Gold Rate Today: ரூ.1 லட்சத்திற்கு கீழ் வந்த தங்கம் விலை.. ஒரே நாளில் ரூ.960 குறைவு.. சவரன் ரூ.99,840க்கு விற்பனை!

Updated: Wednesday, December 31, 2025, 16:02 [IST]

Subscribe to Oneindia Tamil

சென்னை: கடந்த சில நாட்களாக தங்கம் விலை ஒரு லட்சம் ரூபாய்க்கும் அதிகமாக விற்பனையாகி வந்த நிலையில், தற்போது ஒரு லட்சத்திற்கு கீழ் சரிந்துள்ளது. இன்று ஒரே நாளில் தங்கம் விலை சவரனுக்கு ரூ.960 குறைந்து, ஒரு சவரன் தங்கம் ரூ.99,840க்கு விற்பனையாகி வருகிறது. இதனால் ஒரு கிராம் தங்கம் ரூ.120 குறைந்து, 12,480க்கும், ஒரு கிராம் வெள்ளி ரூ.1 குறைந்து, ஒரு கிராம் ரூ.257க்கும் விற்பனையாகி வருகிறது.

சர்வதேச பொருளாதார நிலவரத்திற்கு ஏற்ப தங்கம் விலை நிர்ணயம் செய்யப்பட்டு வருகிறது. ரஷ்யா மீது அமெரிக்கா விதித்த தடை, சீனா மற்றும் இந்தியா மீதான வரி உயர்வு, மத்திய கிழக்கு நாடுகளில் உள்ள போர் பதற்றம் உள்ளிட்டவையால் தங்கம் விலை உயர்ந்து கொண்டே போகிறது. இதனால் ஏற்றுமதி, இறக்குமதியை டாலருக்கு பதிலாக தங்கத்தில் நடத்தலாம் என்ற முடிவுக்கு பல நாடுகள் வந்துவிட்டன.

இதனால் தங்கம் மற்றும் வெள்ளி விலை ஒவ்வொரு நாளும் புதிய உச்சத்தை எட்டி வருகிறது. இந்த ஆண்டு பிப்ரவரி மாதம் முதலே தங்கம் விலை தொடர்ந்து உயர்வை சந்தித்து வரும் நிலையில், சாமானிய மக்களிடையே மிகப்பெரிய அதிர்வலைகளை ஏற்படுத்தி இருக்கிறது. ஏனென்றால் தங்கம் விலை கடந்த 8 மாதங்களில் சவரனுக்கு சுமார் ரூ.45 ஆயிரம் வரை உயர்ந்திருக்கிறது.

அதன் உச்சமாக டிசம்பர் 15ஆம் தேதி தங்கம் விலை சவரனுக்கு ரூ.1 லட்சத்தை கடந்தது. தொடர்ந்து உயர்ந்து கொண்டே சென்ற தங்கம் மற்றும் வெள்ளி விலை, உச்சமாக ரூ.1.04 லட்சம் வரை சென்றது. ஆனால் கிறிஸ்துமஸ் விடுமுறைக்கு பின் மீண்டும் தங்கம் விலை சரியத் தொடங்கியது. குறுகிய கால லாப நோக்கில் தங்கத்தை வாங்கி விற்பது அதிகரித்திருப்பதால், தங்கம் விலை திடீரென சரிவை சந்திப்பதாக சொல்லப்படுகிறது.

ஆனால் நாளை புத்தாண்டு என்பதால், தங்கம் வாங்குவோரின் எண்ணிக்கை அதிகரிக்கும் என்று பார்க்கப்படுகிறது. பலரும் புத்தாண்டையொட்டி தங்கம் வாங்குவதை வழக்கமாக கொண்டுள்ளனர். நேற்று முன்தினம் தங்கம் விலை சவரனுக்கு ரூ.640 சரிந்து, ஒரு சவரன் ரூ.1,04,160க்கு விற்பனையான நிலையில், நேற்று மிகப்பெரிய சரிவை சந்தித்தது.

நேற்று தங்கம் கிராமுக்கு ரூ.420 குறைந்து, ரூ.12,600க்கு விற்பனையானது. இதனால் ஒரு சவரனுக்கு ரூ.3,360 குறைந்து ரூ.1,00,80க்கு விற்பனை செய்யப்பட்டது. வெள்ளியின் விலை கிராமுக்கு ரூ.23 குறைந்து, ஒரு கிராம் ரூ.258க்கு விற்பனையாகியது. இதனால் 3வது நாளாக தங்கம் விலை சரியுமா என்ற எதிர்பார்ப்பு ஏற்பட்டது.

அதற்கேற்ப தங்கம் விலை 3வது நாளாகவும் சரிந்துள்ளது. சென்னையில் தங்கம் விலை கிராமுக்கு ரூ.50 குறைந்து, ஒரு கிராம் ரூ.12,550க்கு விற்பனையாகியது. அதெபோல் சவரனுக்கு ரூ.400 குறைந்து, ஒரு சவரன் ரூ.1,00,400க்கு விற்பனை செய்யப்பட்டது. வெள்ளி விலையில் எந்த மாற்றமும் இல்லை. ஒரு கிராம் வெள்ளி அதே விலையான ரூ.258க்கு விற்பனையாகி வந்தது.

இந்த நிலையில் தங்கம் விலை 2வது முறையாக குறைந்துள்ளது. ஒரு கிராம் தங்கம் ரூ.70 சரிந்த நிலையில், ஒரு கிராம் ரூ.12,480க்கும், சவரனுக்கு ரூ.560 குறைந்து, ஒரு சவரன் ரூ.99,840க்கும் விற்பனையாகி வருகிறது. அதேபோல் வெள்ளி விலையும் கிராமுக்கு ரூ.1 குறைந்து, ஒரு கிராம் ரூ.257க்கு விர்பனையாகி வருகிறது. புத்தாண்டுக்கு முன் தங்கம் விலை தொடர்ந்து குறைந்து வருவது மக்களிடையே மகிழ்ச்சியை ஏற்படுத்தியுள்ளது.