Fact Check: கொடுக்குற மாதிரி கொடுத்துட்டு திரும்ப வாங்கினாரா உதயநிதி? பரவிய வீடியோ.. உண்மை என்ன?
சென்னை: மாணவர்களுக்கு விளையாட்டு உபகரணங்களைக் கொடுப்பது போல் கொடுத்துவிட்டுத் திரும்பப் பெறுவதாகத் துணை முதல்வர் உதயநிதி ஸ்டாலினின் வீடியோ ஒன்று சமூக வலைதளங்களில் பரவி வருகிறது. இந்நிலையில், இந்த தகவல் பொய்யானது என தமிழக அரசின் உண்மை சரிபார்ப்பகம் விளக்கம் அளித்துள்ளது.
தமிழக அரசு சார்பில் தமிழ்நாடு முழுவதும், மாணவர்களுக்கு கலைஞர் விளையாட்டு உபகரணங்கள், அதாவது ஸ்போர்ட்ஸ் கிட் வழங்கப்பட்டு வருகிறது. இந்நிலையில், இந்த திட்டம் தொடர்பாக ஒரு வதந்தி சமூக வலைதளங்களில் தீவிரமாகப் பரவியது.
பரவிய தகவல்: துணை முதல்வர் உதயநிதி ஸ்டாலின், மாணவர்களுக்கு விளையாட்டு உபகரணங்களைக் கொடுப்பதுபோல் கொடுத்து விட்டுத் திரும்பப் பெறுவதாக வீடியோ ஒன்று சமூக வலை தளங்களில் பரவி வருகிறது. பாஜக, அதிமுக ஆதரவாளர்கள் பலரும் இந்த வீடியோவை பகிர்ந்து திமுக அரசை கடுமையாக விமர்சித்திருந்தனர்.
உண்மை என்ன?: இந்நிலையில், இது முற்றிலும் பொய்யான தகவல் என தமிழக அரசின் உண்மை சரிபார்ப்பகம் மறுத்துள்ளது. விழுப்புரத்தில் நடைபெற்ற கலைஞர் விளையாட்டு உபகரணங்கள் அடங்கிய தொகுப்புகள் வழங்கும் விழாவில், விழுப்புரம் மாவட்டத்தைச் சேர்ந்த 688 ஊராட்சிகளுக்கு, 33 விளையாட்டு உபகரணங்கள் அடங்கிய 825 தொகுப்புகளைத் துணை முதல்வர் உதயநிதி ஸ்டாலின் வழங்கினார்.
இதற்கான நிகழ்ச்சியில் மேடையில் விளையாட்டு உபகரணங்கள் அடையாளத்துக்காக வழங்கப்பட்ட போது எடுக்கப்பட்ட காணொளியைத் திரித்து தவறாகப் பரப்பி வருகின்றனர். வதந்தியைப் பரப்பாதீர்! என தமிழக அரசின் உண்மை சரிபார்க்கம் விளக்கம் அளித்துள்ளது.
Fact Check
வெளியான செய்தி
மாணவர்களுக்கு விளையாட்டு உபகரணங்களைக் கொடுப்பதுபோல் கொடுத்து விட்டுத் திரும்பப் பெறுவதாக வீடியோ ஒன்று சமூக வலைதளங்களில் பரவியது.
முடிவு
மேடையில் விளையாட்டு உபகரணங்கள் அடையாளத்துக்காக வழங்கப்பட்ட போது எடுக்கப்பட்ட காணொளியைத் திரித்து தவறாகப் பரப்பி வருவதாக தமிழக அரசின் உண்மை சரிபார்க்கம் விளக்கம் அளித்துள்ளது.
Click it and Unblock the Notifications
Sign in with Google