தமிழ் புத்தாண்டு பலன்: பெண்களுக்கு அடிக்கும் ஜாக்பாட்.. 4 ராசியினருக்கு கொட்டும் அதிர்ஷ்டம்

தமிழ் புத்தாண்டு ராசி பலன்: ஏப்ரல் 14 ஆம் தேதி தமிழ் புத்தாண்டு பிறக்கிறது. பராபவ ஆண்டு என்று அழைக்கப்படும் இந்த ஆண்டானது 60 ஆண்டுகளுக்கு ஒருமுறை வருவதாகும். இந்த காலகட்டத்தில், சனி குரு திரிகோணத்தில் இணைவது என்பது 32 ஆண்டுகளுக்கு ஒருமுறை மட்டுமே நிகழும். குருவுக்கு சக்தி கொடுப்பது போல சனி திரிகோணத்தில் அமர்ந்திருப்பதால் மிகப்பெரிய அதிர்ஷ்டங்கள் உண்டாகும். இந்த காலகட்டத்தில் 4 ராசி பெண்களுக்கு ஜாக்பாட் அடிக்கும் யோகம் உள்ளது. அவர்களுக்கு வரப்போகும் நன்மைகள், படிப்பு, தொழில் எப்படி இருக்கும் என்பது குறித்து இந்த ஜோதிட கட்டுரையில் விரிவாகப் பார்க்கலாம்.

மேஷம் ராசி பலன் (Mesham rasi palan)

மேஷ ராசியினருக்கு அதிர்ஷ்டங்கள் தேடி வரும் காலகட்டமாக இருக்கும். வீடு, நிலம், வாசல், சொத்துகள் தொடர்பான விஷயங்களில் அபரிமிதமான லாபம் உண்டாகும். 4 ஆம் இடத்தில் குரு வந்து அமர்ந்து, திரிகோணத்தில் சனி அமைவதால் மிகப்பெரிய யோகம் உண்டாகும். நிலம் வாங்கினால் இரட்டிப்பு லாபம் கிடைப்பது, வீடு கட்டுவதால் நிறைய சுப விஷயங்கள் நடப்பது போன்ற யோகம் நிறைந்த காலகட்டமாக இருக்கும். மாணவர்கள் நன்றாகப் படிக்கும் காலகட்டமாக இருக்கும். ஜூன் முதல் செப்டம்பர் மாதம் வரையிலான காலகட்டத்தில் நல்ல முன்னேற்றங்கள், அனுகூலம் ஏற்படும்.

புதிதாக வீடு கட்டிச் செல்பவர்களுக்கு அக்டோபர் மாதத்திற்குப் பிறகு திருமண யோகம் உண்டாகும். குழந்தைகளுக்கு அக்டோபர் முதல் ஜனவரி மாதம் வரை மொட்டை போடும் யோகம் உண்டாகும். நீர்நிலைகள் அருகே அமர்ந்திருக்கும் பகுதிகளில் இடங்கள் உங்களுக்கு அமையும். இடம், பொருள், வீடு, தோட்டம் வாங்கும் யோகம் உண்டு. நீர்நிறைந்த பகுதிகளில் தோட்டம் அமையும். வசதியான பகுதிகளில் வீடு கட்டும் யோகம் உண்டாகும். மேஷ ராசியில் பிறந்த மாணவர்கள் நீட் தேர்வில் தேர்ச்சி பெறும் யோகம் உண்டு.

வேலையில் நெருக்கடி, பாதிப்புகளைச் சந்தித்து வருபவர்களுக்கு இடமாற்றம் உண்டாகும், வேலை மாற்றம் உண்டாகும். தொழில் மாற்றம் ஏற்படும். ஊர் மாறும், நிலம் மாறும், வீடு மாறும் யோகம் உண்டாகும். வெளிநாட்டில் இருப்பவர்கள் இந்தியாவுக்கு வரும் யோகம் உண்டாகும். விரயத்தில் சனி வரும்போது மாத்திரை செலவுகள் அதிகமாக இருக்கும். விட்டமின் குறைபாடு, தோல் பிரச்சனை, பெரியவர்களுக்கு மார்பகம், நெஞ்சகம் சார்ந்த பகுதிகளில் கட்டிகள் வருவதற்கான வாய்ப்புள்ளதால் கவனம் தேவை.

