ராகு கேது பெயர்ச்சி பலன் 2023: பாம்பு கிரகங்களால் யாருக்கு ஜாக்பாட்.. பணம் யாருக்கு விரைய செலவாகும்

மதுரை: ராகு கேது பெயர்ச்சி அக்டோபர் மாதம் நிகழ உள்ளது. இந்த கிரக இடப்பெயர்ச்சியால் மேஷம் முதல் மீனம் வரை 12 ராசிகளில் உள்ள அசுவினி முதல் ரேவதி வரையிலான 27 நட்சத்திரங்களில் பிறந்தவர்களுக்கு எப்படி இருக்கும். யாருக்கு ஜாக்பாட் அடிக்கும் யாரெல்லாம் கவனமாக இருக்க வேண்டும் என்று பார்க்கலாம்.

அரசியலில் ராகு கேது: ராகு கேது பெயர்ச்சி பொதுமக்களிடையே பெரும் எதிர்பார்ப்பை ஏற்படுத்தி உள்ளதைப் போல அரசியல் தலைவர்களும் ஆவலுடன் இந்த ராகு கேது பெயர்ச்சியை எதிர்பார்த்துக்கொண்டிருக்கின்றனர். காரணம் லோக்சபா தேர்தல் வர உள்ளது யாருடன் கூட்டணி வைக்கலாம் என்று ராகு கேது பெயர்ச்சிக்கு பிறகே சில அரசியல் கட்சி தலைவர்கள் முடிவு செய்வார்கள். காரணம் அரசியல் மாற்றத்திற்கு முக்கிய காரக கிரகங்கள் ராகு-கேதுவாகும். இரவோடு இரவாக ஒரு ஆண்டி திடீரென அரசனாவதற்கும் மாடு மேய்ப்பவன் மந்திரியாவதற்கும் குப்பையில் கிடப்பவன் குபேரனாவதற்கும் காரணம் சர்ப கிரகங்களே ஆகும். யானை மாலை போட்டு அரசனாக தேர்வு செய்வதற்கும் ஒரு அதிர்ஷ்டம் வேண்டும் என்பார்கள். இந்த ராகு கேது பெயர்ச்சி எந்தெந்த அரசியல் கட்சி தலைவர்களை அரியணையில் அமர வைக்கப் போகிறது என்று பார்க்கலாம்.

அசுவினி: மேஷம் ராசிக்கு 12 வீடான மீன ராசியில் ராகுவும் ஆறாம் வீடான கன்னி ராசியில் கேதுவும் அமரப்போகின்றனர். இந்த ராசியில் உள்ள அசுவினி நட்சத்திரத்தில் பிறந்த அரசியல் கட்சித்தலைவர்கள் தலைமையிடம் நல்ல பெயர் வாங்குவீர்கள். மூலதனத்திற்குத் தேவையான பணம் வந்து குவியும். எதிரிகள் பிரச்சினை முடிவுக்கு வரப்போகிறது. தலைமையுடன் நெருக்கம் அதிகரிக்கும் வரப்போகும் வாய்ப்பினை சரியாக பயன்படுத்திக் கொள்ளவும்.

பரணி: மேஷம் ராசியில் உள்ள பரணி நட்சத்திரத்தில் பிறந்த அரசியல் கட்சித்தலைவர்களுக்கு இந்த கிரகப்பெயர்ச்சியால் கொஞ்சம் அலைச்சல் இருக்கும். எதிரிகள் தொல்லை நீங்கும். எந்த பிரச்சினை என்றாலும் அடக்கி வாசிக்கவும். எதிர்பாராத இடத்தில் இருந்து பண வருமானம் வரும். ஜாக்பாட் வரப்போகிறது அனுபவியுங்கள்.

கார்த்திகை: அரசியல் கட்சித்தலைவர்களுக்கு சில பிரிவுகள் வரலாம், புதிய உறவுகள் தேடி வரலாம். உங்களின் பொருட்களை மிகவும் கவனமாக பார்த்துக் கொள்ளவும். வேலையில் கவனம் தேவை. கட்சித்தலைமைக்கு எதிராக செயல்படுவது ஆபத்தானது. அரசியல் சந்நியாசம் போக வேண்டி வந்து விடும்.

