சீனாவில் தெருக்களில் சுற்றும் பெண் ரோபோ? சமூக வலைதளங்களில் பரவும் வீடியோ.. உண்மை என்ன!

பீஜிங்: டெக்னாலஜியின் அடுத்த கட்டத்துக்கு நகரும் வகையில் சீனாவின் கண்டுபிடிப்புகள் உள்ளதாக சொல்லப்படும் நிலையில், சீனாவின் தெருக்களில் அச்சு அசலாக பெண் போலவே ஒரு ரோபோ உலா வருவது போன்ற வீடியோ சமூக வலைத்தளங்களில் பரவியது. உண்மையில் அது பெண்ணா? அல்லது ரோபோவா? என்பது தற்போது தெரியவந்துள்ளது.

ஆசிய நாடுகளில் ஒன்று சீனா. தொழில்நுட்பத்திலும் சரி, புதுப்புது கண்டுபிடிப்புகளிலும் சரி எப்போதும் சீனா தன்னை முன்னிலை படுத்த முயற்சி செய்து வருகிறது. அதற்கு ஏற்றாற்போல் பல்வேறு புது முயற்சிகளையும் கையில் எடுத்து வருகிறது.

டெக்னாலஜியின் அடுத்த கட்டத்துக்கு நகரும் வகையில் சீனாவின் கண்டுபிடிப்புகள் உள்ளதாக சொல்லப்படுகிறது. ஒருவர் வீட்டில் இருந்து அலுவலகம் சென்றடையும் வரை அனைத்துமே சீனாவில் நவீனமயமாகிவிட்டது என்றும், நாம் தற்போது 2050 ஆம் ஆண்டில் இருக்கிறோமோ என்று நாம் எண்ணத்தோன்றும் வகையில் சீனாவில் அன்றாட வாழ்க்கை நிலை மாறிவிட்டதாக கூறப்படுகிறது.

ரயில், பஸ் என அனைத்திலுமே புதுப்புது டெக்னாலஜியை கொண்டு வந்துள்ள நிலையில், பெண் ரோபோ ஒன்று சாலைகளில் உலாவும் வீடியோ இணையத்தில் பரவியது. அந்த வீடியோவில், பார்ப்பதற்கு அச்சு அசலாக பெண் போலவே, ஒரு ரோபோ சாலைகளில் சர்வ சாதாரணமாக நடந்து செல்வதும், பேசுவதும் போன்ற வீடியோ வெளியாகி இருந்தது.

அந்த வீடியோவில், ரோபோ ஒன்று ஷாப்பிங் சென்றுவிட்டு கையில் ஒரு பையுடன் சிக்னலில் பஸ்சுக்காக நிற்பது போலவும், அப்போது, அந்த ரோபோவை பலரும் சுற்றி நின்று வீடியோ எடுக்கிறார்கள். தொடர்ந்து அங்கிருந்து சில மீட்டர் தூரம் சென்று அங்குள்ள ஷாப்பிங் மாலுக்கு செல்வது போலவும் பலரும் அந்த ரோபோவை பின் தொடர்ந்து செல்வது போலவும் இருந்தது.

*❓CAN YOU IMAGINE*
This Is A ROBOT in China, walking around in public places. (ROBOT A I). Where's the world headed? pic.twitter.com/LQfGeinK1r

— SRK(@)Sanatani (@experienceluv) November 3, 2024

இந்த வீடியோவை பார்த்த பலரும், "அடேங்கப்பா.. சீனாவின் கண்டுபிடிப்பே.. கண்டுபிடிப்பு தான். ரோபோ அச்சு அசலாக பெண் போலவே இருக்கிறதே.." என்று பலரும் கருத்துக்கள் தெரிவித்து வந்தனர். மற்றும் சிலர், 'உண்மையில் அது ரோபோ கிடையாது என்றும் நிஜமாகவே ஒரு பெண் என்றும் மற்றொரு தரப்பினர் கருத்துக்கள் பதிவிட்டு வந்தனர். இதனால் உண்மையில் சீனாவில் சாலைகளில் உலா வந்தது பெண் ரோபோவா? இல்லை பெண்ணா? என்பதற்கு தற்போது உண்மையான விளக்கம் கிடைத்துள்ளது.

உண்மையில் அந்த வீடியோவில் இருப்பது பெண் என்று பேக்ட் செக் செய்து பார்த்ததில் தெரியவந்துள்ளது. சீனாவின் தெருக்களில் சுற்றி வந்தது சமூக வலைத்தளங்களில் பிரபலமான வீடியோ எடிட்டர் என்பது தெரியவந்தது. இமேஜ் ரிவர்ஸ் செய்து பார்த்த போது அது ரோபோ இல்லை என்று பெண் தான் என்று கண்டுபிடிக்கப்பட்டது.

English summary

With China's inventions said to be moving to the next level of technology, a video of a woman-like robot strolling the streets of China has gone viral on social media. Is it really a girl? Or a robot? It has now been revealed.