மகரம் ராசி பலன் (Magaram Rasi Palan)

மகர ராசிக்கு குரு பார்வை முழுமையாக இருக்கிறது. மிகப்பெரிய அதிர்ஷ்டங்கள் ஏற்படும். மற்றவர்களால் நிறைய உதவிகள் உங்களுக்கு கிடைக்கும். அவர்களால் உங்களுக்கு அதிர்ஷ்டம் உண்டாகும். எதிர்பார்க்காத அத்தனை நல்ல விஷயங்களும் நடக்கும் காலகட்டம். திருமண வாய்ப்புகள் வந்து சேரும். உங்கள் கணவருக்கு கடல் கடந்த வாய்ப்புகள் வந்து சேரும். மனைவிக்கு பெரிய இடமாற்றம், ஆன்சைட் வாய்ப்புகள் கிடைக்கும்.

நியூசிலாந்து, சவுத் ஆப்பிரிக்கா, யுரோப்பியன் நேஷன் போன்ற இடங்களில் இடமாற்றவதற்கான வாய்ப்புள்ளது. வீட்டில் நிறைய சந்தோஷங்கள், அடுத்தடுத்து நன்மைகள் நடக்கக்கூடிய நல்ல காலகட்டமாக இருக்கும். இதுவரை இருந்து வந்த பாதிப்புகள், சங்கடங்கள் எல்லாம் தீரும். ஆரோக்கியத்தில் இருந்து வந்த பிரச்சனைகள் எல்லாம் பரிபூரணமாக நீங்கும். தெய்வ அனுக்கிரகம் உண்டாகும்.

குழந்தை பாக்கியம் உண்டாகும். பெண் குழந்தைகள் பிறக்கும் பாக்கியம் உண்டு. வீட்டில் நிறைய நல்ல காரியங்கள் நடக்கும். புது வசந்தம், புது வாழ்க்கை ஏற்படும். பிள்ளைகளுக்கு குழந்தை பாக்கியம் கிடைக்கும். விவாகரத்து ஆகியிருந்தால் அவை சரியாகும். அடிவயிறில் இருந்து வந்த பாதிப்புகள் நீங்கும். உங்களுக்கு நிறைய நல்ல விஷயங்கள் நடக்கும்.

திருமண யோகம், குழந்தை பாக்கியம், சுப காரியங்கள் உண்டாகும். வீட்டில் பெரியவர்களுக்கு திருமணம் செய்வது, பிள்ளைகள் வயதுக்கு வருவது, நிறைய பரிசுகள் கிடைப்பது, உங்களுக்காக நிறைய பேரும் உதவிகள் செய்யும் அமைப்பு உள்ளது. கணக்கு வழக்குகளில் மிகுந்த கவனமாக இருக்க வேண்டும். பார்ட்னருக்கும், உங்களுக்கு இருந்து வந்த தேவையில்லாத இடையூறுகள், பிரச்சனைகள் ஏற்படும்.

மிதுனம் ராசி பலன் (Mithunam Rasi Palan)

மிதுன ராசியினருக்கு இந்த தமிழ் புத்தாண்டு முதல் நீங்கள் சொன்னதெல்லாம் நடக்கும் காலகட்டம். இவ்வளவு நாள் அவமரியாதை சந்தித்து வந்திருப்பீர்கள். உங்களிடமிருந்து அட்வைஸ் வாங்கி மற்றவர்கள் நன்றாக இருந்திருப்பார்கள். கழுத்துப் பகுதியில் பிரச்சனைகள் வந்திருக்கும். எந்த விஷயத்தை பேச வேண்டுமோ அதைத் தவிர மற்ற விஷயங்களை எல்லாம் பேசி நேரத்தை வீணடித்திருப்பீர்கள்.

நம்பி நம்பி ஏமாந்து போயிருப்பீர்கள். நிறைய பாதிப்புகள், டென்ஷன் இருந்திருக்கும். அடிக்கடி காலில் அடிபடுவது என கடந்த ஆண்டு பல விஷயங்களில் பாதிப்புகளை சந்தித்திருப்பீர்கள் வீட்டில் நிறைய நல்ல விஷயங்கள் நடந்திருக்கும். குழந்தை பாக்கியம் கிடைத்திருக்கும். ஆனால், உங்களுக்காக எந்தவித நல்ல விஷயங்களும் நடந்திருக்காது.

