இலங்கையில் பாஜக கிளை துவங்கப்படவில்லை.. தீயாக பரவும் செய்தி தவறு
சென்னை: இலங்கையில் பாரதிய ஜனதா கட்சி தனது கிளை கட்சியை துவங்கியுள்ளதாக வெளியான தகவல்களில் உண்மையில்லை.
இந்தியாவில் மத்தியில் ஆட்சி செய்யும் கட்சி பாஜக. பல மாநிலங்களில் ஆட்சியை பிடித்த நிலையில், அடுத்ததாக இலங்கையில் கட்சி துவங்கியுள்ளதாக ஒரு தகவல் வெளியானது.
முத்துசாமி என்பவர் தலைமையில், இலங்கை பாரதிய ஜனதா கட்சி என்ற பெயரில் கட்சி துவங்கப்பட்டதாக அறிவிக்கப்பட்டது. மார்ச் 6ம் தேதி நிருபர்களை சந்தித்த முத்துசாமி, இலங்கை அரசுடன் இணைந்து மேம்பாடு, கல்வி, விளையாட்டு உள்ளிட்டவற்றில் தமிழர்களுக்கான பங்களிப்பை அதிகரிக்க இந்த கட்சியை பயன்படுத்துவோம் என்று தெரிவித்தார்.
ஆனால், இந்த கட்சி இந்திய பாஜக கிளை என்று சில தகவல்கள் இந்தியாவில் பரவின. ஆனால், பெயர் ஒரே மாதிரி இருக்கிறதே தவிர, உண்மையில் இரண்டும் வெவ்வேறு கட்சிகளாகும்.
Fact Check
வெளியான செய்தி
இலங்கையில் பாஜக கட்சி துவங்கியுள்ளது
முடிவு
இந்தியாவின் பாஜகவுக்கும் அந்த கட்சிக்கும் தொடர்பு இல்லை