Gold Rate Today: தங்கம் விலை சவரனுக்கு ரூ.560 உயர்வு.. ஒரு சவரன் ரூ.1,20,960க்கு விற்பனை!
சென்னை: சென்னையில் ஆபரணத் தங்கம் ஒரு கிராம் ரூ.70 உயர்ந்து, ஒரு சவரனுக்கு ரூ.560 உயர்ந்துள்ளது. இதனால் ஒரு கிராம் தங்கம் ரூ.15,120க்கும், ஒரு சவரன் தங்கம் ரூ.1,20,960க்கு விற்பனை செய்யப்பட்டு வருகிறது. கடந்த சில நாட்களாக குறைந்து வந்த சூழலில், தற்போது மீண்டும் உயரத் தொடங்கி இருப்பது சாமானிய மக்களிடையே கவலையை ஏற்படுத்தி இருக்கிறது.
கடந்த ஓராண்டுக்கும் மேலாக தங்கம் விலை 2 மடங்கு உயர்வை சந்தித்துள்ளது. அமெரிக்கா அதிபராக டிரம்ப் பதவியேற்ற நாள் முதல் தங்கம் விலை ஒவ்வொரு நாளும் சாமானிய மக்களுக்கு அதிர்ச்சி கொடுத்து வந்தது. இந்த நிலையில் ஈரான் - இஸ்ரேல் இடையிலான போர் காரணமாக பிப்ரவரி கடைசி முதல் தங்கம் விலை அடுத்த உச்சத்தை எட்டும் என்று கருதப்பட்டது.
ஆனால் எதிர்பார்ப்புக்கு மாறாக தங்கம் விலை வீழ்ச்சி அடைந்தது. இதனால் பலரும் தங்கம் வாங்க நகைக் கடையை நோக்கி படையெடுத்தனர். இந்த நிலையில் கடந்த 2 நாட்களாக தங்கம் விலை மீண்டும் ஏற்றம் பெற தொடங்கி இருக்கிறது. நேற்று முன் தினம் சென்னையில் ஆபரணத் தங்கம் விலை சவரனுக்கு ரூ.800 குறைந்து, ஒரு சவரன் ரூ.1,19,600க்கு விற்பனை செய்யப்பட்டது. ஒரு கிராம் ரூ.14,950க்கு விற்பனையாகியது.
ஆனால் நேற்று ஆபரணத் தங்கத்தின் விலை சவரனுக்கு ரூ.800 அதிகரித்தது. இதனால் ஒரு சவரன் ரூ.1,20,400க்கும், ஒரு கிராம் ரூ.15,050க்கும் விற்பனை செய்யப்பட்டது. அதேபோல் வெள்லி விலை கிராமுக்கு ரூ.10 உயர்ந்து, ஒரு கிராம் ரூ.300க்கும், ஒரு கிலோ வெள்ளி ரூ.3,00,000க்கும் விற்பனை செய்யப்பட்டது. இந்த நிலையில் இன்று தங்கம் விலை மீண்டும் உயர்ந்துள்ளது.
சென்னையில் ஆபரணத் தங்கம் ஒரு கிராம் ரூ.70 உயர்ந்து, ஒரு சவரனுக்கு ரூ.560 உயர்ந்துள்ளது. இதனால் ஒரு கிராம் தங்கம் ரூ.15,120க்கும், ஒரு சவரன் தங்கம் ரூ.1,20,960க்கு விற்பனை செய்யப்பட்டு வருகிறது. வெள்ளி விலையை பொறுத்தவரை எந்த மாற்றமும் இல்லை. ஒரு கிராம் வெள்ளி ரூ.300க்கு விற்பனை செய்யப்பட்டு வருகிறது.
Click it and Unblock the Notifications
Sign in with Google