FACT CHECK: என்னது..தமிழக அரசு பெட்ரோலுக்கு ரூ.54 வரி வசூலிக்கிறதா? பாஜக ராமலிங்கம் சொன்னது உண்மையா?

சென்னை: தமிழ்நாடு அரசு பெட்ரோலுக்கு ரூ.54 வரி விதிக்கிறது என பாஜக மாநில துணைத் தலைவர் கேபி ராமலிங்கம் பேசிய வீடியோ அதிகளவில் பகிரப்படும் நிலையில் அதன் உண்மைத் தன்மை குறித்து அலசுவோம்.

பாஜக மாநிலத் தலைவராக இருக்கும் கே.பி.ராமலிங்கம் செய்தியாளர் சந்திப்பில் பேசிய வீடியோ ஒன்று தற்போது அதிகளவில் பகிரப்பட்டு வருகிறது. அவர் அதில் பேசுகையில், "சென்னையில் பெட்ரோல் என்ன விலை? பெங்களூருவில் என்ன விலை? இன்று அங்கு ரூ.10 குறைவு. ஏன் அதை உங்களால் குறைக்க முடியவில்லை. ஜிஎஸ்டியில் இதை கொண்டு வாருங்கள். விலை குறையப்போகிறது. யார் வேண்டாம் என்று சொன்னது. நாங்கள் 16 ரூபாய் வரி போட்டோம். நீங்கள் ரூ.54 வரி விதித்து உள்ளீர்கள். மத்திய அரசு போட்ட வரி எவ்வளவு? மாநில அரசு போட்ட வரி எவ்வளவு என்று போர்டு போடுங்கள்" என்று பேசி உள்ளார்.

2022 ஆம் ஆண்டு அவர் பேசிய இந்த வீடியோ தற்போது அதிகளவில் பகிரப்பட்டு வருகிறது. இந்த நிலையில் இதன் உண்மைத் தன்மை குறித்து தமிழ்நாடு அரசின் உண்மை சரிபார்ப்புக் குழு விளக்கம் அளித்து உள்ளது. அதில், "பெட்ரோலுக்கு தமிழ்நாடு அரசு ரூ.54 வரி விதிக்கிறது' என்பது வதந்தியே!

வதந்தி: பா.ஜ.க மாநில துணைத்தலைவர் கே.பி.இராமலிங்கம், "பெட்ரோலுக்கு தமிழ்நாடு அரசு ரூ.54 வரி விதிக்கிறது. ஒன்றிய அரசு ரூ.16 மட்டுமே வரி விதிக்கிறது" என பேசிய காணொளி பரவி வருகிறது.

மத்திய அரசு வரி ரூ.16, தமிழக அரசு வரி ரூ.54; பெட்ரோல் பங்க்ல போர்டு வைக்க தமிழக அரசுக்கு தைரியம் இருக்கா?

பாஜக KP..ராமலிங்கம் கேள்வி ... pic.twitter.com/1iAe6IeM05

— Annamalai Army 🔥 (@Sriniva73783247) February 13, 2024

உண்மை என்ன?: கே.பி.இராமலிங்கம் கடந்த 2022 ஆம் ஆண்டு பேசிய காணொளிதான் தற்போது சமூக ஊடகங்களில் பரப்பப்பட்டு வருகிறது. அந்தக் காணொளியில் அவர் பேசியது முற்றிலும் பொய்யானதாகும். பெட்ரோல், டீசலின் அடிப்படை விலை, கச்சா எண்ணெயின் விலைக்கேற்ப மாறுபடும். விலை உயரும் போது அடிப்படை விலை, ஒன்றிய அரசின் கலால் வரி ஆகியவற்றுடன் மாநில அரசின் வாட் வரியின் சதவீதத்திற்கேற்ப விற்பனை விலை மாறுபடும். ஒவ்வொரு மாநில அரசும் குறிப்பிட்ட அளவு வாட் வரி விதிக்கின்றன.

புதிய அரசு ஆட்சிக்கு வந்ததும் பெட்ரோலுக்கு ரூ.3 குறைத்து 2021 ஆம் ஆண்டு அரசாணை வெளியிட்டது. அதன் பிறகு மாநில அரசு வரியில் எந்த மாற்றமும் கொண்டு வரவில்லை. கே.பி.இராமலிங்கம் பேசிய 2022 ஏப்ரல் காலகட்டத்தில் ஒன்றிய அரசு பெட்ரோலுக்கு கலால் வரியாக ரூ.27.9 விதித்துள்ளது. அப்போதைய தமிழ்நாடு அரசின் வரி ரூ. 22.54 (13% + 11.52 ரூ/லி) விட இது அதிகமாகும்.

கே.பி.இராமலிங்கம் கடந்த 2022 ஆம் ஆண்டு பேசியபோது இருந்த பெட்ரோல் விலை:
ஏப்ரல் 2022 ல் பெட்ரோலின் அடிப்படை விலை (போக்குவரத்து செலவு உட்பட) - ரூ. 56.85 / லி
ஒன்றிய அரசின் கலால் வரி, செஸ் வரி: ரூ.27.9 / லி
முகவர் கமிஷன்: ரூ. 3.56 / லி
மாநில அரசின் வாட் வரி: ரூ.22.54 / லி
சில்லறை விற்பனை விலை (சென்னை): ரூ.110.85 / லி
தமிழ்நாடு அரசின் வாட் வரி 13% + 11.52 ரூ/லி." என்று குறிப்பிட்டு உள்ளது.

English summary

As the video of BJP State Vice President KP Ramalingam saying that the Tamil Nadu government is imposing a tax of Rs.54 on petrol is being widely shared, let us analyze its veracity.