ஆறுதலுக்கு சரிந்த தங்கம் விலை! இன்னைக்கு என்ன ரேட்னு பாருங்க

Updated: Friday, July 4, 2025, 12:03 [IST]

Subscribe to Oneindia Tamil

சென்னை: சர்வதேச அளவில் நடக்கும் மாற்றங்கள், தங்கம் விலையில் பிரதிபலித்து வருகிறது. இதனால் கடந்த சில நாட்களாகவே தங்கம் விலை தொடர்ந்து உச்சத்தில் இருந்து வந்தது. இந்நிலையில் இன்று ஆறுதலுக்கு கொஞ்சம் குறைந்திருக்கிறது.

அதாவது, இன்று கிராமுக்கு ரூ.55 குறைந்து ரூ.9,050 என்றும், சவரனுக்கு ரூ.440 குறைந்து ரூ.72,400 எனவும் விற்பனை செய்யப்பட்டு வருகிறது. வெள்ளியை பொறுத்தவரை, கிராமுக்கு வெறும் 1 ரூபாய் குறைந்து கிராம் ரூ.120-க்கும், ஒரு கிலோ ரூ.1 லட்சத்து 20 ஆயிரத்திற்கும் விற்பனையாகி வருகிறது.

சர்வதேச அளவில் நடக்கும் மாற்றங்கள் என்றால், ரஷ்யா-உக்ரைன் போர், இஸ்ரேல்-ஈரான் போர் என உலக சமாச்சாரங்கள் தீவிரமடைந்து வருகிறது. இதுதான் தங்கம் உள்ளிட்ட மற்ற பொருட்களின் விலையில் தாக்கத்தை ஏற்படுத்தியுள்ளது. போர்கள் நிதி சந்தையில் அச்சத்தை உருவாக்கும். எதில் முதலீடு செய்தாலும் அதிலிருந்து லாபம் வராது. போர் காலத்தில் ஆயுத விற்பனை தவிர எந்த வியாபராமும் நன்றாக ஓடாது. அதேபோல எல்லோராலும் ஆயுத விற்பனை செய்ய முடியாது.

எனவே எது பாதுகாப்பான முதலீடு என்று யோசிப்பார்கள். காலங்காலமாக அழியா, மதிப்பு குறையாது எது? நிச்சயம் அது தங்கம்தான். எனவே எல்லோரும் தங்கத்தை நோக்கி ஓடுவார்கள். டிமான்ட் அதிகமானால், அதன் மதிப்பு உயரும். அப்படித்தான் தங்கத்தின் விலையும் உயர்கிறது.

அதேபோல சர்வதேச அளவில் எழுதப்படாத விதி ஒன்று இருக்கிறது. அதாவது அமெரிக்க டாலரின் மதிப்பு குறைந்தால் தங்கம் விலை உயரும். இப்போது நிலைமை இப்படித்தான் இருக்கிறது. கடந்த 50 ஆண்டுகளில் இல்லாத அளவுக்கு டாலரின் விலை சரிந்திருக்கிறது. டிரம்ப்பின் தவறான பொருளாதார கொள்கைகள் காரணமாக இந்த சரிவு ஏற்பட்டிருக்கிறது. இந்த சரிவு காரணமாக தங்கம் மறுமுனையில் விலை உச்சத்தை எட்ட தொடங்கியிருக்கிறது.

தங்கம் மட்டுமல்ல பெட்ரோல், டீசல் உள்ளிட்ட விலைகளும் அதிகரித்துள்ளன. போக்குவரத்துக்கு அடிப்படை இதுதான் என்பதால் கட்டுமான பொருட்கள் தொடங்கி, டெக் பொருட்கள், வீட்டு உபயோக பொருட்கள் என மற்ற பொருட்களின் விலையும் அதிகரித்துள்ளது. என்பது குறிப்பிடத்தக்கது.