்பாக மனதில் இருந்த பாரங்கள் குறையும். விஷ்ணு வழிபாடு, விஷ்ணு சரஸ்ஹரநாமத்தை கேட்பது அனுகூலத்தை தரும்.

ஆதாயம், அனுகூலம்

வேற்று மொழி மனிதர்களால் அதிகம் ஆதாயம் பெறக்கூடிய அற்புதமான நேரம். தொலைதூரத்தில் இருந்து நல்ல செய்திகள் வந்து சேரும். அதன் மூலமாக நல்ல அனுகூலங்கள் காணப்படும். இழுபறியாக இருந்த பிரச்சனைகள் படிப்படியாகத் தீருவதை கண்கூடாகப் பார்க்கலாம். தொழில், உத்தியோகம், வியாபாரம் போன்ற அபிவிருத்தி ஏற்படும்.

மாற்றம், முன்னேற்றம்

தாய் வழி, தந்தை வழி உறவுகளிடம் மனம் விட்டுப் பேசுவது அனுகூலத்தையும், சந்தோஷத்தையும் ஏற்படுத்திக் கொடுக்கும். வாகனங்களில் வித்தைகள் காட்டாமல் இருப்பது நன்மை பயக்கும். இடமாற்றம், தொழில் மாற்றம், உத்தியோக மாற்றம், வியாபார மாற்றம் வந்தால் அதனை எடுத்துக் கொள்வது நல்லது.