FACT CHECK: மோடி செமயா கிரிக்கெட் ஆடுறாரே.. யுவராஜ் சிங் தந்தை வீடியோவை காட்டி சிலாகித்த பாஜகவினர்

Updated: Wednesday, March 15, 2023, 6:15 [IST]

Subscribe to Oneindia Tamil

சென்னை: பிரதமர் நரேந்திர மோடி பந்துகளை விளாசி அசத்தலாக பேட்டிங் செய்வதை போன்ற வீடியோவை வெளியிட்டு பாஜக ஆதரவாளர்கள் சிலாகித்து வருகிறார்கள். இந்த நிலையில் அந்த வீடியோவில் இருப்பது பிரதமர் நரேந்திர மோடிதானா? அதன் உண்மை தன்மை என்ன என்பது குறித்து அலசுவோம்.

இந்தியா - ஆஸ்திரேலியாவுக்கு இடையிலான பார்டர் கவாஸ்கர் தொடரின் இறுதிப்போட்டி அண்மையில் குஜராத்தின் அஹமதாபாத்தில் நடந்து முடிந்தது.

இந்த போட்டியை பிரதமர் நரேந்திர மோடியும் ஆஸ்திரேலிய பிரதமர் ஆந்தோனி ஆல்பனீசும் தொடங்கி வைத்து, தங்கள் நாட்டு வீரர்களுடன் தேசிய கீதம் ஒலிக்கும்போது அணிவகுத்து நின்றனர்.

இப்படி இந்த மனுசன் சகல விசயத்தையும் அறிந்து வைத்திருப்பதை தான் எதிரிகளால் ஜீரணிக்க முடியாமல் கதறுறானுக தேர்ந்தெடுக்கப்பட்ட கிரிக்கெட் வீரனை போல் அற்புதமாக பேட்டிங் நளினம் மிக அருமை.

தலைவன் என்றுமே தலைவன் தான். pic.twitter.com/ugqEmCHND4
— Sevak Sathya (@Sevakofmata) March 13, 2023

டிரெண்டாகும் வீடியோ

இந்த புகைப்படம் சமூக வலைதளங்களில் டிரெண்டான நிலையில் விராட் கோலி, ரோகித் சர்மா ஆகியோருடன் பிரதமர் மோடியும் இந்திய அணி டெஸ்ட் சீருடை அணிந்து இருப்பதை போன்ற புகைப்படத்துடன், பிரதமர் நரேந்திர மோடி கிரிக்கெட் விளையாடுவதாக ஒரு வீடியோவை எடிட் செய்தி அவரை பாஜகவினர் பாராட்டி வருகிறார்கள்.

பேட்டிங் செய்யும் மோடி

"இப்படி இந்த மனுசன் சகல விசயத்தையும் அறிந்து வைத்திருப்பதை தான் எதிரிகளால் ஜீரணிக்க முடியாமல் கதறுறானுக தேர்ந்தெடுக்கப்பட்ட கிரிக்கெட் வீரனை போல் அற்புதமாக பேட்டிங் நளினம் மிக அருமை..." என்ற பதிவுடன் இதனை பாஜக ஆதரவாளர்கள் பலரும் பகிர்ந்து சிலாகித்து வருகிறார்கள். வெள்ளை குர்தாவுடன் நீள நிற சுவட்டர், கழுத்தில் துண்டு வெள்ளை முடி, வெள்ளை தாடியுடன் அந்த வீடியோவில் பந்துகளை அடிக்கிறார்.

இன்ஸ்டாகிராம் பக்கம்

இதன் உண்மை தன்மை குறித்து இணையத்தில் ஆராய்ந்தபோது கடந்த மார்ச் 12 ஆம் தேதி YSPL Cricket என்ற இன்ஸ்டாகிராம் பக்கத்தில் இந்த வீடியோ பதிவிடப்பட்டு இருக்கிறது. அத்துடன் யோக்ராஜ் சிங் என்ற இன்ஸ்டாகிராம் கணக்கு இந்த வீடியோவில் டேக் செய்யப்பட்டு இருக்கிறது. "எனக்கு கிரிக்கெட் விளையாட பிடிக்கும். விளையாடினால் வாழ்க்கை சுவாரஸ்யமாக இருக்கும். உங்களுக்கு பிடித்த விளையாட்டு எது?" என்று அதில் பதிவிடப்பட்டு இருக்கிறது.

யுவராஜ் சிங்கின் தந்தை

அத்துடன் யோக்ராஜ் சிங் என்ற இணையளத்தின் பெயரும் இணைக்கப்பட்டு இருந்தது. அதில் சென்று பார்த்தபோதுதான் அவர் மிகப்பெரிய ஜாம்பவான்களுக்கு எல்லாம் கிரிக்கெட் பயிற்சியளித்த யோக்ராஜ் சிங் என்பதும் அவர் ஓய்வுபெற்ற இந்திய கிரிக்கெட் வீரர் யுவராஜ் சிங்கின் தந்தை என்பதும் தெரியவந்தது. இவர் யுவராஜ், மனன் வோரா போன்ற வீரர்களுக்கு அவர் பயிற்சி அளித்து இருக்கிறார்.

உண்மை என்ன?

முன் பக்கமாக பார்க்க மிகப்பெரிய தாடியுடன் யோக்ராஜ் சிங் காணப்படுகிறார். அதே நேரம் அவர் கிரிக்கெட் விளையாடியதை பின்புறமாக பார்க்க ஒரு சாயலுக்கு பிரதமர் நரேந்திர மோடியை போன்று தெரிகிறார். இந்த நிலையில் அதை பதிவிட்டு பிரதமர் நரேந்திர மோடி பேட்டிங் செய்வதாக வதந்தி பரப்பி உள்ளனர்.