Dhanusu Thai Matha Palan: தனுசு ராசிக்கு கொட்டி கொடுக்கும் குரு.. 30 நாட்களில் வரப்போகும் குட்நியூஸ்
தை மாத ராசி பலன் 2026: புத்தாண்டில் 2026 ஆம் ஆண்டில் வரும் முதல் தமிழ் மாதம் தை பிறக்கவுள்ளது. தை மாதம் மகர மாதம் என்று அழைக்கப்படுகிறது. தை மாதத்தில் விருச்சிக ராசிக்காரர்களுக்கு கிடைக்கும் பலன்கள், பரிகாரங்கள், வழிபாடு செய்ய வேண்டிய தெய்வங்கள் குறித்து இந்த ஜோதிட கட்டுரையில் பார்க்கலாம்.
மகர மாதம்
சூரியன் மகர ராசியில் வரக்கூடிய மாதமே தை மாதம். மகர மாதம் என்றும் கூறப்படுகிறது. சூரியனின் தேர் பாதை தெற்கு திசையில் இருந்து வடக்கு திசைக்கு மாறும் காலம் தான் தை மாதம். தை பிறந்தால் வழி பிறக்கும் என்பது ஐதீகம். மகாபாரதத்தின் பிதாமகரான பீஷ்மர் தை மாதத்தில் தனது உயிர் போவதற்கு அம்பு படுக்கையில் காத்துக் கொண்டிருந்தாராம். அந்த அளவுக்கு சிறப்பு பெற்றது தை மாதம். தேவர்களின் உதயகாலம் தை மாதம். இந்த தை மாதத்தில் தனுசு ராசிக்காரர்களுக்கு கிடைக்கும் பலன்கள், பரிகாரங்கள் குறித்து பார்க்கலாம்.
தனுசு தை மாத ராசி பலன் (Dhanusu)
தனுசு ராசிக்காரர்களுக்கு தன பாக்கியம் கை கூடும். பணம், பொருளாதாரம் சார்ந்த விஷயங்களில் நல்ல ஏற்றங்கள் உண்டாகும். வாழ்க்கைத் துணையில் மறைவுப் பகுதியில் பிரச்சனைகள் ஏற்படும். உங்களுக்கு கண், பல் சம்பந்தப்பட்ட பிரச்சனைகள் வந்து போகும். கையில் பணம் இருந்து கொண்டே இருக்கும். யாரிடம் நீங்கள் பணம் கேட்டாலும் கிடைக்கும் வாய்ப்புள்ளது.
குரு பார்வை
உங்கள் பேச்சில் மற்றவர்கள் பயந்தே அந்த காரியங்களை செய்து கொடுத்து விடுவார்கள். எதற்காகவும், யாருக்காகவும் டென்சன், கோபப்படத் தேவையில்லை. வார்த்தைக்கு மதிப்பு ஏற்படும். குரு பார்வை இருக்கும் வரை உங்களுக்குப் பிரச்சனையே இல்லை. குடும்பத்தில் பேச்சுக்கு மரியாதை இருக்கும். ஆனால், அதிகாரம் செய்வதைத் தவிர்ப்பது நன்மை பயக்கும்.
தொழில்
இரும்பு, ஜல்லி, மெட்டல் வியாபாரம் செய்பவர்களுக்கு பெரிய ஏற்றம், வெற்றி ஏற்படும். கெமிக்கல் சார்ந்த எந்த தொழில் செய்தாலும் நன்றாக இருக்கும். டீ கடை, உணவுக் கடை வியாபாரம் செய்வோருக்கும் நன்றாக இருக்கும். இந்த காலகட்டத்தில் உங்களுடைய ஆரோக்கியம், துணையின் ஆரோக்கியத்தை பார்ப்பது நல்லது. எடுத்த காரியங்களில் ஜெயம் ஏற்படும்.
சந்தோஷம்
பொருளாதாரத்தில் நல்ல முன்னேற்றம் ஏற்படும். வியாபாரம், தொழில், உத்தியோகம், படிப்பில் நல்ல முன்னேற்றம் காணப்படும். கையில் பணம் இருந்து கொண்டே இருக்கும். இரட்டிப்பு லாபங்கள் கிடைக்கும். குடும்பத்தில் மகிழ்ச்சி பெருகும். பெரிய அளவில் எந்த பாதிப்பும் ஏற்படாது. அற்புதமான காலகட்டமாக இருக்கும். பெரிய ஒரு சந்தோஷம் ஒரு மாதம் கழித்து கிடைக்கும் வாய்ப்புள்ளது.
வழிபாடு
ஆரோக்கியத்தை மட்டும் பார்த்துக் கொள்வது நல்லது. சந்தோஷமும், பொருளாதார ஏற்றமும் 80 சதவீதம் நன்றாக இருக்கும். ஆதிசேஷன் வழிபாடு உங்களுக்கு அனுகூலத்தை தரும்.
Click it and Unblock the Notifications
Sign in with Google