தமிழ் புத்தாண்டு பலன்: கடக ராசிக்கு கால் வைக்கும் இடமெல்லாம் கண்ணி வெடி..எந்த விஷயங்களில் கவனம் தேவை

Updated: Friday, April 10, 2026, 16:27 [IST]

Subscribe to Oneindia Tamil

தமிழ் புத்தாண்டு ராசி பலன் 2026: 2026 தமிழ் புத்தாண்டு, பராபவ வருடம் கடக ராசியினருக்கு எப்படி இருக்கும், எந்த விஷயங்களில் கவனமாக இருக்க வேண்டும், வழிபட வேண்டிய தெய்வம், தொழில் வளர்ச்சி, வேலை, திருமணம் எப்படி இருக்கும் என்பது குறித்து இந்த ஜோதிட கட்டுரையில் விரிவாகப் பார்க்கலாம்.

கடகம் (Kadagam)

கடக ராசியினருக்கு கடினமானா காலகட்டமாகத்தான் இருக்கும். அலைச்சல்கள் அதிகமாக இருக்கும். அஷ்டமத்தில் ராகு, ஜென்மத்தில் குரு, 2 ஆம் இடத்தில் கேது இருப்பதால் எல்லா விஷயங்களிலும் ஒருவிதமான கஷ்டங்கள் இருக்கும். முடிந்தளவுக்கு கடவுள் வழிபாட்டை அதிகப்படுத்திக் கொள்வது நல்லது. உங்கள் வேலை உண்டு, நீங்கள் உண்டு என்றிருப்பது நல்லது. குடும்ப விஷயத்தில் பிரச்சனைகள் வருவதற்கான வாய்ப்புள்ளது.

பேச்சில் கவனம்

முகம் சார்ந்த பிரச்சனைகள் வரும் காலகட்டம். 8 இல் இருக்கும் ராகு ஒரு சில கெட்ட பெயர், அவமானத்தை தரக்கூடிய வாய்ப்புள்ளது. எந்தவொரு விஷயத்திலும் சிக்கிக் கொள்ளாமல் இருப்பது நல்லது. அம்மன் வழிபாடு ஏற்றத்தைக் கொடுக்கும். குடும்பம், நண்பர்கள், உறவு முறையில் இருப்பவர்கள் பேசும் வார்த்தையில் மிகுந்த கவனமாக இருக்க வேண்டும்.

ஆரோக்கியம்

வண்டி, வாகனத்தில் செல்லும்போது கவனம் தேவை. பெற்றோர் ஆரோக்கியத்தில் குறைபாடுகள் ஏற்பட வாய்ப்புள்ளது. பாதத்தில் அறுவை சிகிச்சைகள் செய்யும் சூழ்நிலை ஏற்படும். ஆரோக்கியத்தில் கவனமாக இருப்பது நல்லது. தினந்தோறும் உடற்பயிற்சியை கடைப்பிடிப்பது நல்லது. மேலதிகாரிகளிடம் வாக்குவாதம் செய்வதை தவிர்ப்பது நல்லது. அவசரப்பட்டு வேலையை விடக் கூடாது. இன்னொரு வேலை கிடைத்த பிறகு வேலையை விடுவது நல்லது.

வாக்குவாதம் வேண்டாம்

கணவன், மனைவிக்கிடையே சண்டைகள் இல்லாமல் பார்த்துக் கொள்ள வேண்டும். விட்டுக் கொடுத்துச் செல்வது நல்லது. வாக்குவாதம் இல்லாமல் பார்த்துக் கொள்ள வேண்டும். குழந்தைகள் படிப்பு விஷயத்தில் மிகுந்த கவனம் தேவை. விளையாட்டு விஷயத்தில் அவர்களுக்குத் தேவையானதை முன்கூட்டியே திட்டமிடுவது நன்மை பயக்கும். நீர்நிலைகளுக்கு அருகில் இருக்கக்கூடிய கோயில்களுக்குச் சென்று வழிபாடு செய்வது மேன்மையை ஏற்படுததும்.

ஆசைகள் நிறைவேறும்

ராசிக்கு 2 ஆம் இடத்தில் கேது பகவான் இருக்கிறார். ராசிக்குள் ஒரு மாதத்தில் குரு பகவான் வருகிறார். குரு உச்சம்பெறக்கூடிய ராசியாக இருப்பதால் ஆசைகள் எல்லாம் நிறைவேறக்கூடிய காலகட்டமாக இருக்கும். அரசியலில் இருப்பவர்களுக்கு நல்ல பெயர், புகழ் கிடைக்கும். சினிமா துறையில் இருப்பவர்களுக்கு புதிய வாய்ப்புகள் தேடி வரும். குடும்பத்தில் இருப்பவர்களுக்கு நல்ல வளர்ச்சி உண்டாகும். 2 ஆம் இடத்தில் கேது இருப்பதால் பேச்சில் மிகுந்த கவனமாக இருக்க வேண்டும்.

அனுகூலம்

வாழ்க்கையின் அடுத்தபடிக்குச் செல்லும் யோகம் உண்டாகும். நீண்ட நாட்களாக வேலைக்குச் சென்று கொண்டிருப்பவர்களுக்கு உரிய ஊதியம் கிடைக்கும். சம்பள உயர்வு, பதவி உயர்வு கிடைக்கும் காலகட்டம். விவசாயத்தில் இருப்பவர்களுக்கு இரட்டிப்பு லாபம் கிடைக்கும். உணவு சம்பந்தப்பட்ட விஷயத்தில் மிகுந்த கவனம் தேவை. சேமிப்பு எண்ணங்கள் உருவாகும்.

வழிபாடு

பண விஷயத்தில் சொன்ன வாக்குறுதியை காப்பாற்றுவீர்கள். நீண்ட நாட்களாக வராத பணம் வந்து சேரும். கடின முயற்சியின் மூலம் அரசாங்க உத்தியோகம் கிடைக்கும் யோகம் உள்ளது. பெளர்ணமி கிரிவலம் செல்வது ஏற்றத்தை ஏற்படுத்தும்.