ரோகிணி: லாப ராகு அள்ளித்தரப்போகிறார். ரோகிணியில் பிறந்த அரசியல் கட்சி தலைவர்களுக்கு புதிய கூட்டணிகள் கை கொடுக்கும். புதிய முயற்சிகளை தயக்கமின்றிச் செய்யலாம். உங்களின் நட்பு வட்டம் பெருகும். எதிரிகள் பிரச்சினை நீங்கும். பணம் பல வழிகளில் இருந்தும் வரும்.

மிருகஷீரிடம்: மிருகஷீரிடம் அற்புதமான நட்சத்திரம். இந்த ராகு பெயர்ச்சியால் இந்த நட்சத்திரத்தில் பிறந்த அரசியல் கட்சியினர் எச்சரிக்கையாக இருக்க வேண்டும். கட்சித்தலைமையின் கோபத்திற்கு ஆளாகாமல் பார்த்துக்கொள்ளவேண்டும். தலைமையிடம் விசுவாசமாக நடந்து கொண்டால் நீண்ட நாட்களாக எதிர்பார்த்த பதவியும் பதவி உயர்வும் கிடைக்கும்.

திருவாதிரை: திருவாதிரை ராகுவின் நட்சத்திரம். இந்த நட்சத்திரத்தில் ராகு சஞ்சரித்த சமயத்தில்தான் இந்த நட்சத்திரத்தில் பிறந்த அரசியல் தலைவர்களுக்கு சில பாதிப்புகள் ஏற்பட்டது. இப்போது ராகு அஸ்வினியில் பயணம் செய்கிறார். அக்டோபரில் ராகு பெயர்ச்சியாவதால் அரசியல் கட்சியினர் சமூகத்தில் நல்ல மதிப்பும் மரியாதையும் பெறுவார்கள். மேலிடத்துடன் இருந்து வந்த கருத்து மோதல்கள் நீங்கும். திடீர் பணவரவும் லாபமும் கிடைக்கும்.

புனர்பூசம்: ராகு கேது பெயர்ச்சி புனர்பூசம் நட்சத்திரத்தில் பிறந்த அரசியல் கட்சித்தலைவர்களுக்கு சில நன்மைகளை தரப்போகிறது. கட்சியின் மேலிடத்தலைவர்களின் பார்வையால் புதிய பதவிகள் தேடி வரும். நீங்கள் எடுக்கும் முடிவுகளை ஒருமுறைக்கு இருமுறை யோசித்து முடிவு செய்யவும். வெளிநாட்டு ஒப்பந்தங்களைப் பெறுவார்கள். மக்கள் செல்வாக்கு கூடும்.

பூசம்: ராகு கேது பெயர்ச்சியால் பூசம் நட்சத்திரத்தில் பிறந்த அரசியல் கட்சித்தலைவர்களுக்கு இந்த ராகு கேது பெயர்ச்சியால் நினைத்த காரியம் வெற்றிகரமாக முடியும். மக்கள் மத்தியில் செல்வாக்கும் சொல்வாக்கும் அதிகரிக்கும். நட்பு வட்டாரம் விரிவரையும். கட்சி தலைமையிடம் மதிப்பு மரியாதை தேடி வரும்.

ஆயில்யம்: ராகு கேது பெயர்ச்சியால் ஆயில்யம் நட்சத்திரத்தில் பிறந்தவர்கள் சில சங்கடங்களையும் சந்திக்க வேண்டியிருக்கும். அரசியல் துறையினர் விடாப்பிடியாக செயல்பட்டு சில வேலைகளை முடிப்பீர்கள். கூட்டணி விவகாரங்களில் தலையிட வேண்டாம். யாருக்கும் சாட்சி கையெழுத்து போட வேண்டாம். மறைமுக எதிர்ப்புகள் வந்து நீங்கும்.

