இந்த வாரம் அதிர்ஷ்டம் யாருக்கு?.. கடகம், சிம்மம், கன்னி ராசிக்கான முழு பலன்கள்
Weekly Rasi Palan: ஜூன் 15 முதல் 21 ஆம் தேதி (ஆனி 1 முதல் 7 ஆம் தேதி) வரையிலான இந்த வாரத்தில் கடகம், சிம்மம், கன்னி ராசியினருக்கு கிடைக்கும் நல்ல பலன்கள், பரிகாரங்கள், வழிபட வேண்டிய தெய்வங்கள், கவனமாக இருக்க வேண்டிய விஷயங்கள் குறித்து இந்த ஜோதிட கட்டுரையில் விரிவாகப் பார்க்கலாம்.
2026 இல் பல்வேறு முக்கிய கிரகங்களின் இடமாற்றம் நடைபெறவுள்ளன. ஒவ்வொரு கிரகங்களும் குறிப்பிட்ட கால இடைவெளியில் ஒரு ராசியில் இருந்து மற்றொரு ராசிக்குப் பெயர்ச்சியாவது வழக்கம். இந்த கிரகங்களின் நிலை மாற்றம் மற்றும் இடப்பெயர்ச்சியானது 12 ராசிகளிலும் தாக்கத்தை ஏற்படுத்தும். சில ராசிக்காரர்களுக்கு நல்ல பலன்களையும், சில ராசிக்காரர்களுக்கு அசுப பலன்களையும் உண்டாக்கும்.
வைகாசி மாதம் முடிந்து ஆனி மாதம் பிறந்துள்ளது. சூரிய பகவான் மிதுனத்துக்கு பிரவேஷமாகியுள்ளார். மிதுனம், கன்னி, மகர ராசிக்கு நிறைய பிரச்சனைகள் நிவர்த்தியாகும். அந்த வகையில், ஜூன் 15 முதல் 21 ஆம் தேதி (ஆனி 1 முதல் 7 ஆம் தேதி) வரையிலான இந்த வாரத்தில் கடகம், சிம்மம், கன்னி ராசியினருக்கு கிடைக்கும் நல்ல பலன்கள் குறித்துப் பார்க்கலாம்.
கடகம் ராசி பலன்
கடக ராசியினருக்கு இந்த வாரம் தொலைதூரத்தில் இருந்து நல்ல செய்திகள் கிடைக்கும். பிள்ளைகள் மற்றும் வாழ்க்கைத்துணை தொடர்பான விஷயங்களில் முன்னேற்றம் ஏற்படும். புதிய முயற்சிகள், வீட்டு விரிவாக்கம், தொழில் தொடக்கம் போன்றவற்றில் வெற்றி கிடைக்கும். பெரிய மனிதர்களின் ஆதரவும், எதிர்பாராத நன்மைகளும் உண்டாகும்.
பொருளாதாரத்தில் நல்ல முன்னேற்றம், புதிய வருமானம் மற்றும் நகை வாங்கும் யோகம் காணப்படும். இருப்பினும் நண்பர்களுடன் பழகுவதிலும், பணம் கொடுத்து வாங்குவதிலும் கவனம் தேவை. கண், காது, மூக்கு, தொண்டை மற்றும் அலர்ஜி தொடர்பான உடல்நலப் பிரச்சனைகளில் எச்சரிக்கையாக இருக்க வேண்டும். நரசிம்மர் வழிபாடு சிறந்த பலன்களைத் தரும். சந்தோஷம் 70% மற்றும் பொருளாதாரம் 90% வரை சாதகமாக இருக்கும்.
சிம்மம் ராசி பலன்
சிம்ம ராசியினருக்கு இந்த வாரம் தொழில், உத்தியோகம், வியாபாரம் மற்றும் கல்வி தொடர்பான விஷயங்களில் நல்ல முன்னேற்றம் ஏற்படும். இதுவரை தடைபட்டு வந்த காரியங்கள் நிறைவேறும். காதல் மற்றும் தாம்பத்ய வாழ்க்கையில் மகிழ்ச்சி அதிகரிக்கும். பணவரவு சிறப்பாக இருந்து, அரசு மற்றும் மருத்துவம் தொடர்பான துறைகளில் இருப்பவர்களுக்கு நன்மைகள் கிடைக்கும்.
இருப்பினும் புதிய அறிமுகங்கள், நண்பர்கள் மற்றும் வேலை தொடர்பான விஷயங்களில் கவனம் தேவை. மனசஞ்சலம், விரக்தி மற்றும் நரம்பு தொடர்பான உடல்நல பிரச்சனைகளில் எச்சரிக்கையாக இருக்க வேண்டும். தீ மற்றும் மின்சார சாதனங்களை கையாளும் போது கவனம் அவசியம். வரதராஜப் பெருமாள் வழிபாடு நல்ல பலன்களைத் தரும். சந்தோஷமும் பொருளாதாரமும் 80% வரை சாதகமாக இருக்கும்.
கன்னி ராசி பலன்
கன்னி ராசியினருக்கு இந்த வாரம் தொழில், உத்தியோகம், வியாபாரம் மற்றும் கல்வியில் நல்ல முன்னேற்றம் ஏற்படும். திருமணம் மற்றும் காதல் தொடர்பான தடைகள் நீங்கி, உறவுகளில் மகிழ்ச்சி அதிகரிக்கும். பிரிந்தவர்கள் மீண்டும் இணையும் வாய்ப்பும் உள்ளது. புதிய வேலைவாய்ப்புகள் கிடைக்கலாம். கலை, மீடியா மற்றும் அரசியல் துறையினருக்கு திடீர் வாய்ப்புகள் கிடைக்கும்.
முயற்சிகள் வெற்றியாக மாறும். நண்பர்கள் மற்றும் புதிய தொடர்புகள் மூலம் நன்மைகள் கிடைக்கும். இருப்பினும் உடல்நலத்தில் கால், தொடை, அலர்ஜி மற்றும் விட்டமின் குறைபாடு தொடர்பான பிரச்சனைகளில் கவனம் தேவை. வாகனப் பயணங்களில் எச்சரிக்கையாக இருக்க வேண்டும். பெருமாள் மற்றும் திருத்தணி முருகன் வழிபாடு சிறந்த பலன்களைத் தரும். சந்தோஷமும் பொருளாதாரமும் 80% வரை சாதகமாக இருக்கும்.
Click it and Unblock the Notifications
Sign in with Google