Fact check: கிருஷ்ணகிரி அரசுப் பள்ளியில் மதப் பிரச்சாரம்? என்ன நடந்தது? உண்மை சரிபார்ப்பகம் விளக்கம்

சென்னை: கிருஷ்ணகிரி மாவட்டம் மத்தூர் மூக்காகவுண்டனூர் அரசு தொடக்கப்பள்ளியில் கிறிஸ்தவ மத பிரச்சாரம் செய்வதாகக் குறிப்பிட்டு வீடியோ ஒன்று சமூக வலைத்தளங்களில் பரப்பப்படுகிறது. இது உண்மையிலேயே நடந்ததா? என்ன நடந்தது? பார்க்கலாம்.

பரவும் செய்தி: கிருஷ்ணகிரி மாவட்டம் மத்தூர் மூக்காகவுண்டனூர் அரசு தொடக்கப்பள்ளியில் கிறிஸ்தவ மத பிரச்சாரம் செய்வதாகக் குறிப்பிட்டு காணொளி ஒன்று சமூக வலைத்தளங்களில் பரப்பப்பட்டு வருகிறது. பாஜக நிர்வாகி அஸ்வத்தாமனும் இந்த வீடியோவை பகிர்ந்து, "பள்ளியில் திருக்குறள் சொல்லி கொடுத்தால் தான் தவறி. கிறிஸ்தவ மத பிரச்சாரம் செய்யலாம்.. அப்படித்தானே பள்ளிக் கல்வித் துறை அமைச்சரே?" எனக் கேட்டு சமூக வலைதளத்தில் பதிவிட்டுள்ளார்.

உண்மை என்ன?: இந்த வீடியோ தொடர்பாக தமிழக அரசின் உண்மை சரிபார்ப்பகம், இதன் உண்மைத்தன்மை குறித்து ஆய்வு செய்து பதிவிட்டுள்ளது. அதன்படி, இது இரவில் அனுமதியின்றி நிகழ்ந்த சம்பவம். கிருஷ்ணகிரி மாவட்டம் மூக்காகவுண்டனூர் அரசு தொடக்கப்பள்ளி வளாகத்தில் கடந்த 5.12.2024 ஆம் தேதி இரவு எந்த அனுமதியும் பெறாமல் வாகனம் மூலம் கூட்டம் நடத்தி உள்ளனர்.

அனுமதி இன்றி கூட்டம் நடத்தியவர்கள் மீது உரிய நடவடிக்கை எடுக்கக்கோரி காவல் நிலையத்தில் அப்பள்ளியின் தலைமையாசிரியர் புகார் அளித்துள்ளார். இந்தப் பள்ளியின் வாயில் பொதுப்பாதையாகப் பயன்படுத்தப்பட்டு வருவதால் இவ்வாறு வாகனத்தில் வந்து பிரச்சாரம் செய்துள்ளனர் எனத் தெரியவந்துள்ளது.

English summary

A video is being circulated on social media claiming to be a Christian propaganda campaign at Mathur Mookkakavundanur Government School in Krishnagiri district. What actually happened? Let's see.