மகம்: மகம் ஜெகத்தை ஆளும் என்பார்கள். மகத்தில் பிறந்த அரசியல்வாதிகளுக்கு இந்த ராகு கேது பெயர்ச்சி பெயர், புகழ், கௌரவத்தை தேடி கொடுக்கும் என்றாலும் மக்களின் ஆதரவைப் பெற கடின முயற்சிகளை மேற்கொள்ள வேண்டியிருக்கும். சூழ்நிலைகள் உங்களுக்கு சாதகமாகவே மாறும். கட்சியிலும் மக்கள் மத்தியிலும் உங்கள் பேச்சிற்கு மதிப்பும் மரியாதையும் உயரும். அஷ்டமத்து ராகு என்பதால் பணம் விசயத்தில் கவனம் தேவை.

பூரம்: சிம்மம் ராசியில் உள்ள பூரம் நட்சத்திரத்தில் பிறந்த அரசியல் கட்சித்தலைவர்களுக்கு இது ஏற்றங்கள் நிறைந்த கால கட்டம்.
தங்கள் இருப்பை மேலிடத்தில் சொல்வதற்கு ஏற்ற காலகட்டம் இது. மக்கள் மத்தியில் புதிய உத்திகளைக் கையாண்டு அசத்துவீர்கள். முன்னேற்றம் கிடைக்கும். புதிய வாய்ப்புகள் வந்து சேரும். பதவிகளும், பட்டங்களும் தேடி வரும்.

உத்திரம்: சிம்மம் ராசியில் உத்திரம் நட்சத்திரத்தில் பிறந்த உங்களுக்கு கட்சியில் செல்வாக்கு அதிகரிக்கும். புகழும் செல்வாக்கும் கிடைக்கலையே என்ற மனக்கவலை ஏற்படும். உடல்சோர்வு உண்டாகும். மன தைரியம் கொண்ட நீங்கள் அரசியலில் ஜெயிக்க புதிய திட்டங்களைத் தீட்டுவீர்கள். புதிய வாய்ப்புகள் தேடி வரும்.

ஹஸ்தம்: கன்னி ராசியில் ஹஸ்தம் நட்சத்திரத்தில் பிறந்த அரசியல்வாதிகள் மனதிருப்தியுடன் காரியங்களைச் செய்து சாதகமான பலன்களைப் பெறுவீர்கள். கட்சி தலைமையை சந்திக்க வாய்ப்பு கிடைக்கும். சந்திக்க நேரிடலாம். இந்த சந்திப்பு மன மகிழ்ச்சியை உண்டாக்கும். செல்வாக்கும் சொல்வாக்கும் அதிகரிக்கும்.

சித்திரை: கன்னி ராசியில் சித்திரை நட்சத்திரத்தில் பிறந்த அரசியல்வாதிகள் அதிக கவனத்தோடும் எச்சரிக்கையோடும் செயல்பட வேண்டியிருக்கும். இதன் மூலமே பதவியும் பட்டங்களும் தேடி வரும். திடீர் உதவிகள் வாய்ப்புகள் வந்து சேரும். சிலருக்கு நெடுநாளைய ஆசைகள் நிறைவேறும். லட்சியங்கள் கைகூடும். பேச்சில் நிதானம் தேவைப்படும் காலகட்டமாகும். சேர்த்து வைத்த பணம் பத்திரம்.

சுவாதி: துலாம் ராசியில் உள்ள சுவாதி நட்சத்திரத்தில் பிறந்த அரசியல்வாதிகளுக்கு பொறுப்புகள் அதிகரிக்கும். உற்சாகமாக எதையும் கற்றுக்கொள்வதில் ஆர்வம் காட்டுவீர்கள். எதிரிகளின் தொல்லைகளை எகிறி அடிப்பீர்கள். எத்தகைய இடையூறுகளையும் உங்களுக்கு சாதகமாக பயன்படுத்தும் சாமர்த்தியசாலிகள் நீங்கள் என்பதால் எதற்கும் கவலைப்பட வேண்டாம்.

விசாகம்: துலாம் விருச்சிகம் ராசிகளில் உள்ள விசாகம் நட்சத்திரத்தில் பிறந்த அரசியல்வாதிகள் பேச்சிலும் செயலிலும் நிதானத்தை கடைபிடிப்பது நல்லது. பணவரவு திருப்தியை தரும். எதிர்பார்த்த தகவல்கள் வீடு தேடி வரும். உங்களின் அரசியல் வாழ்க்கையில் இந்த ராகு கேது பெயர்ச்சியின் மூலம் நல்ல திருப்பம் ஏற்படும். செல்வாக்கு அதிகரிப்பதால் கட்சி தலைமையின் கனிவான பார்வையால் நல்ல காரியங்கள் மளமளவென நடக்கும்.