குரு உச்ச ஸ்தானம் அடையும் போது புனர்பூசம், பூசம், ஆயில்ய நட்சத்திரத்தில் வெளியே போகும்போது 2027 மே மாதம் வரை பணம் கொட்டும். பணத்திற்குப் பஞ்சமே இருக்காது. எப்படி சேமிக்க வேண்டும் என்று நீங்கள் முடிவெடித்துக் கொள்வது நல்லது. நிறைய பேருக்கு பேங்கில் வேலை கிடைக்கும். டெல்லர், பினான்சியர், கேஸியர் ஆவதற்கான வாய்ப்புகள் உண்டு.

வீட்டில் நடக்கும் எந்த விஷயங்களையும் வெளியில் சொல்லாமல் இருப்பது நல்லது. ரகசியங்களைக் காப்பது நல்லது. எந்த விஷயங்களை செய்தாலும் யாரிடமும் சொல்லாமல் செய்து முடிப்பது நல்லது. தொழிலில் பெரிய மாற்றம், முன்னேற்றம் ஏற்படும். நீங்கள் சொல்லும் வார்த்தைக்கு பெரிய மதிப்பு, மரியாதை இருக்கும். பேச்சு வன்மை அதிகரிக்கும்.

ரிஷபம் ராசி பலன் (Rishabam Rasi Palan)

ரிஷபம் ராசியினருக்கு அற்புதமான பலன்கள் கிடைக்கும் காலகட்டம். 3 ஆம் இடத்தில் குரு அமர்ந்து உச்ச ஸ்தானம் பெறுவதால் பண வரவு நன்றாக இருக்கும். ஜூன் மாதம் வரை அற்புதமான பண வரவு இருக்கும். ஜூன் மாதத்திற்குப் பிறகு நிலத்தை விற்கும் யோகம் உண்டாகும். நிறைய பேருக்கு இடமாற்றங்கள் உண்டாகும். அக்கம்பக்கத்து வீட்டாருடன் இருக்கும் பிரச்சனைகள் தீரும்.

மனம் சார்ந்த பிரச்சனைகளில் இருந்து வெளியில் வருவீர்கள். ப்ரீ ஸ்கூல் ஆரம்பிக்கும் யோகம் உண்டு. குருவின் பார்வை பலம், ஸ்தான பலம் நன்றாக இருப்பதால் வீட்டில் இளைய சகோதரன், சகோதரிக்கு திருமணமாகும் யோகம் உண்டாகும். வெப்சைட் ஆரம்பிப்பது, ஆப் ஆரம்பிப்பது, ஆன்லைனில் உணவு டெலிவரி செய்வது, ஆன்லைனில் தொழில் செய்வது போன்ற யோகம் உண்டாகும்.

ராகு வலிமையாக இருப்பதால் வேலையில் உங்களை யாரும் பகைத்துக் கொள்ளக்கூடாத நிலைமை உண்டாகும். மீடியா, அலைந்து திரிந்து வேலை செய்பவர்களுக்கு கிஃப்ட், சலுகைகள் கிடைக்கும். மனதில் இருந்து வந்த சங்கடங்கள் எல்லாம் தீரும். இடம் விற்கும் யோகம் உண்டாகும். அப்பார்ட்மெண்ட் வாங்கும் அமைப்பு, யோகம் உள்ளது.

3 ஆம் இடத்தில் குரு அமர்வதால் மாடியில் வீடு கட்டும் யோகம் உண்டாகும். மன மகிழ்ச்சி ஏற்படும். குடும்பத்தில் உள்ளவர்களின் ஆரோக்கியத்தில் இருந்து வந்த பாதிப்பு சரியாகும். தோள்பட்டை, சைனஸ், மூச்சு சார்ந்த பிரச்சனை, கழுத்து தொடர்பான பிரச்சனைகளில் மிகுந்த கவனமாக இருக்க வேண்டும். உங்களுடைய நன்மதிப்பு, மரியாதை, புகழ் உண்டாகும். கெட்ட பெயர் நீங்கும்.

English summary

Tamil puthandu palan: Let's see which four zodiac signs get good fortunes and jackpot during this tamil puthandu period.