ராகு கேது பெயர்ச்சி 2023: பாம்பு கிரகங்களின் அதிரடி ஆட்டம்..வேலையில் புரமோசன் யாருக்கு கிடைக்கும்?

சென்னை: நவ கிரகங்களில் நிழல் கிரகங்களான ராகு கேது மனிதர்கள் வாழ்க்கையில் மிகப்பெரிய மாற்றத்தை ஏற்படுத்துபவை. திருக்கணிதப்பஞ்சாங்கப்படி ஐப்பசி மாதம் 13ஆம் தேதி அக்டோபர் 30,2023 நாள் ராகு மீனம் ராசிக்கும், கேது கன்னி ராசிக்கும் இடப்பெயர்ச்சி அடைகின்றன. இந்த கிரகங்களின் இடப் பெயர்ச்சியால் சிலருக்கு அசுர வளர்ச்சியும் அற்புத யோகமும் அக்டோபர் மாதத்தில் சில ராசிக்காரர்களுக்கு கிடைக்கப்போகிறது. விருச்சிகம் ராசியில் பிறந்தவர்களுக்கு ராகு கேது பெயர்ச்சியால் என்னென்ன மாற்றங்கள் ஏற்படப்போகிறது என்று பார்க்கலாம்.

நவக்கிரகங்களில் புதனை விட செவ்வாயும், செவ்வாயை விட சனியும், சனியை விட குருவும், குருவை விட சுக்கிரனும், சுக்கிரனை விட சந்திரனும் சந்திரனை விட சூரியனும் சூரியனை விட ராகுவும் ராகுவை விட கேதுவும்,பலம் பெற்றவர்கள். ஜனன ஜாதகத்தில் ராகு கேது 3, 6, 11 ஆகிய இடங்களில் நல்ல பலனை தரக்கூடியவை. ராகு கேதுவுக்கு 3, 7, 11, பார்வைகள் விசேசமானது.

ராகுவைப் போல கொடுப்பாரும் இல்லை கேதுவைப் போல கெடுப்பாடும் இல்லை என்பார்கள். யோகாதிபதி ராகுவும், மோட்சகாரகன் கேதுவும் நிழல் கிரகங்கள். ராகுபகவான் அள்ளிக்கொடுப்பார். கேது பகவான் கெடுக்க நினைப்பவர்களை கெடுப்பார். ராகு ஆசைக்கு காரகர், கேது மோட்சத்திற்கு காரகர் இவர்களுக்கு ராசி மண்டலத்தில் சொந்த ஆட்சி வீடு கிடையாது இவர்கள் யாருடைய வீட்டில் இருக்கின்றனரோ யாருடைய சாரத்தில் இருக்கிறார்களோ அதனுடைய பலனை செய்வார்கள். 18 மாதங்கள் ராகுவும் கேதுவும் மீனம் மற்றும் கன்னி ராசிகளில் பயணம் செய்கின்றனர். அக்டோபர் மாதம் முதல் புதனை போல கேதுவும் குருவை போல ராகுவும் செயல்பட உள்ளதால் விருச்சிகம் ராசிக்காரர்களுக்கு என்ன பலன் கிடைக்கப்போகிறது என்று பார்க்கலாம்.

அர்த்தாஷ்டம சனி காலமாக இருந்தாலும் இந்த ராகு கேது பெயர்ச்சி பல அற்புத பலன்களைத் தரப்போகிறது. குடும்பத்தில் இருந்த பிரச்சினைகள் குழப்பங்கள் நீங்கி நிம்மதியும் சந்தோஷமும் அதிகரிக்கப்போகிறது. கணவன் மனைவி இடையேயான பிரச்சனைகள் நீங்கும். தடைபட்ட காரியங்கள் நீங்கி வெற்றி உண்டாகும். கர்ப்பிணிப் பெண்கள் கவனமாக இருக்க வேண்டிய காலம் நீண்ட கால பயணங்களைத் தவிர்க்கவும்.

ராகு பகவான் பூர்வ புண்ணிய ஸ்தானத்தில் பயணம் செய்வதால் எதிர்பாராத இடத்தில் இருந்து பண வருமானம் அதிகரிக்கும். சிறு உல்லாச பயணங்கள் அதிகரிக்கும். வேலை விசயமாக வெளியூர் செல்லும் பயணங்கள் அதிகரிக்கும். விஐபிக்கள் அறிமுகமாவார்கள். பொன் நகை சேர்க்கை அதிகரிக்கும். தொழில் வியாபாரத்தில் லாபம் அதிகரிக்கும் பூர்வீக சொத்து மூலம் லாபம் வரும். வேலையில் புரமோசனும் நீண்ட நாட்களாக வர வேண்டிய சம்பள உயர்வு வரும். வாழ்க்கைத்துணையின் உடல் ஆரோக்கியத்தில் அக்கறை காட்டவும்.

கேது பகவான் லாப ஸ்தானத்தில் பயணம் செய்யப்போவதால் திடீர் யோகம் தேடி வரும். பங்குச்சந்தை முதலீடுகளில் இருந்து லாபம் கிடைக்கும். இதன்மூலம் உங்களின் பணப்புழக்கம் அதிகரிக்கும். குடும்பத்தில் நிம்மதியும் சந்தோஷமும் அதிகரிக்கும். அக்டோபர் மாதத்திற்குப் பிறகு புகழின் உச்சத்தை அடையப்போகிறீர்கள். திருமண தடைகள் நீங்கும். சுபகாரியம் நடைபெறும். வீடு கட்டும் யோகம் கைகூடி வரப்போகிறது. பேச்சில் தெளிவு இருக்கும். சமூகத்தில் உங்களின் பேச்சிற்கு மதிப்பு மரியாதை அதிகரிக்கும்.

தடைபட்ட வேலைகள் தடைகள் நீங்கி மளமளவென நடைபெறும் என்றாலும் உடல் ஆரோக்கியத்தில் கவனமாக இருக்க வேண்டிய காலகட்டமாகும். வாழ்க்கைத்துணையின் உடல் ஆரோக்கியத்தில் கவனம் தேவை. அறுவை சிகிச்சை செய்ய வாய்ப்பு உள்ளது. படிப்படியாக நோய் பற்றி அச்சம் நீங்கும் ஆரோக்கியம் அதிகரிக்கும். உயர்கல்விக்காக சிலர் வெளிநாடு செல்ல வேண்டியிருக்கும்.

English summary

Rahu Ketu Peyarchi palan 2023: Viruchigam Rasi Rahu ketu peyarchi palan. Rahu Ketu will transit to Meenam and Kanni on October 30, 2023 on the 13th of the month of Aippasi. The transit of these planets will bring change and progress in the life of some zodiac sign people. Let's see what changes are going to happen due to the transit of Rahu Ketu to Viruchigam Rasi.