அனுஷம்: விருச்சிகம் ராசியில் உள்ள அனுஷம் நட்சத்திரத்தில் பிறந்த அரசியல்வாதிகளுக்கு இந்த ராகு கேது பெயர்ச்சி சந்தோஷத்தை கொடுக்கும். இதுநாள் வரை கட்சி மேலிடத்தில் இருந்து வந்த கருத்து வேற்றுமை நீங்கும். தலைமையின் குட்புக்கில் இடம் பெறும் அளவிற்கு நல்ல காரியங்கள் நடைபெறும். எதிர்பாராத பதவிகள் தேடி வரும் பயன்படுத்திக்கொள்ளுங்கள்.

கேட்டை: விருச்சிகம் ராசியில் உள்ள கேட்டை நட்சத்திரத்தில் பிறந்த அரசியல்வாதிகளுக்கு நீங்கள் எதையும் அலசி ஆராய்ந்து முடிவு செய்யுங்கள். வேகமாக செயல்படுவதை விட விவேகமாக செயல்படுவது அவசியம். சில நேரங்களில் நினைத்தது நடக்காமல்
காரியத் தடைதாமதம் ஏற்படும். இழுபறியாகவும் இருக்கும். கட்சித்தலைமையின் கவனத்தை கவர உங்களின் செயல்பாடுகளை உற்சாகமாகவும் சுறுசுறுப்பாகவும் இருங்கள்.

மூலம்: தனுசு ராசியில் உள்ளது மூலம் நட்சத்திரம். கேதுவின் நட்சத்திரம். இந்த நட்சத்திரத்தில் பிறந்த அரசியல்வாதிகளுக்கு கொஞ்சம் நேரம் சரியில்லைதான். எச்சரிக்கையாக இருக்க வேண்டியது அவசியம். உங்களைப் பற்றி மேலிடத்தில் போட்டுக்கொடுக்க சிலர் தயாராக இருப்பார்கள். கட்சி தலைமையிடம் எதிர்பாராத மனவருத்தம் ஏற்பட்டு பின்னர் நீங்கும். பதவிகள் பற்றிய கவலை உண்டாகும். நிதானமாகச் செய்யும் செயல்கள் வெற்றியைத் தரும்.

பூராடம்: பூராடம் நட்சத்திரம் சுக்கிரன் நட்சத்திரம் இந்த நட்சத்திரத்தில் பிறந்த அரசியல்வாதிகள் கட்சி தலைமையை அனுசரித்து செல்வது நல்லது. இல்லாவிட்டால் எதிர்கட்சியின் ஆள் என்று முத்திரை குத்தி மூலையில் உட்கார வைத்து விடுவார்கள். வரும் தேர்தலில் சீட்டுக்காக நிறைய அலைய வேண்டியிருக்கும். சில நேரங்களில் கட்சியில் புதிய பொறுப்புகள் சிலருக்கு கிடைக்க வாய்ப்பு உள்ளது.

உத்திராடம்: சூரியனின் நட்சத்திரம் இந்த நட்சத்திரத்தில் பிறந்த அரசியல்வாதிகளுக்கு எதிர்பார்த்த உதவிகள் கிடைக்கும். கூடுதல் கவனத்துடன் செய்யும் காரியங்கள் சாதகமான பலன்களைத் தரும். கட்சியில் மற்றவர்களை அனுசரித்துச் செல்வது நல்லது. பணவரத்து அதிகரிக்கும்.
தேர்தல் நேரத்தில் உங்களுக்கு நேரம் ஒர்க்அவுட் ஆகும்.

திருவோணம்: சந்திரனின் நட்சத்திரமான திருவோணத்தில் பிறந்த அரசியல்வாதிகளுக்கு வீண் அலைச்சலும், மனச் சோர்வும் உண்டாகும். மேலிடத்தின் செயல்கள் உங்களுக்கு மன உளைச்சலை ஏற்படுத்தி நிம்மதியைப் பாதிப்பதாக இருக்கும். கட்சி தலைமையிடம் சிறு பிரச்சினைகள் உண்டாகும். ஆனாலும் தேர்தலில் போட்டியிட உங்களுக்கு சீட் கன்பார்ம் கவலைப்படாதீங்க. செலவுக்காக அதிக பணம் தேவைப்படும்.

அவிட்டம்: செவ்வாயின் நட்சத்திரம் அவிட்டம். இந்த நட்சத்திரத்தில் பிறந்த அரசியல்வாதிகளுக்கு ராகு கேது பெயர்ச்சி நிறைய மாற்றங்களை ஏற்படுத்தும். எதிலும் உடனடி முடிவு கிடைக்காமல் இழுபறியான நிலை ஏற்படும். எச்சரிக்கையாகவும் கவனமாகவும் பேசுவது நல்லது. உங்க பேச்சே உங்களுக்கு எதிராக திரும்ப வாய்ப்பு உள்ளது.

சதயம்: ராகுவின் நட்சத்திரமான சதயம் நட்சத்திரத்தில் பிறந்த அரசியல்வாதிகள் நிதானமாக ஒவ்வொரு அடியையும் எடுத்து வைப்பது நல்லது. இந்த ராகு கேது பெயர்ச்சி வீண் அலைச்சலை தரும் கட்சித் தலைமையிடம் நல்ல பேர் வாங்க கடினமாக உழைக்க வேண்டியிருக்கும். உங்க நேர்மை உங்களை பாதுகாக்கும்.

பூரட்டாதி: குருவின் நட்சத்திரமான பூராட்டாதியில் பிறந்த அரசியல்வாதிகளுக்கு சின்னச் சின்ன சிக்கல்கள் வந்தாலும் அதை சமாளிப்பீர்கள். இந்த ராகு கேது பெயர்ச்சிக்குப் பிறகு அவசரப்பட்டு எந்த முடிவும் எடுக்காதீங்க. ஆசைப்பட்டு எதிர்முகாமில் காலடி எடுத்து வைத்து விட்டு அப்புறம் அவஸ்தை படாதீங்க. எதையும் ஆக்கபூர்வமாக யோசித்து முடிவு பண்ணுங்க மனத் தெளிவு வரும்.

உத்திரட்டாதி: சனியின் நட்சத்திரம் உத்திரட்டாதி. இந்த நட்சத்திரத்தில் பிறந்த அரசியல்வாதிகளுக்கு சாமர்த்தியம் அதிகம். உங்களைப்பற்றி யார் என்ன சொன்னாலும் அதை எளிதில் சமாளிப்பீர்கள். அரசியல்வாதிகள் சாமர்த்தியமாக செயல்படவும். திறமையும் தன்னம்பிக்கையும் அதிகரிக்கும். சேர்த்து வைத்த பணம் முழுவதையும் செலவு செய்ய வேண்டியிருக்கும் வெற்றிக்காக அதிகமாக உழைக்க வேண்டியிருக்கும்.

ரேவதி: புதனின் நட்சத்திரம் ரேவதி புத்திசாலித்தனமும், நிதானமும் கொண்டவர்கள் இந்த நட்சத்திரத்தில் பிறந்த அரசியல்வாதிகள். அவசரப்பட்டு வாக்குறுதிகளை தவிர்த்து விடவும். தொண்டர்களின் ஆதரவும் சமூகத்தில் மதிப்பும் மரியாதையும் கிடைக்கும். கட்சித்தலைமையின் ஆதரவும் கிடைக்கும். ராகு கேது பெயர்ச்சிக்குப் பின்னர் ஆரோக்கியத்தில் கவனம் தேவை.

English summary

Rahu kethu peyarchi palan 2023 Tamil: This year October 30th 2023 month Rahu ketu transit, Rahu transit to Meenam Ketu transit to Kanni check out Mesham, Rishapam, Mithunam, Kadagam, Simmam, Kannai, Tulam, Viruchigam, Dhanusu, Makaram, Kumbam, Meenam 27 stars from Aswini to Revathi Rahu ketu peyarchi palangal.